Gədəbəy avtobusunda "canlı konsert"
Avtobus qəzalarının gündəmdə olduğu bir vaxtda Bakı-Gədəbəy marşrutu üzrə hərəkət edən avtobusda sərnişinlərə "canlı konsert" təqdim edilir.
"Ölkə.Az"ın redaksiyasına göndərilən videodan aydın olur ki, sürücünün böyründə əyləşən iki nəfər "İrəvanda xal qalmadı" mahnısını çalıb oxuyurlar. Aydın məsələdir ki, bu, sürücünün diqqətini hər an yayındıra bilər.
Xatırladaq ki, Masallıda səkkiz nəfərin ölümü ilə nəticələnən ağır qəzadan sonra sürücü bildirmişdi ki, sərnişinlərdən biri ondan balınc (yastıq) istədiyi üçün diqqəti yayınmışdı.
İntiqam VALEHOĞLU
Ölkə.Az
