Gədəbəydə külli miqdarda qumbara, raket və patron tapıldı

Gədəbəydə külli miqdarda qumbara, raket və patron tapıldı
19:53
13.08.2017
119
Ölkə
A

Gədəbəy rayonunun Söyüdlü kəndində su hövzəsinə baxış keçirilib və orada 895 ədəd müxtəlif tipli hərbi sursat (18 ədəd əl qumbarası (F-1), 6 ədəd tank əleyhinə raket (3 ədəd PQ-7L və 3 ədəd PQ-7S), 4 ədəd tratil şaşkası (3 ədəd 400 qramlıq və 1 ədəd 200 qramlıq), 10 ədəd partladıcı (UZRQM), 6 ədəd tank əleyhinə qumbara kapsulu, 1 ədəd tank əleyhinə qumbaranın tutacaq hissəsi, 1 ədəd tank əleyhinə raketin mühərrik hissəsi, 840 ədəd 5.45 mm-lik patron, 7 ədəd avtomat barağı və 2 ədəd RPK-74 darağı) aşkar edilib.

Azərbaycan Respublikası Ərazilərinin Minalardan Təmizlənməsi üzrə Milli Agentlikdən (ANAMA) Ölkə.Az-a verilən məlumata görə, silah-sursatlar daşınması mümkün olduğuna görə agentliyin mərkəzi məhvetmə ərazisinə daşınıb.

Ümumilikdə agentlik tərəfindən 01 yanvar – 13 avqust 2017-ci il tarixlərində Ağdam, Ağcabədi, Ağstafa, Füzuli, Şamaxı, Xızı, Beyləqan, Bərdə, Hacıqabul, Tovuz, Qazax, Qəbələ, Yevlax, Goranboy, Gədəbəy, Daşkəsən, Salyan, Şəmkir, Göygöl, Lənkəran və Cəbrayıl rayonları, Bakı, Sumqayıt, Lənkəran, Gəncə, Mingəçevir, Şirvan və Tərtər şəhərlərində 10 otlaq sahəsinə, 11 əkin sahəsinə, 1 bağçılıq sahəsinə, 1 fermaya, 1 hərbi hissənin yaxınlığına, 1 gəmilərin yanalma məntəqəsinə, 1 su nasos stansiyası yaxınlığına, 167 ev və həyətyanı sahəyə, 1 kənd orta məktəbinin həyətinə, bankın zirzəmisinə, su arxına, rabitə xəttinin çəkiləcəyi əraziyə, keçmiş hərbi şəhərciyə, suvarma və drenaj kanalının ətrafına, dəniz və çay sahilinə, yol kənarına, yeni avtomobil yolunun çəkiləcəyi əraziyə, avtobaza ərazisinə, körpü ərazisinə, istirahət mərkəzinə, qəbirstanlığa, yaşayış binasının yaxınlığına baxış keçirilib, 6 763 ədəd partlamamış hərbi sursat, 197 ədəd tank əleyhinə mina və 31 ədəd piyada əleyhinə mina aşkar olunaraq zərərsizləşdirilib, 4 695 877 kv.m ərazi (718 093 kv.m əl ilə, 1 607 140 kv.m mexaniki üsulla, 113 000 kv.m SENSYS dərinlik ölçən cihazı və 2 257 644 kv.m minaaxtaran itlərin dəstəyi ilə) yoxlanılıb.

ŞƏRH YAZ
0

"Şamaxı Astrofizika Rəsədxanasında əxlaqsızlıq yuvası ola bilməz" — Direktor müavinindən İTTİHAMLARA CAVAB

15:45
Bu gün
217
Ölkə
A
Nəsirəddin Tusi adına Şamaxı Astrofizika Rəsədxanasının direktor müavini Xıdır Mikayılov sözügedən rəsədxananın əxlaqsızlıq yuvasına çevrilməsi barədə səsləndirilən ittihamlara cavab verib.

X.Mikayılov "Ölkə.Az"a açıqlamasında deyib ki, səslənən bu cür fikirlər tamamilə yalan və böhtandır: 

"Bu cür ittihamları səsləndirən Yanoş Məhərrəmov işdən çıxarıldığı üçün belə danışır. Ola bilsin ki, bunu kimlərsə qəsdən təşkil edib, sonra da şantaj edirlər. Rəsədxanada əxlaqsızlıq yuvası ola bilməz. Çünki buranı polis mühafizə edir, rəsədxana bizim xüsusi nəzarətimiz altındadır. Ola bilər ki, əvvəllki direktorun dövründə belə hallar olub. Ancaq belə hallar olubsa da, mütləq lazımı adamlar cəzalandırılıb. Ancaq bu Rəsədxanının direktoruna qarşı şər-böhtan kampaniyasına çox bənzəyir. Yəni, Rəsədxananın keçmiş direktoru Əyyub Quliyevin bacısı qızının həyat yoldaşı Oruc Əhmədov rəsədxanada yeməkxananı işlədən adam olub. Yeni direktor gələn zaman Oruc Əhmədovu işdən çıxartmışdı. Sonra bu yerə adam tapa bilmədikləri üçün yeməkxananı Əyyub Quliyevin digər bacısının həyat yoldaşı olan Ramin adlı adama vermişdilər. İndi də iki bacanaq - Oruc Əhmədov və Ramin birləşərək bu cür şər-böhtan kampaniyası aparırlar. Ola bilsin ki, onlar bilərəkdən kimisə içəri salıb onun görüntülərini çəkib yayıblar ki, rəsədxananın adına xələl gəlsin. Məqsəd də yeni direktoru şantaj etməkdir. Mən məsələnin kökündə də məhz bunun dayandığını düşünürəm. Yəni, yeni direktordan qisas alırlar".

X.Mikayılov sözügedən ittihamlara görə Yanoş Məhərrəmovu da qınayıb:

"Yanoş Məhərrəmov 15 il Rəsədxananın çörəyini yeyib, orada işləyib. Guya özü də oranın relmi işçisi olub. Çox ayıb olsun ki, indi direktoru haqqında bu cür yersiz fikirlər söyləyir. Halbuki, Rəsədxananın yeni direktoru Yanoş Məhərrəmova hər cür şəraiti yaradıb, onu Türkiyəyə və digər yerlərə ezamiyyətə göndərib, cibindən pul verib və sairə. Nədir ki, yeni direktor bu yaxınlarda Yanoş Məhərrəmovu gecə müşahidə qrupuna keçirib. O da bundan acıq edərək işdən çıxıb, indi də direktordan yazmağa başlayıb. Belə görünür ki, bunlar qabaqcadan əlbir olaraq yeni direktora qarşı bu cür plan cızıblar".

Direktor müavini qeyd edib ki, Rəsədxana haqqında bu cür xəbərlərin yayılması mənəvi baxından da düzgün deyil:

"Bu cür ittihamlar Şamaxı Astrofizika Rəsədxanasının imicinə zərbə vurur. Bütün dini bayramlarla bağlı, ölkədə və dünyada baş verən astronomik hadisələrin mənbəyini məhz Şamaxı Astrofizika Rəsədxanasından götürürük, insanlara ətraflı məlumatlar veririk. Cəmiyyətdə bu cür böyük nüfuz qazanan yeri gətirib əxlaqsızlıq yuvası ilə əlaqələndirmək yolverilməzdir. Bu cür məlumatlar tamamilə əsassız və yalandır".

Vasif Həsənli
Ölkə.Az

ŞƏRH YAZ
0

Nabranda itkin düşən uşaq tapıldı

Nabranda itkin düşən uşaq tapıldı
15:35
Bu gün
253
Ölkə
A
22 iyul tarixində Xaçmaz rayonunun Nabran qəsəbəsində naməlum şəraitdə itkin düşmüş 2015-ci il təvəllüdlü Novruzov İsmayıl Elçin oğlu axtarışların aparıldığı ərazidə sağ-salamat tapılıb.

"Ölkə.Az" Fövqəladə Hallar Nazirliyinə istinadən xəbər verir ki, 3 yaşlı uşaq aidiyyəti üzrə təhvil verilib.

Əlavə məlumat veriləcək.

ŞƏRH YAZ
0
BAĞLA