"G7" ölkələrinin sammiti başa çatıb

“Ölkə.Az” xəbər verir ki, sammitin sonunda “Böyük yeddilik” ölkələrinin liderləri bəyənnamə qəbul ediblər. Yekdilliklə qəbul edilən bəyənnamədə "G7" ölkə liderləri terrorla mübarizə sahəsində sıx əməkdaşlıq, eləcə də İŞİD-ə qarşı mübarizəni gücləndirmək və Rusiyaya qarşı sanksiyaları gücləndirməyə qərar veriblər. Sənədddə həmçinin qeyd edilib ki, Suriya və İraqda terrorla mübarizə birbaşa "G7" ölkələrinin nəzarətində olmalıdır.

Bundan başqa, bəyənnamədə bildirilir ki, Minsk razılaşmalarının yerinə yetirilmədiyi təqdirdə, Qərb ölkələri Rusiyaya qarşı sanksiya rejimini daha da sərtləşdirəcəklər:
 
“Rusiya öhdəliklərini yerinə yetirsə, sanksiyaları aradan qaldırmaq mümkün olacaq. Lakin eyni zamanda Rusiyanın müvafiq addımlar atacağı halda, ödəyəcəyi qiyməti artırmaq üçün əlavə tədbirlər görməyə hazırıq”.

Qeyd edək ki, 2014-cü ildə Krım məsələsinə görə, Rusiya "Böyük səkkizlik" (G8) ölkələri sammitindən çıxarılıb. Bu təşəbbüsü isə Böyük Britaniya verib. Təklif səs çoxluğu ilə qəbul edilib və G7 sammiti yaradılıb.

Ziya Səccad
Ölkə.Az