Gəncə Dövlət Universiteti ilin ən yaxşı müəssisəsi seçilib

Gəncə Dövlət Universiteti ilin ən yaxşı müəssisəsi seçilib
12:13
19.06.2017
369
Ölkə
A

Azərbaycan Həmkarlar İttifaqları Konfederasiyası "Sağlam və təhlükəsiz əmək şəraitinin yaradılması üzrə ilin ən yaxşı müəssisəsi" respublika müsabiqəsinin qaliblərini mükafatlandırıb.

Gəncə Dövlət Universitetinin Mətbuat xidməti bildirir ki, müsabiqədə 20 sahə üzrə həmkarlar ittifaqını təmsil edən 46 idarə, təşkilat və müəssisə təltif olunub.

Təltifetmə mərasimində Gəncə Dövlət Universitetinin “Biologiya və Kimya” fakültəsi "Sağlam və təhlükəsiz əmək şəraitinin yaradılması üzrə ilin ən yaxşı müəssisəsi” fəxri fərmanı ilə mükafatlandırılıb.

Ölkə.Az

ŞƏRH YAZ
0

“Atasının ölümünə səbəb qızıdır” — Aytac Vidadiqızının ögey anası DANIŞDI – VİDEO

“Atasının ölümünə səbəb qızıdır”
13:27
Bu gün
123
Ölkə
A
ARB TV-nin “Səhər-Səhər” proqramının növbəti qonağı müğənni Aytac Vidadiqızı olub.

"Ölkə.Az" xəbər verir ki, proqramda sənətçinin ögey anası şok iddialar səsləndirib:

“Bunlar həmişə mənim evimdə olan insanlar idi. Vidadi Bərdəli ölüb o demək deyil ki, qardaşınızı danasınız. Eyni soyadı daşıyırsız. Aytac, sən bizim evə də gəlmisən, biz yası eyni evdə vermişik. Vidadi Aytacla danışmayıb, onun oxumasına qarşı olub. Deyib ki, bir oxuyan var. Qızımın müğənni olmasını istəməyib. Aytac amma mənim əziyyətimi yerə vurub. Mənim oğlumun Aytacla danışmamasına səbəb Aytac haqqında olan söz-söhbətlərdi, Aytacın hərəkətləridi. Bir dəfə evdən qaçmaq söhbəti oldu. Oğlum yığanda başqa oğlan götürdü. Oğlum da əsəbiləşdi buna. Vüqar ilk dəfə Bakıya gələndə mən saxlamışam. Vidadi 5 il onların anası ilə danışmayıb. Mənim molla kəbinim də var. Atanın adı ilə şöhrətlənirsən amma oğlunu saymırsan. Vidadinin ölməyinə səbəb sən Aytac olmusan”.

Qardaşları ilə birgə efirə gələn Aytac, ögey anası tərəfindən səsləndirilən fikirlərdən təngə gəldiyini bildirərək bu məsələyə son qoymaq istədiyini bildirib:

“Xanım çox emossianal danışır. Baxan deyər ki, yazıqdır. Amma  o, bizim ailəmizə zülmlər verib. Sən deyildin bizim balkona daşlar atan? Atamı anamdan ayırmaq istəyirdin. Tuncay zəng edəndə telefonu yoldaşım götürüb. Tuncay həbsdən çıxandan sonra. Yoldaşım danışdı. Mənim haqqımda nə şayə ola bilər ki? Ürəyin nə qədər istəyir danış”.

ŞƏRH YAZ
0

50 min manata məktəbə direktor düzəldən qadının cinayət əməlləri

50 min manata məktəbə direktor düzəldən qadının cinayət əməlləri
13:14
Bu gün
153
Ölkə
A
50 min manata məktəbə direktor düzəldən dələduz qadın cəzasının azaldıması üçün yenidən Apellyasiya məhkəməsinə müraciət edib.

“Ölkə.Az”ın xəbərinə görə, Məmmədova Nərgiz Ələsgər qızı Bakı Ağır Cinayətlər Məhkəməsinin 12 dekabr 2016-cı il tarixli hökmündən verilmiş apellyasiya şikayətinə Bakı Apellyasiya Məhkəməsində iyun ayının 20-də hakim Mirpaşa Hüseynovun sədrliyi ilə baxılacaq. 

Xatırladaq ki, 2016-cı ilin fevral ayında Bakı Apelyasiya Məhkəməsində dələduzluqda ittiham olunan Nərgiz Məmmədova barəsində qərar dəyişdirilərək  həbs edilib. Belə ki, Bakı sakini Nərgiz Məmmədova özünü vəzifəli şəxs kimi təqdim edib və 10-dan çox vətəndaşı işə düzəltmək adı ilə aldadıb. O, ali məktəblərə TQDK-nın təşkil etdiyi test imtahanlarından kənar tələbə qəbul etdirməkdə də təqsirli bilinib.

Nərgiz Məmmədova 2007-ci ildə Rüfət Şərifovu Azərbaycan Dövlət İqtisad Universitetinə qəbul etdirmək adı ilə aldadıb və ondan 23 min manat pul alıb.

Nərgiz Məmmədova Cinayət Məcəlləsinin 178.3.2-ci (dələduzluq) və 310-cu (vəzifəli şəxsin səlahiyyətlərini mənimsəmə) maddələri ilə ittiham edilib.

Bakı Ağır Cinayətlər Məhkəməsinin hökmü ilə Nərgiz Məmmədovanın barəsində Cinayət Məcəlləsinin 70-ci (şərti məhkum etmə) maddəsi tətbiq edilib. 8 il 6 ay müddətinə cəza alan Nərgiz Məmmədovanın cəzası şərti hesab olunub və o məhkəmə zalından azadlığa buraxılıb.

Hökmdən narazı qalan Baş Prokurorluq apellyasiya protesti verib. Prokuror Nemət Əvəzovun imzası ilə Bakı Apelyasiya Məhkəməsinə göndərilən şikayətdə Nərgiz Məmmədovanın həbsi və 10 il müddətinə azadlıqdan məhrum edilməsi tələb olunub.

Hakim Sahibxan Mirzəyevin sədrliyi ilə keçən prosesdə qərar elan edilib. Qərara görə, prokurorluğun protesti təmin edilib və hökmdən Cinayət Məcəlləsinin 70-ci maddəsi xaric edilib. Nərgiz Məmmədova məhkəmə zalından həbs edilib.

Qeyd edək ki, bir müddət əvvəl Bakı Apelyasiya Məhkəməsində keçirilən proses zamanı çıxış edən prokuror Bakı Ağır Cinayətlər Məhkəməsinin hökmünün ləğv edilməsini və Nərgiz Məmmədovanın məhkəmə zalından həbs edilməsini istəyib.

Proses üzrə tərəflərin çıxışları yekunlaşsa da, son bir neçə prosesə təqsirləndirilən şəxs gəlməyib. Nərgiz Məmmədovanın hansı səbəbdən prosesə qatılmaması barədə hakimlərə heç bir məlumat verilməyib. Bir neçə dəfə prosesi təxirə salan hakimlər sonda Nərgiz Məmmədovanın barəsində axtarış elan edilməsi barədə qərar qəbul ediblər. Qərara görə, Nərgiz Məmmədovanın barəsində həbs qəti imkan tədbiri seçilib və barəsində axtarış elan edilməsi barədə Baş Prokurorluq və Daxili İşlər Nazirliyinə məlumat verilib.

Hüquq-mühafizə orqanlarının əməkdaşları Nərgiz Məmmədovanı tutaraq məsuliyyətə cəlb edə biliblər.

ŞƏRH YAZ
1
BAĞLA