Gəncədə “15 temmuz dastanı” adlı anım mərasimi keçirilib

Gəncədə “15 temmuz dastanı” adlı anım mərasimi keçirilib
15:43
15.07.2017
58
Ölkə
A
2016-cı il iyulun 15-də Türkiyə Respublikasında baş verən dövlət çevrilişi cəhdinin birinci ildönümü ilə əlaqədar Türkiyənin Gəncə şəhərindəki Baş Konsulluğunda “15 temmuz dastanı” adlı anım mərasimi keçirilib.

Mərasim Azərbaycan və Türkiyənin müstəqilliyi, ərazi bütövlüyü uğrunda şəhid olanların xatirəsinin bir dəqiqəlik sükutla yad edilməsi, qardaş ölkələrimizin dövlət himnlərinin səsləndirilməsi ilə başlayıb. Müqəddəs “Qurani-Kərim”dən ayələr oxunub, şəhidlərin ruhuna dualar edilib.

Türkiyənin Gəncədəki Baş Konsul Orxan İşık çıxış edərək, 15 iyul dövlət çevrilişi cəhdinin Türkiyə Respublikasının tarixində çətin sınaq olduğunu, həmin hadisələr zamanı türk xalqının dövlətçiliyə və demokratiyaya sadiqliyini nümayiş etdirdiyini bildirib.

Baş Konsul ölkəsində 15 iyulda baş vermiş dövlət çevrilişi cəhdi zamanı Azərbaycan dövləti və xalqının Türkiyənin yanında olduğunu, ölkə başçısı İlham Əliyevin 15 iyul dövlət çevrilişi cəhdinin ildönümü ilə əlaqədar Türkiyə Prezidenti Rəcəb Tayyib Ərdoğana müraciətini tədbir iştirakçılarının diqqətinə çatdırıb. 15 iyul hadisələri zamanı 250-dən artıq insanın həlak olduğunu xatırladan Orxan İşık dövlət çevrilişi cəhdinin ağır nəticələrindən danışıb.

AMEA-nın Gəncə Bölməsinin akademik katibi Fuad Əliyev Azərbaycan xalqının 15 iyul hadisələri zamanı qardaş Türkiyə ilə həmrəylik nümayiş etdirdiyini vurğulayıb. Qeyd edib ki, Azərbaycan dövləti o çətin günlərdə birmənalı şəkildə Türkiyənin konstitusion quruluşunu, xalqın iradəsi ilə formalaşmış hakimiyyəti dəstəklədi, bu hakimiyyətə qarşı xain cəhdləri qətiyyətlə pislədi.Ulu öndərlərimiz – Mustafa Kamal Atatürk və Heydər Əliyev xalqlarımızın taleyinin bir olduğunu, bundan sonra da bir olacağını birmənalı şəkildə bəyan ediblər. Ulu öndərlərimizin müəyyən etdikləri bu yol, bu birlik daimi və əbədidir.

YAP Gəncə şəhər Təşkilatının sədri,millət vəkili Naqif Həmzəyev bildirib ki, Azərbaycan xalqı ötən il iyulun 15-dəTürkiyədə baş verən hadisələrin nə olduğunu çox yaxşı bilir, eyni tarixi hadisələri xalqımız da yaşayıb.Ölkəmizdə də xain qüvvələrin dövlətə və dövlətçiliyə qarşı qiyam qaldırdıqlarını, demokratik yolla seçilmiş hakimiyyəti devirməyə cəhd göstərdikləri dövrdə Azərbaycanda yaşanan hadisələr, ötən il Türkiyədə baş verən hadisələr bir daha sübut etdi ki, heç kim xalqın iradəsinə qalib gələ bilməz. Xalqın iradəsi ilə formalaşmış hakimiyyət hər cür iradədən üstündür. O ağır günlərdə Türkiyə xalqı Vətən, dövlətçilik, demokratiya uğrunda mübarizə apardı və qələbə çaldı. Zəfər gününüz mübarək!

AMEA-nın müxbir üzvü, Azərbaycan Dövlət Aqrar Universitetinin rektoru İbrahim Cəfərov dövlət çevrilişinə cəhd zamanı iyulun 15-də yaşından asılı olmayaraq vətəndaşların küçə və meydanlara axışaraq Vətənə, millətə, demokratiyaya sadiqliyini əsl qəhrəmanlıq nümunəsi adlandırıb.

Tədbir iştirakçıları 15 iyul hadisələri zamanı şəhid olanların ailələrinə və bütün türk xalqına bir daha başsağlığı verib,Türkiyədə dövlət çevrilişi cəhdinin qarşısını alan, demokratiyaya, dövlətçiliyə sadiq qalan insanlarla həmrəy olduğunu bildirib.

Mətasimdə 15 İyul – Demokratiya və Milli Birlik Gününə, Azərbaycan-Türkiyə dostluğuna həsr olunan videoçarxlar nümayiş olunub, 15 iyul hadisələrindən bəhs edən “Uzun gecənin qısa tarixi” adlı kitabın təqdimatı keçirilib.

Ölkə.Az

ŞƏRH YAZ
0

Metronun "Koroğlu" stansiyası müvəqqəti bağlanır

Metronun
15:34
Bu gün
242
Ölkə
A
Aparılacaq təmir işləri ilə əlaqədar "Bakı Metropoliteni" QSC-nin “Koroğlu” stansiyasının "piramida" adlandırılan giriş-çıxışı aprelin 21-dən müvəqqəti olaraq bağlanılacaq.

"Ölkə.Az" quruma istinadən xəbər verir ki, stansiyanın digər bütün giriş-çıxışları ("Alov" parkı, Nəqliyyat Mübadilə Mərkəzi, Milli Gimnastika Arenası, avtomobil dayanacağı, şəhərətrafı kənd və qəsəbələrə hərəkət edən elektrik qatarları istiqamətində) açıq olacaq.

ŞƏRH YAZ
0

Bakıda İƏT Gənclər və İdman Nazirlərinin 4-cü sessiyası başa çatdı

Bakıda İƏT Gənclər və İdman Nazirlərinin 4-cü sessiyası başa çatdı
15:10
Bu gün
382
Ölkə
A
Bu gün Bakı şəhərində İslam Əməkdaşlıq Təşkilatı ölkələri Gənclər və İdman Nazirləri Konfransının 4-cü sessiyası öz işini başa çatdırıb.

"Ölkə.Az" xəbər verir ki, Azərbaycan Respublikasının Gənclər və İdman nazirliyinin ev sahibliyi ilə həyata keçirilən tədbir İslam Əməkdaşlıq Təşkilatı, Dialoq və Əməkdaşlıq üzrə İslam Konfransı Gənclər Forumu (İƏT Gənclər Forumu) və İslam Həmrəyliyi və İdman Federasiyasının (İƏT İdman Federasiyası) birgə təşkilatçılığı ilə baş tutub.

İki gün davam edən Konfransda İƏT Gənclər Strategiyası, Ortaq Gənclər Fəaliyyəti və İdman üzrə Qətnamələr, Konfransın Yekun Hesabatı, nazirlər görüşünün növbəti 5-ci sessiyanın tarixi və yerinin müəyyən olunması ilə bağlı qərar, eləcə də yekun Bakı Bəyannaməsi müzakirə olunaraq qəbul edilib.

Bakı tədbirinin özəl cəhətlərindən biri İƏT tarixində ilk dəfə olaraq bu arealda konrket sahələr, - təhsil, elm, məşğulluq, biznes və s. üzrə gənclərin inkişafına xidmət edəcək Gənclər Strategiyası, eləcə də bu quruma üzv olan ölkələrin gənclik siyasəti sahəsində fəaliyyətini əlaqələndirəcək Ortaq Gənclər Siyasətinin qəbul edilməsidir. 2025-ci ilədək dövrü əhatə edəcək bu fəaliyyət planları İƏT ölkələrində gənclərlə bağlı ən əhatəli plandır. Hazırki sənədlərin qəbulu Azərbaycanın İƏT ölkələrinin gənclər siyasəti sahəsinə verdiyi önəmli töhfələrdən biri hesab olunur.

Konfransın yekun Bakı Bəyannaməsində bütün qəbul edilən qərarlara üzv ölkələrin öhdəlikləri qeyd olunmaqla yanaşı, Azərbaycan dövləti ilə “həmrəylik və tam dəstək nümayişi” olaraq Azərbaycanın ərazi bütövlüyünün bərpası, qaçqınların geri qaytarılması, İƏT Gənclər Forumunun mədəniyyətlərarsı dialoq üzrə baş koordinatoru Leyla Əliyevanın təşəbbüsü ilə keçirilən “Xocalıya Ədalət” kampaniyasına dəstək verilməsinə üzv dövlətlərin dəvəti, işğal olunmuş ərazilərdə bütün növ gənclər və idman tədbirlərinin boykotu kimi müddəalar da öz əksini tapıb.

Bakı Bəyannaməsində eyni zamanda ayrıca müddəa olaraq, Azərbaycan Prezidenti İlham Əliyevin 11 aprel 2018-ci ildə keçirilən prezident seşkilərində qalib gəlməsi münasibətilə üzv dövlətlərin yekdil təbriki də öz əksini tapıb.

Tədbirdə İƏT Gənclər və İdman nazirlərinin növbəti 5-ci sessiyasının 2020-ci ildə Səudiyyə Ərəbistanında keçirilməsi qərara alındı.

Qeyd edək ki, İƏT GİN nazirləri Bakı toplantısında 40-dan çox İƏT ölkəsini təmsil edən gənclər və idman üzrə nazirləri, agentlik və komitə sədrləri, eləcə də aparıcı beynəlxalq təşkilat nümayəndələri iştirak edib.

ŞƏRH YAZ
0
BAĞLA