Gəncədə “Dubay bazarı”nda iki nəfər qıza görə bıçaqlandı

Gəncədə “Dubay bazarı”nda iki nəfər qıza görə bıçaqlandı
20:48
26.09.2017
77
Hadisə
A
Gəncə şəhərində bıçaqlanma hadisəsi baş verib.

Ölkə.Az-ın “Report”a istinadən məlumatına görə, hadisə şəhərin “Dubay bazarı” deyilən ərazisində qeydə alınıb. 

Belə ki, 1993-cü il təvəllüdlü Sahil Eynulla oğlu Rəsulov və 1984-cü il təvəllüdlü Cavid adlı şəxs bıçaqlanıb.

Hadisə qız üstündə yaranmış mübahisə zəminində baş verib. Hələlik kimlikləri məlum olmayan üç nəfər şəxs yoldan keçən qıza baxdıqları üçün onlarla mübahisə edib. Daha sonra Sahili bel nahiyəsindən, Cavidi isə qarın boşluğundan bıçaqlayaraq hadisə yerindən qaçıblar. Hazırda Cavidin vəziyyətinin ağır, Sahilin isə orta-ağır olduğu bildirilir.

Faktla bağlı araşdırma aparılır.

ŞƏRH YAZ
0

Tərtərdə yol qəzası — Ölən və yaralananlar var

Tərtərdə yol qəzası
09:00
Bu gün
17
Hadisə
A
Tərtərdə ölümlə nəticələnən yol qəzası baş verib.

"Ölkə.Az" APA-ya istinadən xəbər verir ki, Tərtər-Bərdə avtomobil yolunun Buruc kəndi ərazisindən keçən hissəsində iki minik avtomobili toqquşub.

Bərdə rayonu, Alaçadırlı kənd sakini Zaur Bəylərovun idarə etdiyi “Land Cruiser” markalı, “90 ZG 909” dövlət nömrə nişanlı  avtomobil Tərtər rayon sakini Quliyev Elşad İrşad oğlunun idarə etdiyi “KİA Rio” markalı “90 VB 893” dövlət nömrə nişanlı avtomobillə toqquşub.

Qəza nəticəsində E.Quliyev aldığı yaralardan dünyasını dəyişib, digər sürücü xəstəxanaya yerləşdirilib. 

Faktla bağlı araşdırma aparılır. 

 

ŞƏRH YAZ
0

Azərbaycanda aviaşirkət işçisi təyyarənin yük yerində Almaniyaya qaçdı

Azərbaycanda aviaşirkət işçisi təyyarənin yük yerində Almaniyaya qaçdı
00:09
Bu gün
2853
Hadisə
A
Azərbaycana məxsus aviaşirkətin əməkdaşı təyyarənin yük yerində gizlənərək Almaniyaya gəlib.

Ölkə.Az Virtualaz.org-a istinadən xəbər verir ki, Azərbaycan vətəndaşı olan aviaşirkət əməkdaşı yük təyyarəsi ilə Almaniyada yerə enib.

O, 8 dekabrda Frankfurt-Xan hava limanının uçuş-enmə zolağında saxlanılıb.

Məlumata görə, yük yerində qaçmış kişinin 40 yaşı var. Onun üzərində şəxsiyyətini təsdiq edən heç bir sənədi və yükü olmayıb.

Saxlanılan şəxs Azərbaycana məxsus aviaşirkətlərdən birinin əməkdaşıdır.

İlkin dindirmədən sonra məlum olub ki, həmin şəxs yüklər təyyarəyə yerləşdirilərkən yük yerində gizlənib.

O, federal polisə təhvil verilib. Onun barəsində sərhədin qeyri-qanuni keçilməsi maddəsi üzrə cinayət işi başlanıb.

ŞƏRH YAZ
0
BAĞLA