Gənc rejissor polisə çağırılmağından
Akademik Milli Dram teatrının rejissoru Əlif Cahangirli polisə çağırılmasından danışıb
Rejissor "Ölkə.Az"-ın əməkdaşıyla söhbətində bildirib ki, Səbail rayon Polis İdarəsinin 9-cu polis bölməsinə ADO teatrının rəhbəri Elmin Bədəlovun ərizəsi əsasında çağırılıb:
"Guya mən onu təhdid etmişəm, görüşə çağırmışam. Halbuki elə şey olmayıb. Hamısı cəfəngiyyatdır. Mən artıq heç bir şey demək istəmirəm".
Xatırladaq ki, xəbəri AzNews-az saytı yayıb. Xəbərdə bildirilir ki, bir neçə gün öncə Akademik Milli Dram Teatrının əməkdaşları Əlif Cahangirli, Xalq artisti Ramiz Məliklə ADO teatrı arasında qalmaqal yaşanıb. ADO teatrı onları təhqir etməsilə bağlı məhkəməyə də müraciət edib. Adıçəkilən şəxslərin onlardan üzr istəməsilə yanaşı dəymiş mənəvi ziyana görə 300 min manat təzminat ödəmələrini də tələb edirlər.
İntiqam VALEHOĞLU
Ölkə.Az
