Gəncədə 11-ci sinif şagirdi niyə öldürülüb? — TƏFƏRRÜAT + YENİLƏNİB

Gəncədə 11-ci sinif şagirdi niyə öldürülüb?
22:16
13.02.2018
4541
Hadisə
A
Gəncə şəhərində 11-ci sinif şagirdinin digər məktəbli tərəfindən qətlə yetirilməsi ilə bağlı bəzi təfərrüatlar məlum olub.

"Ölkə.Az"ın "Report"a istinadən məlumatına görə, qətli törədən 2001-ci il təvəllüdlü Gəncə şəhər sakini Tağıyev Tural İsmayıl oğlu 39 saylı yerli orta məktəbin rus bölməsinin 10-cu sinif şagirdidir.

Həmin məktəbin direktoru Nizami Rzayevin bildirdiyinə görə, hadisə baş verən günü o, dərsə gəlməyib:

"O, bu gün dərsə gəlməyib. Müəllimi bununla bağlı uşağın valideynlərinə zəng etdikdə, onlar övladlarının həvəskar futbolla məşğul olduğunu və yəqin məşqə getdiyini, sonradan isə onun qətl törətdiyini eşitdiklərini bildiriblər".

Qətlə yetirilən 2001-ci il təvəllüdlü Gəncə şəhər sakini Bağırov Elnur Həsən oğlu isə 42 saylı yerli orta məktəbin Azərbaycan dili bölməsinin 11 A sinifinin şagirdidir.

Məktəb direktoru Naidə İsgəndərova E.Bağırovun son 5 gün ərzində dərsə gəlmədiyini deyib:

"Ümümiyyətlə davamiyyəti zəif şagird idi. Hər gün olduğu kimi, bu gün də, sinif müəlliməsi evlərinə zəng edib, lakin telefona cavab verən olmayıb. Günorta saatlarında xəstəxanadan məktəbə xəbər gəldi ki, bəs sizin şagird Elnur Bağırovu bıçaqlayaraq öldürüblər. Hazırda biz də hadisənin hansı səbəbdən törədildiyini bilmirik. Sinif yoldaşları onun kiminləsə bir probleminin olduğunu eşitməyiblər. Hər kəs kimi bizdə hüquq-mühafizə orqanlarının əməkdaşlarının araşdırmasını gözləyirik ki, səbəbini bilək".

Direktor onların ailədə iki qardaş olduqları, maddi vəziyyətlərinin aşağı olduğunu əlavə edib. N.İsgəndərovanın sözlərinə görə, E.Bağırov onların məktəbinə 9-cu sinifdən gəlib və bu illər ərzində kiminləsə mübahisəsi olmayıb.

Hazırda faktla bağlı Gəncə Şəhər Prokurorluğunda Cinayət Məcəlləsinin müvafiq maddəsi ilə cinayət işi açılıb, araşdırma aparılır.

***

Gəncədə 17 yaşlı oğlanı qətlə yetirən şəxs saxlanılıb.

"Ölkə.Az"ın "APA"ya istinadən verdiyi məlumata görə, hüquq-mühafizə orqanları əməkdaşlarının həyata keçirdikləri əməliyyat tədbirləri nəticəsində məlum olub ki, şəhər sakini, 2001-ci il təvəllüdlü Bağırov Elnur Həsən oğlunu onun həmyaşıdı, 2001-ci il təvəllüdlü Tağıyev Tural İsmayıl oğlu qətlə yetirib.

Cinayəti törədən şəxs saxlanılıb. Faktla bağlı Gəncə şəhər Prokurorluğunda cinayət işi açılıb, araşdırma aparılır.

Ölkə.Az

ŞƏRH YAZ
0

Gəncədə yüksək sürət yol qəzasına səbəb olub

Gəncədə yüksək sürət yol qəzasına səbəb olub
22:10
09.12.2018
1578
Hadisə
A
Gəncə şəhərində avtomobil qəzası baş verib.

"Ölkə.Az" report-a istinadən məlumat verir ki, 28 May küçəsində yüksək sürətlə hərəkətdə olan naməlum avtomobil qarşıdan gələn "Opel" markalı maşını vuraraq yoldan çıxarıb.

Nəticədə "Opel" yol kənarındakı ağaca çırpılıb. Qəzanı törədən avtomobil hadisə yerindən uzaqlaşıb. Nəticədə xəsarət alan olmasa da, "Opel"ə ziyan dəyib.

Faktla bağlı araşdırma aparılır.

Ölkə.Az

ŞƏRH YAZ
0

Xaçmazda avtomobil piyadanı vuraraq öldürüb

Xaçmazda avtomobil piyadanı vuraraq öldürüb
21:34
09.12.2018
949
Hadisə
A
Xaçmaz rayonunda piyadanın vurulması ilə nəticələnən yol-nəqliyyat hadisəsi baş verib.

"Ölkə.Az" report-a istinadən bildirir ki, axşam saatlarında "Hyundai Sonata" markalı minik avtomobili Çinartala kəndi ərazisi ilə hərəkətdə olarkən Poladov Alim Absəttər oğlunu vuraraq öldürüb.

Faktla bağlı araşdırma aparılır.

Ölkə.Az

ŞƏRH YAZ
0
BAĞLA