Gəncə şəhər Səhiyyə İdarəsinin rəisi işdən çıxarıldı

Gəncə şəhər Səhiyyə İdarəsinin rəisi işdən çıxarıldı
14:10
12.10.2018
2219
Ölkə
A
Gəncə şəhər Səhiyyə İdarəsinin rəisi Bəxtiyar Haqverdiyev işdən çıxarılıb.

"Ölkə.Az"ın Report-a istinadən verdiyi məlumatına görə, bu ilin iyun ayında Gəncə şəhər Səhiyyə İdarəsinin rəisi təyin olunan Bəxtiyar Davud oğlu Haqverdiyev tutduğu vəzifədən azad edilib. Həmin vəzifəyə isə Nazim Məmməd oğlu Əhmədov təyin olunub.

N.Əhmədov bu təyinata qədər Gəncə şəhər Abbas Səhhət adına 1 nömrəli Xəstəxananın baş həkimi vəzifəsində çalışıb.

ŞƏRH YAZ
0

Çimərlikdə qanunsuz pul yığanlara qarşı mübarizə başladı — Şlaqbaumlar sökülür

Çimərlikdə qanunsuz pul yığanlara qarşı mübarizə başladı
15:57
Bu gün
909
Ölkə
A
Bakı Şəhər İcra Hakimiyyətinin (BŞHİ) Ticarət və xidmət departamenti paytaxtdakı çimərliklərə baxış keçirməyə başlayıb.

“Report”un əldə etdiyi məlumata görə, Departamentin əməkdaşları əvvəlcə Şıx çimərliyində olub.

Həmin çimərlikdə 9 müxtəlif məkana baş çəkilib, orada olan qapılar və şlaqbaumlar, habelə qiymət yazılan lövhələr götürülüb. Eyni zamanda sahibkarlara xəbərdarlıq edilib ki, çimərlik ərazilərinə giriş pulsuzdur, əhalidən yalnız xidmətə görə pul almaq olar.

Qeyd edək ki, çimərlik ərazilərinin pulsuz olması ilə bağlı qaydalar özəl çimərliklərə aid deyil.

ŞƏRH YAZ
0

Akif Çovdarovun məhkəməsi təxirə düşdü

Akif Çovdarovun məhkəməsi təxirə düşdü
15:29
Bu gün
1028
Ölkə
A
Ali Məhkəmədə ləğv edilmiş Milli Təhlükəsizlik Nazirliyinin (MTN) vəzifəli şəxsləri - general-mayor Akif Çovdarov və digərlərinin kassasiya şikayəti üzrə məhkəmə prosesi baş tutmayıb.

"Ölkə.Az" xəbər verir ki, hakim Əziz Seyidovun sədrlik etdiyi iclas qeyri-müəyyən səbəbdən təxirə salınıb. Prosesin növbəti ay keçiriləcəyi bildirilib.

Qeyd edək ki, ləğv edilmiş MTN-in Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarov, MTN-in Energetika və Nəqliyyat Sahələrində Təhlükəsizlik Baş İdarəsinin sabiq işçisi, polkovnik Səlim Məmmədov, MTN-in sabiq idarə rəisi, mayor Akif Əliyev və keçmiş şöbə rəisi Orxan Osmanov 2015-ci ildə həbs edilib.

Bakı Hərbi Məhkəməsinin hökmü ilə Akif Çovdarov 12 il, Səlim Məmmədov 11 il, Akif Əliyev 5 il və Orxan Osmanov 4 il müddətinə azadlıqdan məhrum edilib.

Onların 33 milyon manatlıq əmlaklarının əksəriyyəti müsadirə edilib və rütbələrinin alınması üçün təqdimat verilib. Hökmdən narazı qalan məhkumlar və zərərçəkmiş şəxslərin bir qismi apelyasiya şikayəti verib. Bundan başqa, A.Çovdarovun ailə üzvləri - oğlu Ruslan Çovdarov, həyat yoldaşı İbadət Çovdarova, qızları - Günay Əmircanova və Aidə Qadımova da apelyasiya şikayəti ilə məhkəməyə müraciət ediblər.

Bakı Apellyasiya Məhkəməsi şikayəti təmin etməyib.

A.Əliyev bu ilin may ayında azadlığa buraxılıb.

ŞƏRH YAZ
0
BAĞLA