Futbolçu Emre Belözoğlu polisə ifadə verdi
İstanbul jandarma komandanlığı ölkəyə qaçaqmalçılıqla lüks avtomobil gətirən mütəşəkkil dəstəyə qarşı əməliyyat keçirir.
"Ölkə.Az" xəbər verir ki, istintaq çərçivəsində "Başakşehir" klubunun futbolçusu Emre Belözoğlu ifadə verir. Bir neçə saatdan sonra məşhur məşqçu Tayfur Havutçu və "Fənərbaxça"lı futbolçu Volkan Şen də ifadə verəcək.
Jandarma ölkəyə qaçaq yolla gətirilən lüks avtomobillərin sahiblərini bir-bir istintaqa dəvət edir. Maslakdakı jandarma binasına dəvət edilən Belözoğlunun ifadəsi alınıb.
İddiaya görə yuxarıda adı keçən şəxslər qaçaq yolla ölkəyə gətirilən lüks avtomobilləri alıb sonra başqa şəxslərə satıblar.
Hikmət
Ölkə.Az
