Gənc tələbə necə həm Səhiyyə, həm Xarici İşlər naziri oldu?

Gənc tələbə necə həm Səhiyyə, həm Xarici İşlər naziri oldu?
01:55
09.09.2019
1586
Maraqlı
A
"Ölkə.Az" bildirir ki, oxu.az tariximizdə önəmli rol oynamış şəxsiyyətlərlə bağlı silsilə yazılarını davam etdirir.

Bu dəfə Azərbaycan SSR-nin Xarici İşlər naziri Mahmud Əliyevin həyat yoluna nəzər salacağıq:

Mahmud Əliyev 1908-ci il fevralın 22-də Şamaxıda anadan olub. O, 1926-cı ildə Bakıda orta məktəbi bitirib. Azərbaycan Tibb İnstitutunun (indiki Tibb Universiteti) müalicə işi fakültəsinə qəbul olan M.Əliyev 1931-ci ildə həmin ali təhsil ocağından məzun olub.

M.Əliyevin ali məktəbdə yaxşı oxuması, əlaçılar sırasında olması hökumətin diqqətini çəkib. Məhz bu səbəbdən 1931-1936-cı illərdə Kəlbəcər və Cəbrayıl rayonlarında poliklinika müdiri, rayon xəstəxanasının baş həkimi, rayon səhiyyə şöbəsinin müdiri vəzifələrində işləyib.

1932-ci ildə Dövlət Siyasi İdarəsi sərhəd qoşunlarının birində həkim olaraq çalışmağa başlayıb. Sonralar Azərbaycan Tibb İnstitutunun aspiranturasında oxuyan M.Əliyev Azərbaycan SSR Xalq Səhiyyə Komissarlığının Tibbi təhsil, elm və məktəb idarəsinin rəisi və Bakı səhiyyə şöbəsinin müdiri vəzifəsinə təyinat alıb.

1937-ci ildə isə M.Əliyevin karyerasında yeni səhifə açılıb. Belə ki, o, Naxçıvandan SSRİ Ali Sovetinə keçirilən ilk seçkilərdə İttifaq Sovetinə deputat seçilib.

M.Əliyev 1938-1943-cü illərdə Azərbaycan Tibb İnstitutunun direktoru vəzifəsində çalışıb. 1943-1944-cü illərdə Azərbaycan Kommunist Partiyası Mərkəzi Komitəsinin ali və orta məktəblər şöbəsinə başçılıq edib.

1944-cü ildə M.Əliyev siyasi karyerasının ən yüksək zirvəsinə qalxıb. Ona Azərbaycan SSR Xalq Xarici İşlər komissarı (Xarici İşlər naziri) vəzifəsi həvalə olunub.

Bundan sonra M.Əliyev ömrünün sonuna kimi Azərbaycan SSR Xarici İşlər naziri vəzifəsində çalışıb.

O, bu vəzifədə Azərbaycanın səlahiyyətli nümayəndəsi kimi bir sıra ölkələrlə mədəni və iqtisadi əlaqələrin yaradılmasında, beynəlxalq toplantılarda SSRİ nümayəndə heyətlərinin tərkibində iştirak edib.

Deputat Musa Qasımlı və Elmira Hüseynovanın müəllifliyi ilə çap olunan "Azərbaycanın Xarici İşlər nazirləri" kitabına əsasən, M.Əliyev 1950-1953-cü illərdə Azərbaycanın Səhiyyə naziri vəzifəsində də işləyib.

1953-1958-ci illərdə o, Azərbaycan Həkimləri Təkmilləşdirmə İnstitutunun rektoru olub. Kitabda qeyd edilib ki, M.Əliyev Azərbaycanda səhiyyə işinin təşkili, yeni-yeni xəstəxana, poliklinika və başqa səhiyyə ocaqlarının açılması, onların bacarıqlı kadrlarla təmin edilməsi sahəsində xeyli iş görüb.

Müəlliflərin fikrincə, M.Əliyev tutduğu vəzifədən asılı olmayaraq, həmişə xalqına xidmət edib.

M.Əliyev SSRİ Ali Sovetinə və Azərbaycan SSR Ali Sovetinə deputat seçilib. "Qırmızı Əmək Bayrağı" ordeni, iki dəfə "Şərəf Nişanı" ordeni və  müxtəlif medallarla təltif olunub.

M.Əliyev 1958-ci il sentyabrın 24-də Bakıda vəfat edib və Fəxri xiyabanda dəfn olunub.

Ölkə.Az

ŞƏRH YAZ
0

Həkimlərin ölüm diaqnozu qoyduğu əkizlər İnstaqram fenomeni oldular — FOTO

Həkimlərin ölüm diaqnozu qoyduğu əkizlər İnstaqram fenomeni oldular
18:33
Bu gün
218
Maraqlı
A
İngiltərədə ana bətnində ikən ağır əməliyyat keçirən və doğulduqdan sonra da həkimlərin yaşama şanslarının az olduğu deyilən əkizlər indi İnstaqram fenomenidirlər.

"Ölkə.Az" axsam.az-a istinadən xəbər verir ki, İngiltərənin Esseks şəhərində yaşayan Cayde və Markus Vayt cütlüyü əkiz övladlarının olacağını eşidəndə çox seviniblər.

Daha sonra həkimlər uşaqlarda ağır xəstəlik aşkar ediblər və ana bətnində ikən onlar əməliyyat olunublar. Həkimlərin sadəcə 10 faiz yaşama şansı verdikləri əkizlər sağlam dünyaya gəliblər və hazırda onların 3 yaşı var.

İnstaqramda 120 mindən çox izləyicisi olan Rokko və Censon qardaşları məşhur brendlərin üçün də modellik edirlər.

ŞƏRH YAZ
0

Koronavirusdan necə qorunmaq olar? — ƏLAMƏTLƏRİ NƏDİR?

Koronavirusdan necə qorunmaq olar?
10:48
Bu gün
1597
Maraqlı
A
Virusun ilk dəfə Çinin 11 milyonluq Vuhan şəhərində dəniz məhsulları bazarında heyvandan insan keçdiyi iddia edilir.

"Ölkə.Az" xəbər verir ki, heyvandan insana keçən bu xəstələyin daha sonra tənəffüs yolu ilə insandan insana da keçdiyi məlum oldu.

Əlamətləri:
Burun axmağı, baş ağrısı, öskürək, boğaz ağrısı, qızdırma, nəfəs darlığı və tənəffüs zamanı çətinlik.

Hazırda xəstəliyi müalicə edən heç bir dərman və ya peyvənd tapılmayıb. Sadəcə simptomların qarşısını almaq üçün müalicələr aparılır.

Xəstəliyə yoluxmamaq üçün bəzi profilaktik tədbirlər köməyinizə çata bilər: Tənəffüs yolları xəstəliyi olan insanlarla ünsiyyətdən qaçın, əllərinizi hər dəfə 20 saniyədən az olmamaqla sabunla tez-tez yuyun və dezinfeksiyaedici məhlullarla silin, fermada və ya təbiətdə heyvanlarla birbaşa təmasdan qorunun, öskürərkən və ya asqırarkən kağız salfetlə ağzınızı və burnunuzu tutun, ətrafınızdakılardan da bunu tələb edin.

Yüngül soyuqdəyməniz varsa, evdən bayıra çıxmayın, çoxlu maye için, bacardığınız qədər yatın. Boğaz ağrısı və öskürəyiniz varsa, isti duş sizi az da olsa, rahatlaşdıracaq.

Qeyd edək ki, ev heyvanlarının da koronavirusa yoluxmaq təhlükəsi var.

ŞƏRH YAZ
0
BAĞLA