Gəncə iğtişaşlarını törədənlərlə bağlı — YENİ FAKTLAR

Gəncə iğtişaşlarını törədənlərlə bağlı
16:33
15.07.2018
7088
Ölkə
A
Gəncə Şəhər İcra Hakimiyyətinin başçısı Elmar Vəliyevin həyatına sui-qəsd törətmiş Yunis Səfərovun əvvəllər hazırda İran İslam Respublikası ərazisində yaşayan Tohid İbrahimbəyli tərəfindən hərbi təlimlər keçmək və döyüşlərdə iştirak etmək üçün Suriya ərazisinə göndərildiyi müəyyən edilib.

Hüquq mühafizə orqanlarından "Ölkə.Az"-a verilən məlumata görə, mütəmadi olaraq Azərbaycan dövlətçiliyi əleyhinə radikal çağırışlar edən Tohid İbrahimbəyli hələ 2017-ci ilin yanvarında radikal şiə təriqətçilərinə məxsus “nur-az.com” internet saytı vasitəsilə Elmar Vəliyevin öldürülməsinə çağırış edib.

Yunis Səfərovla bağlı məlumatın araşdırılması zamanı məlum olub ki, bır sıra Azərbaycan vətəndaşları 2013-2016-cı illər ərzində Tohid İbrahimbəyli tərəfindən İranın Qum şəhərində toplanaraq maddi maraq qarşılığında qanunsuz silahlı birləşmələrin tərkibində döyüşlərdə iştirak etmək üçün Suriya ərazisinə göndəriliblər.

Belə ki, istintaq zamanı Göyüşov Taleh Həsən oğlu və Tohid İbrahimbəylinin yaxın qohumları İbrahimli Həbib Əkbər oğlu, Musayev Pərviz Əlimusa oğlu, Ziyadov Elmir Savadxan oğlunun Yunis Səfərovla birgə İran İslam Respublikasının Qum şəhərində Tohid İbrahimbəyli tərəfindən təşkil edilmiş gizli toplantıda və Suriya ərazisində qanunsuz silahlı birləşmələr tərkibində döyüşlərdə iştirak etdikləri müəyyən edilib. Həmçinin müəyyən olunub ki, Taleh Göyüşov bu il iyulun 10-da Gəncədə polis əməkdaşlarına soyuq silahla hücum edilməsi ilə müşayiət olunan qanunsuz aksiyanın fəal iştirakçısı olub.

Həmin şəxslər iyulun 14-də Dövlət Təhlükəsizliyi Xidmətinin əməkdaşları tərəfindən saxlanılıb və cinayət məsuliyyətinə cəlb olunublar.

Ölkə.Az

ŞƏRH YAZ
0

Həbsdəki qardaşına narkotik keçirmək istədi

Həbsdəki qardaşına narkotik keçirmək istədi
17:42
Bu gün
40
Ölkə
A
Ədliyyə Nazirliyi Penitensiar Xidmətin əməliyyat aparatının həyata keçirdiyi əməliyyat-axtarış tədbirləri nəticəsində 3 saylı İstintaq təcridxanasına narkotik vasitə keçirilməsi cəhdinin qarşısı alınıb.

Xidmətin İctimaiyyətlə əlaqələr şöbəsindən "Ölkə.Az"a verilən məlumata görə, Cinayət Məcəlləsinin 221.3-cü maddəsinə əsasən həbs edilmiş şəxs Abdullayev Adəm Təvəkkül oğlunun yanına qısamüddətli görüşə gəlmiş qardaşı Şamaxı rayon sakini Bədirzadə Təyyar Təvəkkül oğlunun üzərinə baxış keçirilən zaman əynində olan gödəkcənin yan cibində gizlədilmiş ümumi çəkisi 0,210 qram olan 8 ədəd çətənə bitkisinin toxumu aşkar edilib.

Faktla bağlı araşdırma aparılır.

Ölkə.Az

ŞƏRH YAZ
0

Elektrik yarımstansiyasının partlayışında yaralanan şəxs öldü

Elektrik yarımstansiyasının partlayışında yaralanan şəxs öldü
17:33
Bu gün
205
Ölkə
A
Noyabr ayının 14-də Samux rayon ərazisində yerləşən Gəncə 330 kv Yarımstansiyada baş verən partlayış zamanı xəsarət alan şəxs xəstəxanada dünyasını dəyişib.

"Ölkə.Az"ın Report-a istinadən məlumatına görə,hadisə zamanı ağır xəsarətlər alan, 1978-ci il təvəllüdlü Elnur Natiq oğlu Həsənov yerləşdirildiyi xəstəxanada ölüb.

Qeyd edək ki, adı çəkilən yarımstansiyada yüksək gərginlikli elektrik xətlərinin texniki təmizliyi zamanı ehtiyatsızlıqdan qısapanma baş verib və yanğınla nəticələnən kiçik partlayış olub. Nəticədə E.Həsənov ağır yanıq xəsarətləri alaraq xəstəxanaya yerləşdirilmişdi.

Faktla bağlı Cinayət Məcəlləsinin müvafiq maddəsi ilə cinayət işi açılıb, araşdırma aparılır.

Ölkə.Az

ŞƏRH YAZ
0
BAĞLA