Futbol millimiz ABŞ-la qarşılaşacaq
2000-ci il təvəllüdlü futbolçular arasında Slovakiyada təşkil olunmuş beynəlxalq turnirdə qrup mərhələsinə yekun vurulub.
"Ölkə.Az" xəbər verir ki, 19 yaşadək futbolçulardan ibarət Azərbaycan yığması III turda Slovakiya komandası ilə qarşılaşıb.
Oyun qolsuz bərabərliklə yekunlaşıb.
Bu nəticədən sonra hesabındakı xalları dördə çatdıran yığmamız qrupda II yeri tutub. Turnirin əsasnaməsinə uyğun olaraq, qrup qalibləri finalda, II pilləni tutan komandalar isə III yer uğrunda oyunda mübarizə aparacaq.
Yığmamız sabah keçiriləcək III yer uğrunda oyunda digər qrupun ikincisi olan ABŞ millisi ilə qarşılaşacaq. Finalda isə iki qonşu – Slovakiya və Çexiya üz-üzə gələcək.
Qeyd edək ki, millimiz qrupun digər görüşündə Macarıstana 0:1 yenilib, Uelsə isə 3:0 hesabı ilə qalib gəlib.
