Gəncədə arvad ərini ürəyindən bıçaqladı — MƏHKƏMƏ

Gəncədə arvad ərini ürəyindən bıçaqladı
18:35
16.05.2019
1797
Ölkə
A
Gəncə Ağır Cinayətlər Məhkəməsində ərini bıçaqlamaqda təqsirləndirilən G.İsmayılovanının cinayət işi üzrə məhkəmə prosesi davam edir.

"Ölkə.Az" xəbər verir ki,hakim Nural Əliyevin sədrliyi ilə keçiriləcək növbəti məhkəmə prosesi may ayının 20-nə təyin edilib.

Qeyd edək ki, ötən il dekabrın 7-də Gəncə sakini 1991-ci il təvəllüdlü İbrahim İsmayılov sinəsindən və qarnından bıçaq yarası ilə xəstəxanaya yerləşdirilib. Həkimlərin müdaxiləsi ilə onun həyatını xilas etmək mümkün olub.

İbrahim İsmayılov ilkin ifadəsində həyat yoldaşını qorumaq üçün özü özünü bıçaqladığını deyib. Lakin araşdırma zamanı bəlli olub ki, onu münaqişə zəminində arvadı, 1994-cü il təvəllüdlü İsmayılova Günay Cuma qızı bıçaqlayıb.

Saxlanılan Günay İsmayılova CM-nin 126.1-ci maddəsi ilə ittiham olunub.

Natiq Allahverdiyev
Ölkə.Az

ŞƏRH YAZ
0

Leyla Əliyeva xəstəxanada uşaqları ziyarət etdi — FOTO

Leyla Əliyeva xəstəxanada uşaqları ziyarət etdi
00:31
Bu gün
3598
Ölkə
A
Heydər Əliyev Fondunun vitse-prezidenti Leyla Əliyeva avqustun 20-də Fondun layihələri çərçivəsində paytaxtdakı Talassemiya Mərkəzində, 1 saylı Şəhər Kliniki Xəstəxanasında, Milli Onkologiya Mərkəzinin Uşaq Klinikasında müalicə olunan uşaqlarla və onların valideynləri ilə görüşüb.

“Ölkə.Az” Azərtac-a istinadən xəbər verir ki, Leyla Əliyeva “Talassemiyasız həyat naminə” layihəsi çərçivəsində görülən işlərlə tanışlıq məqsədilə növbəti dəfə paytaxtdakı Talassemiya Mərkəzində olub.

Fondun təşəbbüsü ilə yaradılan Talassemiya Mərkəzinin əsas məqsədi ixtisaslaşdırılmış tibb ocağının və qan bankının təşkili, yüksək ixtisaslı kadrların hazırlanması, talassemiyadan əziyyət çəkən uşaqların təhlükəsiz və keyfiyyətli qan komponentləri ilə təmin edilməsidir.

Daha sonra 1 saylı Şəhər Kliniki Xəstəxanasında müxtəlif şöbələrdə müalicə alan uşaqlara baş çəkilib, balacaların tezliklə sağalması arzuları ifadə olunub. Qeyd edilib ki, hazırda xəstəxananın uşaq-cərrahiyyə korpusunda 40-a yaxın uşaq müalicə alır.

Tibb müəssisələrində müalicə olunan uşaqlarla növbəti görüş Milli Onkologiya Mərkəzinin Uşaq Klinikasında baş tutub. Uşaqların müalicəsinin gedişi ilə maraqlanan Leyla Əliyeva Fondun səhiyyə və sosial sahələrlə bağlı məsələləri daim diqqətdə saxladığını bildirib.

Balacalara, həmçinin müxtəlif hədiyyələr təqdim edilib.

Ölkə.Az

ŞƏRH YAZ
0

Azərbaycanın şəhid pilotları — FOTOLAR

Azərbaycanın şəhid pilotları
23:28
20.08.2019
5719
Ölkə
A
Bu gün iyulun 24-də gecə təlim-məşq uçuşu keçirən zaman qəzaya uğramış Azərbaycan Hərbi Hava Qüvvələrinin MiQ-29 təyyarəsinin itkin pilotu, polkovnik-leytenant Rəşad Atakişiyevin nəşi tapılıb. Mərhum sabah II Fəxri Xiyabanda torpağa tapşırılacaq.

"Ölkə.Az" qafqazinfo-ya istinadən xəbər verir ki, Rəşad Atakişiyevin vəfatıyla son 10 ildə Azərbaycanın şəhid pilotlarının sayı 10-a yüksəlib.

 

29 yanvar 2008-ci ildə Azərbaycan Hərbi Hava Qüvvələrinə məxsus MiQ-29 döyüş təyyarəsi təlim uçuşu zamanı qəzaya uğrayıb. Qəza nəticəsində təyyarəni idarə edən hər iki pilot - polkovnik-leytenant Fəxrəddin Əsgərov və kapitan Əfqan Aslanov həlak olub. Ə.Aslanovun cəsədi bir neçə gün sonra dənizdən aşkarlansa da, F. Əsgərovun meyitini tapmaq mümkün olmayıb.

2010-cu il martın 3-də Tovuz rayonu ərazisində Hərbi Hava Qüvvələrinə məxsus Su-25 təyyarəsi qəzaya uğrayıb. Bu zaman təyyarənin pilotu Famil Məmmədli vəfat edir.

Famil Elman oğlu Məmmədli 15 oktyabr 1974-cü il tarixində Ağsu rayonunun Abasxanlı kəndində anadan olub. 1992-ci ildə Famil Məmmədli sənədlərini Bakı Ali Ümumqoşun Komandirləri məktəbinə verib. Elə həmin ildə İstanbul şəhərindəki "Hərbi Hava Okulu"nda təhsil almağa göndərilib.

O, 1996-cı ildə məktəbi yüksək qiymətlərlə bitirib və Azərbaycan Silahlı Qüvvələrində hərbi xidmətə başlayıb.

Qısa müddətdə polkovnik-leytenant rütbəsinə qədər yüksələn Famil Məmmədli qərargah rəisi vəzifəsində çalışıb. 

3 mart 2010-ci il tarixində hərbi döyüş təlimi zamanı Famil Məmmədlinin idarə etdiyi təyyarədə nasazlıq baş verib. Təyyarənin Tovuz rayonunun Aşağı Ayıblı kəndinin üzərinə düşmə təhlükəsinin olduğunu görən pilot onu bir qədər kənara yönəltməyi bacarır. Yüzlərlə insanın taleyini düşünən Famil Məmmədli öz həyatı bahasına bir kəndi xilas edib. O, Azərbaycan bayrağını səmaya çəkən 9 şahindən biri olub.

2013-cü il fevralın 11-də Bakının Şıx ərazisində Müdafiə Nazirliyinin Mİ-17 helikopteri qəzaya uğrayaraq dənizə düşüb. Nəticədə ekipajın üç üzvü - Kapitan Yaşar Əhmədov, Baş leytenant Rüstəm Rüstəmov və Leytenant Bəhruz Zeynalov həlak olub. Məlumata görə, helikopter Qala hərbi aerodromumdan qalxaraq Kürdəmirə uçurmuş.

Helikopterin pilotu Əhmədov Yaşar Mail oğlu 1970-ci il noyabrın 11-də Qazax rayon Aslanbəyli kəndində anadan olub. 1996-cı ilin dekabr ayında Milli Aviasiya Akademiyasını müvəffiqiyyətlə bitirib və akademiyanın ilk məzunlarından olub. 1998-ci ildə Hərbi Hava Qüvvələrində Pilot çatışmazlığı olduğuna görə könüllü olaraq hərbi təyyarəçi kimi xidmətə başlayıb. HHQ-nin 1-ci dərəcəli təlimatçı pilotu olmuş Yaşar Əhmədov xidmət etdiyi illər ərzində bir sıra medallarla təltif olunub.

Fotoda Baş leytenant Rüstəm Rüstəmov

25 may 1989-cu ildə Bakıda anadan olan leytenant Bəhruz Zeynalov həmin ilin aprelin 21-də toyu olacaqdı. Hətta Bəhruz nişanlısıyla hadisədən bir gün öncə gəlinlik də sifariş ediblərmiş.

2016-cı ilin aprelində ordumuzun həyata keçirdiyi əks-həmlə əməliyyatına havadan dəstək verən hərbi helikopter heyətinin üç üzvü – baş leytenant Əbu Bəkir İsmayılov, mayor Təbriz Musazadə və mayor Urfan Vəlizadə qəhrəmancasına həlak olublar. 

Əbu Bəkir İsmayılov 1990-cı ilin 10 fevralında Kürdəmirdə anadan olub. O, 2005-ci ildə Cəmşid Naxçıvanski adına Hərbi Liseyə daxil olub və 2008-ci ildə həmin liseyi bitirib. Daha sonra o, Azərbaycan Ali Hərbi Təyyarəçilik Məktəbinə daxil olub. Şəhid İsmayılov 2015-ci ilə ailə həyatı qurmuşdu.

Şəhid Pilot Mayor Vəlizadə Urfan 1978-ci ilin 1 noyabr günündə Bakıda anadan olub. Orta Məktəbi bitirdikdən sonra Türkiyənin Hava Harp Okulunda təhsil alıb. Urfan Vəlizadə burada beş il təhsil alıb və 2001-ci ildə Azərbaycanda xidmətə başlayıb. 

Təbriz Tariyel oğlu Musazadə 12 avqust 1981 Gürcüstanın Dmanisi rayonunda dünyaya gəlib. Ölümündən sonra "Azərbaycan Bayrağı" ordeni ilə təltif edilib. Hər üç şəhidimiz II Fəxri Xiyabanda dəfn olunub.

ŞƏRH YAZ
0
BAĞLA