Gecə evinin pəncərəsini döyən şəxsi qəbristanlıqda güllələdi — SİYƏZƏNDƏ QANLI CİNAYƏT

Gecə evinin pəncərəsini döyən şəxsi qəbristanlıqda güllələdi
10:20
26.08.2019
7403
Ölkə
A
Bakı Ağır Cinayətlər Məhkəməsində qətl törətməkdə təqsirli bilinən 1967-ci il təvəllüdlü Asim Əbdülovun cinayət işi üzrə məhkəmə prosesi davam edir.

"Ölkə.Az" xəbər verir ki, hakim Əliövsəd Abasovun sədrliyi ilə keçiriləcək növbəti məhkəmə prosesi sentyabr ayının 3-nə təyin olunub.

Qeyd edək ki, hadisə bu il fevralın 11-də Siyəzən rayonundakı qəbiristanlıqların birində baş verib.

A.Əbdülov Elşən Qədirlini güllələyərək öldürüb. İlkin məlumata görə, qətlin səbəbi öldürülən şəxsin - E.Qədirlinin A.Əbdülovun evinə gələrək, pəncərəni gizlicə döyməsi olub. Bundan qəzəblənən A.Əbdülov E.Qədirlini qəbiristanlığa aparıb və qətlə yetirib.

A.Əbdülov Cinayət Məcəlləsinin 120.1-ci (qəsdən adam öldürmə) maddəsi ilə ittiham edilir. 

Natiq Allahverdiyev
Ölkə.Az

 

ŞƏRH YAZ
0

Nazir çirklənmiş ərazilərin mərhələlərlə bərpa ediləcəyini açıqlayıb

Nazir çirklənmiş ərazilərin mərhələlərlə bərpa ediləcəyini açıqlayıb
06:28
Bu gün
1639
Ölkə
A
“Hazırda Abşeron yarımadasında çirklənmiş torpaqların inventarlaşdırılması və qiymətləndirilməsi məqsədilə müvafiq tədbirlər həyata keçirilir”.

"Ölkə.Az" bildirir ki, bunu Ekologiya və Təbii Sərvətlər naziri Muxtar Babayev deyib.

Onun sözlərinə görə, qiymətləndirmədən sonra təmizlənmə və bərpa metodologiyaları müəyyənləşdiriləcək, çirklənmiş ərazilər torpaqların gələcək istifadə təyinatına uyğun olaraq mərhələlərlə bərpa ediləcək.

Muxtar Babayev bildirib ki, su hövzələrinin çirkləndirilməsi ölkənin və yarımadanın əsas ekoloji problemlərindəndir: “Kanalizasiya sistemlərinin və müvafiq təmizləyici qurğuların qurulması hesabına su mənbələrinin çirklənməsinin qarşısı alınmalıdır”.

Nazir vurğulayıb ki, Azərbaycanda da iqlim dəyişmələrinin fəsadları müşahidə olunur və təhlükəli hidrometeoroloji hadisələrın sayında, intensivliyində artım tendensiyası izlənilir: “Bu sahədə ölkədə erkən xəbərdarlıq sisteminin təkmilləşdirilməsi, dəniz hidrometeoroloji şəbəkəsinin avtomatlaşdırılması, yeni proqnoz modellərinin tətbiqi ilə hidrometeoroloji xidmət sahəsinin modernləşdirilməsi nəzərdə tutulub”.

Ölkə.Az

ŞƏRH YAZ
0

Yumurtanın qiyməti qalxdı

Yumurtanın qiyməti qalxdı
06:01
Bu gün
1338
Ölkə
A
Sosial şəbəkələrdə yumurtanın qiymətinin qalxması ilə bağlı məlumatlar yayılıb. Marketlərdə əvvəl 9-10 qəpiyə satılan yumurta indi isə 14 qəpiyədir.

"Ölkə.Az" bildirir ki, məsələ ilə bağlı Oxu.az-a açıqlama verən Azərbaycan Quşçular Cəmiyyətinin sədri Aydın Vəliyev qiymətlərin qalxmasını təsdiqləyib: “Doğrudur, yumurtanın qiyməti 15 günə yaxındır qalxıb. Cəmi 1 və ya 2 qəpik artım olub. Bu da mövsümi xarakter daşıyır. Çünki tələbatı ödəyən yem və digər lazım olan məhsullar xaricdən idxal olunur. Onların da qiymətləri bahalaşıb”.

ŞƏRH YAZ
0
BAĞLA