Futbol üzrə XXI dünya çempionatının açılış mərasimi keçirilir

Futbol üzrə XXI dünya çempionatının açılış mərasimi keçirilir
18:52
14.06.2018
2143
Dünya
A
Rusiyanın paytaxtı Moskvadakı “Lujniki” stadionunda futbol üzrə XXI dünya çempionatının təntənəli açılış mərasiminə start verilib.

"Ölkə.Az" Report-a istinadən xəbər verir ki, dörd il əvvəl Braziliyadakı mundialın finalında Mario Götzenin Almaniyaya qələbə gətirən qolundan düz 1432 gün sonra dünya futbolunun qəlbi Moskvada döyünməyə başladı.

Futbol üzrə XXI dünya çempionatının təntənəli açılış mərasimində ingiltərəli məşhur müğənni Robbi Uilyams və rusiyalı tanınmış opera müğənnisi Aida Qarifullina möhtəşəm ifaları ilə arenaya toplaşan azarkeşlərə unudulmaz anlar bəxş edirlər.

Qeyd edək ki, açılış mərasimindən sonra keçiriləcək ilk oyunda “A” qrupunda yer alan ev sahibi Rusiya millisi Səudiyyə Ərəbistanı yığması ilə qarşılaşacaq. Mundialın açılış oyununu argentinalı Nestor Pitana idarə edəcək.

Dünya çempionatında 32 milli komanda mübarizə aparır. Millilər hər birində dörd komanda olan səkkiz qrupda yer alıblar:

“A” qrupu: Rusiya, Səudiyyə Ərəbistanı, Misir və Uruqvay;

“B” qrupu: Portuqaliya, İspaniya, Mərakeş, İran;

“C” qrupu: Fransa, Avstraliya, Peru, Danimarka;

“D” qrupu: Argentina, İslandiya, Xorvatiya, Nigeriya;

“E” qrupu: Braziliya, İsveçrə, Kosta-Rika, Serbiya;

“F” qrupu: Almaniya, Meksika, İsveç, Koreya Respublikası

“G” qrupu: Belçika, Panama, Tunis, İngiltərə;

“H” qrupu: Polşa, Seneqal, Kolumbiya, Yaponiya.

Hər qrupda ilk iki yeri tutan komandalar səkkizdəbir final mərhələsinə vəsiqə qazanacaqlar.

Dünya çempionatının qrup mərhələsinin oyunları iyunun 14-dən 28-dək keçiriləcək. Bir günlük istirahətdən sonra - iyunun 30-da start veriləcək səkkizdəbir final mərhələsinə iyulun 3-də yekun vurulacaq. İyulun 4-ü və 5-i çempionatda növbəti istirahət günləri olacaq. İyulun 6-da və 7-də dörddəbir, iyulun 10-da və 11-də yarımfinal görüşləri keçiriləcək. İyulun 14-də üçüncü yer uğrunda görüş, 15-də isə final matçı və bağlanış mərasimi olacaq.

ŞƏRH YAZ
0

Tramp Kim Çendən danışdı — “O, özü və ailəsi üçün yaxşı işlər görmək istəyir”

Tramp Kim Çendən danışdı
22:55
Bu gün
7
Dünya
A
ABŞ prezidenti Donald Tramp Şimali Koreya lider Kim Çen İnə etibar etdiyini bildirib.

"Ölkə.Az" RİA Novostiyə istinadən xəbər verir ki, bu barədə o, TBN kanalına müsahibəsində söyləyib.

"Mən güman edirəm ki, o, ölkəsi, özü və ailəsi üçün yaxşı işlər görmək istəyir.  O, düzgün şeyi etmək istəyir".
 
Qeyd edək ki, iyunun 12-də Sinqapurda Tramp və Kim Çen İn arasında tarixi sammit baş tutub. Tramp görüşün yekunlarına əsasən, Koreya ilə "ətraflı" sənəd imzalayıb və Koreya yarımadasının denuklearizasiyası prosesinin "çox tez" başlayacağını vurğulayıb. 

Kim Çen isə öz növbəsində sənədin imzalanmasını iki ölkənin münasibətlərində "yeni başlanğıc" adlandırıb və yaxın gələcəkdə "böyük dəyişikliklər" vəd edib.

Ölkə.Az

ŞƏRH YAZ
0

ABŞ Şimali Koreyaya tabut göndərir

ABŞ Şimali Koreyaya tabut göndərir
19:45
Bu gün
568
Dünya
A
ABŞ Şimali Koreyada 1950-1953-cü illərdə baş verən Koreya savaşında ölən amerikan əskərlərinin qalıqlarını daşımaq üçün tabut göndərir.

 “Ölkə.Az” xəbər verir ki, Cənubi Koreya ilə Şimali Koreya sərhədindəki atəşkəs bölgəsinə gətiriən tabutlar əskərlərin qalıqlarını daşımaq üçün bir neçə gün sonra Şimali Koreyaya göndəriləcək.

Bildirilir ki, ümumilikdə 215 tabut göndərilir.

Qeyd edək ki, ABŞ prezidenti Donald Tramp Şimali Koreya lideri Kim Çen İn ilə bu ay Sinqapurda zirvə görüşü keçirib. Görüşdə Koreya savaşında ölən amerikalı əskərlərin qalıqlarının ABŞ-a göndərilməsi mövzusunda razılıq əldə edilib.

Hikmət Həsənov
Ölkə.Az

ŞƏRH YAZ
0
BAĞLA