Futboldan ömürlük uzaqlaşdırılan Mirhüseyn Seyidov — "Rəhbərlikdən xahiş edirəm ki..."

Futboldan ömürlük uzaqlaşdırılan Mirhüseyn Seyidov
11:02
07.12.2017
2080
İdman
A
AFFA-nın İntizam Komitəsinin qərarı ilə ömürlük futboldan uzaqlaşdırılmış Mirhüseyn Seyidov apellyasiya şikayəti verəcək.

Bu barədə "Ölkə.Az"a açıqlamasında Seyidov özü məlumat verib:

"Ya bu gün, ya da sabah rəsmi müraciətimiz olacaq. İnanıram ki, barəmizdə ədalətli qərar çıxarılacaq".

Seyidov bildirib ki, futboldan uzaqlaşdırıla biləcəyini düşünmürmüş:

"Bilmirdim ki, ömürlük futboldan uzaqlaşdırılmaq da var. Çünki AFFA-dakı qaydaları bilmirəm. Sadəcə, rəhbərlikdən xahiş edirəm ki, bizi idmana qaytarsınlar".

Qeyd edək ki,  "Keşlə” Peşəkar Futbol Klubunun AFFA-ya rəsmi müraciətinə, hüquq-mühafizə orqanları tərəfindən təqdim edilmiş məktuba və UEFA-dan daxil olmuş məlumatlara əsasən, iştirakçısı olduğu oyunun idman nəticəsinin manipulyasiyasına görə "Keşlə” Peşəkar Futbol Klubunun futbolçuları - Nizami Hacıyevə və Mirhüseyn Seyidova futbola aid hər bir məşğuliyyət ömürlük qadağan edilsin.

İntiqam VALEHOĞLU
Ölkə.Az

ŞƏRH YAZ
0

Güləşçilərimizdən daha 3 medal

Güləşçilərimizdən daha 3 medal
23:56
14.11.2018
528
İdman
A
Rumıniyanın paytaxtı Buxarestdə 23 yaşadək güləşçilər arasında keçirilən dünya çempionatında Azərbaycan millisi daha 3 medal qazanıb.

"Ölkə.Az" xəbər verir ki, yunan-Roma güləşçilərindən Murad Məmmədov (60 kq) və Kərim Cəfərov (67 kq) gümüş, Orxan Nuriyev (97 kq) isə bürünc medala sahib olub.

Məmmədov finalda yaponiyalı Keniçiro Fumitaya, Cəfərov isə misirli Məhəmməd İbrahim Əlsəyidə uduzub.

Əvəzində Nuriyev bürünc medal görüşündə Əli Əkbər Heydərini sonuncu xal prinsipinə əsasən üstələyib.

İlk yarış günündə Azərbaycanın daha bir yunan-Roma güləşçisi İslam Abbasov (87 kq) bürünc medal qazanıb.

Ölkə.Az

ŞƏRH YAZ
0

Dasayev, Vəli Qasımov, Qazzayev, Nazim Süleymanov, Qurban Qurbanov — Bakıda pulsuz FUTBOL ŞOUSU

Dasayev, Vəli Qasımov, Qazzayev, Nazim Süleymanov, Qurban Qurbanov
09:13
14.11.2018
1960
İdman
A
Noyabrın 15-də "Bayıl arena"da veteran futbolçu Vəli Qasımovun əlli illik yubileyi münasibətilə yoldaşlıq oyunu keçiriləcək.

"Ölkə.Az"ın məlumatına görə, qarşılaşmada Rusiya, Ukrayna, Portuqaliya və ispaniya kimi ölkələrin məşhur futbolçuları iştirak edəcəklər. Azərbaycan futbolunun ulduzları Nazim Süleymanov, Elxan Həsənov, Tərlan Əhmədov, Dmitri Kramarenko, Vəli Qasımov, Qurban Qurbanov, Əsgər Abdullayev, Samir Ələkbərov, Novruz Əzimov, Mahmud Qurbanov, Yaşar Vahabzadə, Vidadi Rzayev və Arif Əsədov əməkdar məşqçi Kazbek Tuayevin rəhbərliyi altında meydana çıxacaqlar. 

Rəqib komandada isə Sergey Kiryakov,  Xoakin Parra, Viktor Losev, Nikolay Pisarev, Adolfo Aldana, İ. Yakubovski, İ.Kolivanov, Raşid Raximov, Rinat Dasayev, Roberto Bordin, Valeriy Şmarov, Cande, Camacho kimi ulduz futbolçular məşhur rusiyalı mütəxəssis Valeri Qazzayevin baş məşqçisi olduğu komandada çıxış edəcəklər. 

Qeyd edək ki, saat 17:00-da start fiti səslənəcək oyuna giriş sərbəstdir.

Ölkə.Az

ŞƏRH YAZ
0
BAĞLA