Gələn il valyuta bazarında sabitlik qorunacaq? — AÇIQLAMA

Gələn il valyuta bazarında sabitlik qorunacaq?
13:56
21.11.2017
269
İqtisadiyyat
A
Azərbaycan Mərkəzi Bankı (AMB) gələn il də konservativ monetar siyasət yürüdəcək.

"Ölkə.Az"ın "Report"a istinadən verdiyi xəbərə görə, bunu AMB sədri Elman Rüstəmov bildirib: "Məzənnənin sabitliyi 2018-ci ildə diqqət mərkəzində olacaq, valyuta bazarında sabitlik qorunacaq".

E.Rüstəmov qeyd edib ki, cari ildə tədiyyə balansında profisit bərpa olunub - 1,1 mlrd. dollarlıq profisit əldə olunub.

"Tədiyyə balansında yaxşılaşma yalnız neftin qiyməti ilə bağlı deyil. İdxalın azalması, qeyri-neft ixracının 35% artması da tədiyyə balansına təsir edən amillərdəndir. Xidmət balansında da müsbət meyillər var. Cari ildə strateji ehtiyatlar 12%, AMB ehtiyatları 31% artıb. Ölkənin valyuta ehtiyatlarına qənaət edilib. Ölkəyə idxal azaldılıb, strateji valyuta ehtiyatlarına təzyiq azalıb. Maktoiqsadi sabitliyin ilkin əsasları yaranıb", - deyə AMB sədri əlavə edib.
Baş bankir bildirib ki, hazırda bank aktivlərinin 20%-dən çoxunu likvid aktivlər təşkil edir: "Kredit portfelində aktivlik müşahidə olunmur". Onun sözlərinə görə, AMB-nin sterilizasiya alətlərinə ehtiyac çoxdur.

E.Rüstəmov bildirib ki, inflyasiyanı əsasən qeyri-monetar amillər şərtləndirir: "Son bir ayda dünya bazarında ərzaq məhsullarının qiymət artımı ölkədə də inflyasiyanın aşağı düşməsinə mane olub".

ŞƏRH YAZ
0

Neft ixracı azalıb, yağ idxalı artıb

Neft ixracı azalıb, yağ idxalı artıb
20:00
Bu gün
131
İqtisadiyyat
A
Bu ilin 9 ayında əmtəə ixracı 13.4% azalıb. Azalma, əsasən, neft sektoru üzrə baş verib. Belə ki, ixracın dəyəri xam neft üzrə 20%, neft məhsulları üzrə 10.2% azalıb.

"Ölkə.Az" xəbər verir ki, qeyri-neft sektoru üzrə ixrac artıb. Artım çay, meyvə-tərəvəz, pambıq lifi, elektrik enerjisi, alüminium ixracında müşahidə olunub. Belə ki, ixracın həcmi çay üzrə 62.1%, meyvə-tərəvəz üzrə 41.5%, pambıq lifi üzrə 8.5 dəfə, elektrik enerjisi üzrə 2.8 dəfə, alüminium üzrə 21.6% artıb.

Dövr ərzində ixracda əsas tərəfdaşlar İtaliya (22.2%), Türkiyə (13.1%), Çin (5.4%), Rusiya (4.8%), İsrail (4.6%), Gürcüstan (4.3%) kimi ölkələr olub. 2017-ci ilin 9 ayında əmtəə idxalı 0.4% artıb. Dövlət sektoru üzrə əmtəə idxalı isə 9.4% azalıb. İdxal olunmuş məhsulların 16.9%-i Rusiya, 14.5%-i Türkiyə, 9.9%-i ABŞ, 9.7%-i Çin, 5.1%-i Ukrayna, 4.57%-i Almaniya, və 3.7%-i İtaliya kimi ölkələrinin payına düşüb. Dövr ərzində idxal ət, süd, çay, nəqliyyat vasitələri və onların hissələri, kərə yağı və süddən hazırlanmış digər yağlar üzrə artıb, buğda, şəkər, sement, qara metal və onlardan hazırlanan məhsullar, mebel üzrə isə azalıb.

Hesabat dövründə əmtəə idxalı 0.4% artıb. Dövlət sektoru üzrə əmtəə idxalı isə 9.4% azalıb. İdxal olunan məhsulların 16.9%-i Rusiya, 14.5%-i Türkiyə, 9.9%-i ABŞ, 9.7%-i Çin, 5.1%-i Ukrayna, 4.57%-i Almaniya, və 3.7%-i İtaliya kimi ölkələrin payına düşüb. Dövr ərzində idxal ət, süd, çay, nəqliyyat vasitələri və onların hissələri, kərə yağı və süddən hazırlanmış digər yağlar üzrə artıb, buğda, şəkər, sement, qara metal və onlardan hazırlanan məhsullar, mebel üzrə isə azalıb. 

2017-ci ilin 9 ayında iqtisadi tərəfdaş ölkələrdə yaranan vəziyyət qeyri-neft ixracı ilə yanaşı, ölkəyə daxil olan pul baratlarının dinamikasına da təsir edib. İlkin rəqəmlərə əsasən, 2017-ci ilin 9 ayında ölkəyə daxil olan pul baratları 751.4 mln. ABŞ dolları olub. 

ŞƏRH YAZ
0

Azərbaycanda 145 dövlət əmlakı özəlləşdirməyə çıxarılır

Azərbaycanda 145 dövlət əmlakı özəlləşdirməyə çıxarılır
19:47
Bu gün
142
İqtisadiyyat
A
Əmlak Məsələləri Dövlət Komitəsi (ƏMDK) yanvarın 16-da dövlət əmlakının özəlləşdirilməsi ilə bağlı növbəti hərracını keçirəcək.

"Ölkə.Az" komitəyə istinadən xəbər verir ki, hərraca 68-i kiçik dövlət müəssisə və obyekti, 49-u istifadəsiz qeyri-yaşayış sahəsi, 25-i səhmdar cəmiyyəti, 3-ü isə nəqliyyat vasitəsi olmaqla 145 dövlət əmlakı çıxarılacaq.

Imlakların siyahısı ilə tanış olmaq üçün bu keçiddən istifadə etmək lazımdır.

Hərraca çıxarılan səhmdar cəmiyyətləri sırasında quşçuluq, kəndkimya, nəqliyyat, inşaat, təmir, ticarət, istehsal, emal və sair sahələrə aid müəssisələr - “Bərdə Tikinti Quraşdırma”, “Ağdaş Quşçuluq”, “İsmayıllı Təmir Tikinti”, “Yevlax Yük Avtonəqliyyat”, “Sabirabad Təmir-tikinti” və s. var.

Hərraca çıxarılan kiçik dövlət müəssisəsi və obyektləri də paytaxtla yanaşı İsmayıllı, Salyan, Neftçala, İmişli, Ağcabədi, Yevlax və digər rayonlarda yerləşir. Onların ümumi faydalı sahəsi 9 - 4 386 kv.m arasında dəyişir. Hərraca çıxarılan əmlaklardan ilkin satış qiyməti ən yüksək olanı Baləkən şəhərində yerləşən “Əmlak Kompleksi”dir. Qeyd edilən obyektin torpaq sahəsi 89 min kv.m-dən çoxdur. Ümumi faydalı sahəsi 1 min 350 kv.m olan, paytaxtın Nizami rayonunda yerləşən "İstehsalat Texnoloji Komplektləşdirmə İdarəsi" torpaq sahəsi ilə birlikdə hərraca çıxarılıb.

Özəlləşdirilməyə açıq elan edilən istifadəsiz qeyri-yaşayış sahəsindən 36-sı paytaxtda, qalanları isə respublikanın digər rayon və şəhərlərində yerləşir. Bu kateqoriyaya aid olanların ümumi faydalı sahəsi 14 -547 kv.m arasında dəyişir.

Yeni hərracda özəlləşdirilməyə çıxarılacaq nəqliyyat vasitələrinin siyahısı ilə tanış olmaq üçün isə bu keçiddən istifadə etmək olar.

 

ŞƏRH YAZ
0
BAĞLA