“Gələcəyin kitabxanası” ədəbi əsərləri XXII əsrə göndərir

“Gələcəyin kitabxanası” ədəbi əsərləri XXII əsrə göndərir
00:42
13.08.2017
37
Dünya
A
Norveçdə “Gələcəyin kitabxanası” yaradılır. 2014-cü ildə start götürən və 100 ilə hesablanan bu layihə şotland rəssamı Keti Patersona məxsusdur.

Ölkə.Az AZƏRTAC-a istinadla xəbər verir ki, layihəyə görə, XX əsrdə hər yazıçı ildə bir romanını “Gələcəyin kitabxanası”na verir. Toplanan əsərlər 2114-cü ildə nəşr olunacaq. Bu yolla ədəbiyyatın “zaman maşını” icad olunur: müəlliflər əsərlərinin sonrakı taleyindən xəbər tutmadan onu uzaq gələcəyə göndərirlər.

“Gələcəyin kitabxanası”nda artıq Marqaret Etvudun, Devid Mitçellin və Syon Siqurdssonun yeni əsərləri saxlanılır.

Əlyazmalar Oslo ictimai kitabxanasının xüsusi avadanlıq quraşdırılmış zalında saxlanılır. Elektron lövhədə saxlanılan əsərlərin siyahısını görmək mümkündür, lakin bu əsərlər əlçatan deyil.

Üç il bundan əvvəl təşkilatçılar min ədəd şam ağacı əkiblər. Bu da beynəlxalq layihənin hazırkı dövrdə yeganə görünən tərəfidir. Məhz həmin ağaclardan 2114-cü ildə ədəbi əsərlərin çapı üçün kağız hazırlanacaq. Bununla belə, tiraj 1000 nüsxə ilə məhdudlaşıb.

ŞƏRH YAZ
0

Liviyada terror aktı — 33 ölü

Liviyada terror aktı
09:45
Bu gün
111
Dünya
A
Liviyanın Benqazi şəhərində dalbadal terror aktı törədilib.

"Ölkə.Az" xəbər verir ki, insident nəticəsində 33 nəfər həlak olub, 70 nəfər xəsarət alıb.

Əvvəlcə 28 nəfərin öldüyü barədə xəbər yayılmışdı. Amma  xəstəxanaya yerləşdirilən yaralılardan 5 nəfər də keçindiyi üçün ölü sayı artıb. Həlak olanlar arasında polis əməkdaşları və mülki vətəndaşlar da var.

Qeyd edilir ki, xəsarət alanların çoxunun vəziyyəti ağırdır. Liviya əks-kəşfiyyatının direktoru Mahdi Falah da terror aktı nəticəsində xəsarət alıb.

Qeyd edək ki, terror aktı dünən törədilib. Benqazi şəhərində qeydiyyat idarəsi və məscid yaxınlığında avtomobilə quraşdırılmış bomba işə düşüb. Hadisə yerinə polis, təcili tibbi yardım gələndə ikinci avtomobil də partlayıb.

Hikmət Həsənov
Ölkə.Az

ŞƏRH YAZ
0

Ərdoğanla Putin Afrindən danışdı

Ərdoğanla Putin Afrindən danışdı
00:23
Bu gün
639
Dünya
A
Türkiyə Prezidenti Rəcəb Tayyib Ərdoğanla Rusiyanın dövlət başçısı Vladimir Putin arasında telefon danışığı olub.

"Ölkə.Az" xəbər verir ki, ikitərəfli əlaqələrin də müzakirə olunduğu telefon danışığında Türkiyənin Afrində həyata keçirdiyi hərbi əməliyyat, o cümlədən Suriyadakı hadisələr haqqında fikir mübadiləsi aparılıb.

Prezident Ərdoğan “Zeytun budağı” əməliyyatında məqsədin Afrin bölgəsini PYD/YPG və İŞİD kimi terror təşkilatı ünsürlərindən təmizləmək olduğunu bildirib.

Türkiyənin milli təhlükəsizliyini zəmanət altına almağı hədəfləyən bu əməliyyatın Suriyanın siyasi birliyi və ərazi bütövlüyü baxımından da əhəmiyyətli töhfə olduğunu deyən Ərdoğan Suriya məsələsində Rusiya ilə birlikdə çalışmağa önəm verdiyini vurğulayıb.

Hər iki lider Soçidə keçiriləcək Suriya Milli Dialoq Konqresinin uğuru və siyasi həllinin önünün açılması üçün birgə səyləri davam etdirməkdə qətiyyətli olduqlarını diqqətə çatdırıblar.

Ölkə.Az

ŞƏRH YAZ
0
BAĞLA