Futbol üzrə 2018-ci il dünya çempionatının püşkü atıldı — QRUPLAR, FOTOLAR

Futbol üzrə 2018-ci il dünya çempionatının püşkü atıldı
20:30
01.12.2017
5005
İdman
A
Futbol üzrə 2018-ci il dünya çempionatının püşkatma mərasimi keçirilib.

“Ölkə.Az” xəbər verir ki, mərasim Rusiya paytaxtı Moskva şəhərində, Dövlət Kreml Sarayında baş tutub. Tədbirdə ingiltərəli veteran futbolçu Hari Linekerlə rusiyalı telejurnalist Mariya Komandnaya aparıcılıq ediblər. Mərasimə qatılan Rusiya Federasiyasının prezidenti Vladimir Putin və FİFA prezidenti Canni İnfantino çempionatın yüksək səviyyədə təşkil olunacağına inandıqlarını deyiblər.

Mərasimdə planetin ən yaxşı 32 komandası 8 qrupa bölünüb.

İyunun 14-də keçirilən açılış matçında Rusiya və Səudiyyə Ərəbistanı milliləri qarşılaşacaq. Püşk nəticəsində qrupların tərkibi belə müəyyənləşib:

A qrupu: Rusiya, Səudiyyə Ərəbistanı, Misir, Uruqvay 
B qrupu: Portuqaliya, İspaniya, Mərakeş, İran
C qrupu: Fransa, Avstraliya, Peru, Danimarka
D qrupu: Argentina, İslandiya, Xorvatiya, Nigeriya 
E qrupu: Braziliya, İsveçrə, Kosta Rika, Serbiya
F qrupu: Almaniya, Meksika, İsveç, Cənubi Koreya
G qrupu: Belçika, Panama, Tunis, İngiltərə 
H qrupu: Polşa, Seneqal, Kolumbiya, Yaponiya

Qeyd edək ki, oyunlar gələn il iyunun 14-dən iyulun 15-dək Rusiyanın 11 şəhərindəki 12 stadionda keçiriləcək.

Ziya Səccad
Ölkə.Az

ŞƏRH YAZ
0

AÇ: Azərbaycan İtaliyaya qalib gəldi

AÇ: Azərbaycan İtaliyaya qalib gəldi
01:13
Bu gün
21
İdman
A
Yunanıstanda keçirilən şahmat üzrə klublararası Avropa çempionatında (AÇ) IV tur başa çatıb.

"Ölkə.Az" xəbər verir ki, kişilərdən ibarət “Odlar Yurdu” komandamız İsrailin “Beer Şeva” klubu ilə üz-üzə gəlib.

Görüşdə qalib müəyyənləşməyib - 4:4. İlk xal itkisi ilə üzləşən komandamız yeddi xalla III pillədədir.

“Odlar Yurdu”nun qadınlar komandası isə İtaliyanın “Çaissa” klubu ilə üzləşib. Qızlarımızın dördü də öz görüşlərini qələbə ilə başa vurub - 4:0. Komandamız dörd xalla öz qrupunda III pillədədir.

Ölkə.Az

ŞƏRH YAZ
0

"Hətta komanda qalib gələn zaman mənə təhqirlər davam edirsə, buna başqa izah verə bilmirəm” — Mahir Mədətov

00:44
Bu gün
52
İdman
A
"İştirakım olmayan epizodlarda, mövqeyimdən uzaq baş verənlərdə, hətta komandamız qalib gələn zaman mənə təhqirlər davam edirsə, buna başqa izah verə bilmirəm”.

"Ölkə.Az" xəbər verir ki, bunu report-a açıqlamasında "Qarabağ” klubunun və Azərbaycan milli komandasının futbolçusu Mahir Mədətov ev oyunları zamanı fitə basılmasına cavab olaraq deyib.

Mədətov son oyunlarda qol vura bilməməsini belə izah edib:

"Hamıdan çox fərqlənib komandama kömək etmək istəyirəm. Futbol bir komanda oyunudur. Komanda yoldaşım fərqlənirsə, bu, hamımızın uğurudur. Azarkeş də komandanı dəstəkləyir, hansısa bir futbolçunu yox. Hər zamankından daha çox çalışıram ki, komandaya xeyir verim. Düzdür, beynəlxalq oyunlarda hələ qol vurmamışam. Amma inanıram ki, o da olacaq”.

"Özümü kiməsə sübut etmək kimi fikrim yoxdur” deyən hücumçu əsas məqsədinin baş məşqçi Qurban Qurbanovun verdiyi tapşırıqları yerinə yetirməkdən ibarət olduğunu vurğulayıb:

"Futbolçuyam, öz işimi görürəm, baş məşqçinin verdiyi tapşırıqlara əməl edirəm. Üzərimə düşən vəzifəmi, işimi icra etməyə çalışıram.

Mahir Mədətov "Qarabağ"ın İngiltərə "Arsenal"ı ilə Avropa Liqası, Azərbaycan yığmasının isə Malta ilə UEFA Millətlər Liqası matçlarında qol epizodlarından yararlana bilmədiyi üçün azarkeşlərin sərt reaksiyası ilə qarşılaşıb.

Ölkə.Az

ŞƏRH YAZ
0
BAĞLA