Gəncədə 46 yaşlı piyadanı avtomobil vurub
Gəncə şəhərində 46 yaşlı kişini avtomobil vurub.
"Ölkə.Az" report-a istinadən bildirir ki, hadisə şəhərin Gülüstan qəsəbəsində, Göygöl rayonuna gedən avtobusların dayanacağı olan ərazidə qeydə alınıb.
Belə ki, Göygöl rayon sakini, 1973-cü il təvəllüdlü Elxan Abbasovu yolu keçmək istəyərkən avtomobil vurub. Yaralı Gəncə şəhər Təcili Tibbi Yardım Xəstəxansının Reanimasiya şöbəsinə yerləşdirilib. Onun vəziyyəti orta-ağır olaraq qiymətləndirilir.
Faktla bağlı araşdırma aparılır.
