Gəncədə "Hesabat yığıncağı" keçirilib

Gəncədə
14:44
18.10.2017
134
Ölkə
A
Hesabat yığıncağında doqquz ayın sosial-iqtisadi inkişafının yekunlarına nəzər salınıb. Qarşıda duran vəzifələrin görülməsinə dair məsələlər müzakirə olunub.

"Ölkə.Az" xəbər verir ki, şəhərin idarə, təşkilat və müəssisələrinin, xidmət sahələri rəhbərlərinin, eləcə də ictimaiyyət nümayəndələrinin iştirakı ilə keçirilən yığıncağı giriş sözü ilə açan Gəncə şəhər İcra Hakimiyyətinin başçısı Elmar Vəliyev bildirib ki, ölkənin davamlı inkişafının təmin olunmasında möhtərəm Prezident cənab İlham Əliyevin həyata keçirdiyi sosial-iqtisadi siyasət, o cümlədən, bu siyasətin prioritet istiqamətlərindən olan iqtisadiyyatın şaxələndirilməsi həlledici rol oynayır. 

2017-ci ilin 9 ayında ümumi məhsulun 34,9 faizi sənayedə, 0,2 faizi kənd təsərrüfatında, 26,6 faizi tikintidə, 6,2 faizi nəqliyyatda, 0,5 faizi informasiya və rabitədə, 31,6 faizi ticarət və xidmət sahələrində istehsal olunduğunu deyən şəhər rəhbəri qeyd edib ki, bu müddət ərzində şəhərimizdə iqtisadi əmək fəaliyyəti ilə məşğul olanların sayı 169 min nəfər təşkil etmiş, bu ötən ilin müvafiq dövrü ilə müqayisədə 1,1 faiz çoxdur. 

Möhtərəm Prezident cənab İlham Əliyevin tapşırıq və tövsiyələrinə uyğun olaraq son illərdə Gəncə şəhərində aparılan abadlıq-quruculuq istiqamətində görülən işlərin şəhər sakinləri tərəfindən rəğbətlə qarşılandığını vurğulayan Elmar Vəliyev deyib ki, su kanalizasiya layihəsi ilə əhalinin kommunal sahədə mövcud olan problemi müsbət həllini tapır. Sahibkarlar tərəfindən şəhərdə yeni ticarət, xidmət, turizm və istirahət obyektlərinin, yüksəkmərtəbəli binaların tikintisinin davam etdirildiyini qeyd edən İcra başçısı əlavə edib ki, əhalinin sağlamlığı, tibb müəssisələrinin maddi-texniki bazasının yaxşılaşdırılması, onların müasir avadanlıqlarla təchiz olunması ilə yanaşı məktəbəqədər təhsil müəssisələrinin müasir səviyyədə yenidənqurulması, yenilərinin inşası prioritet məsələlərdən biri olmaqla daim diqqət mərkəzində saxlanır. 

Şəhərin Heydər Əliyev və Atatürk prospektlərində mərkəzi hissəni əhatə edən yollar daş üzlüklərlə əvəzləndiyini bildirən Elmar Vəliyev həmçinin yağış sularının axıdılması üçün drenaj sisteminin quraşdırıldığını da bildirib. Prezident İlham Əliyevin Gəncə və gəncəlilərə olan diqqət və qayğısı sayəsində şəhərdə ümumilikdə abadlıq-quruculuq işlərinin ardıcıl olaraq davam edəcəyini vurğulayan şəhər rəhbəri Gəncə Dövlət Filarmoniyası,  “Grand Qafqaz” bazar kompleksi və şəhərin mərkəzi hissəsində olan küçələrdə aparılan tikinti və kosmetik işlərin yekunlaşmaq üzrə olduğunu da tədbir iştirakçılarının nəzərinə çatdırıb. 

Sonda yığıncaq iştirakçıları tərəfindən Azərbaycan Respublikasının Prezidenti İlham Əliyevə müraciət qəbul olunub.

ŞƏRH YAZ
0

Cocuq Mərcanlının yeni sakinləri nə vaxt evlərinə köçürüləcək? — Rəsmi açıqlama

Cocuq Mərcanlının yeni sakinləri nə vaxt evlərinə köçürüləcək?
21:11
Bu gün
649
Ölkə
A
Cocuq Mərcanlıda ikinci mərhələdə evlərin tikintisi artıq başa çatıb.

"Ölkə.Az" xəbər verir ki,bunu Trend-ə Cəbrayıl rayon İcra Hakimiyyətinin başçısı Kamal Həsənov deyib.

K.Həsənov bildirib ki, hazırda suvarma məqsədi ilə çəkilən xətlərlə bağlı bəzi tamamlanma işləri aparılır.

İcra başçısı qeyd edib ki, sakinlərin köçürülməsi üçün artıq hər şey hazır vəziyyətdədir, sadəcə hava şəraiti köçürmə prosesini bir az ləngidib. K.Həsənovun sözlərinə görə, bu və ya gələn ay artıq sakinlərin Cocuq Mərcanlıya köçürülməsi nəzərdə tutulur.

Qeyd edək ki, Prezident İlham Əliyevin 2017-ci il 15 iyun tarixli Sərəncamına əsasən, Cocuq Mərcanlıda aparılan tikinti-bərpa işlərinin birinci mərhələsində yeni salınan qəsəbədə 50 fərdi yaşayış evi, 96 şagird yerlik ümumtəhsil məktəbi, məscid, elektrik yarımstansiyası, hidrometeoroloji stansiya inşa edilib, qaz, elektrik, içməli su xətləri, ümumi uzunluğu 9 kilometr olan avtomobil yolu çəkilib. İkinci mərhələdə isə Cocuq Mərcanlıda 100 ev və digər sosial obyektlər tikilib.

ŞƏRH YAZ
0

20 Yanvar şəhidləri Pişəvəri adına Gimnaziyada anıldı — FOTO

20 Yanvar şəhidləri Pişəvəri adına Gimnaziyada anıldı
20:20
Bu gün
1327
Ölkə
A
Bu gün S.C.Pişəvəri adına Humanitar Fənnlər Gimnaziyasında 20 yanvar faciəsinin 28-ci il dönümü münasibəti ilə öncə şəhidlərə həsr olunan xatirə lövhəsinin acılışı olub, daha sonra isə kövrək və qürurverici anlarla yadda qalan tədbir keçirilib.

“Ölkə.Az” xəbər verir ki, gimnaziyada düzənlənən tədbirdə 20 Yanvar faciəsi daha fərqli, uşaqların gözüylə təqdim olunub. Belə ki, məktəbin 6-cı sinif şagirdi Mədinə Məhərrəmovanın yazdığı ssenari məktəb rəhbərliyi tərəfindən dəstəklənərək, uşaqların bu faciəni özlərinin səhnələşdirməsinə şərait yaradılıb.

Uşaqlar tədbirdə şəhidlik zirvəsinə ucalarkən onlar kimi məktəbdə şagird olan Larisa Məmmədova və İlqar İbrahimov haqqında səhnəciklər təqdim edərək bu faciənin həm də qəhrəmanlıq səlnaməsi olduğunu önə çəkiblər. Tədbir boyu təqdim olunan nömrələrdə məktəblilərin balaca ürəklərində böyük vətən sevgisi daşıdıqları hiss olunub. Tədbir 20 Yanvara həsr olunan ədəbi-bədii kompozisiyalar, düşmən üzərində qalibiyyətimizi əks etdirən müxtəlif nömələr, böyük şairlərimizin şeirləriylə davam edib və "Yaşa Azərbaycan” mahnısı ilə başa çatıb.

Tədbirdə Nərimanov rayon Gənclər və İdman İdarəsinin 20 Yanvara həsr olunan inşa müsabiqəsində qalib olan gimnaziyanın 5-ci sinif şagirdi Məmmədzadə Selcan və 8-ci sinif şagirdi Şərifova Rəna da mükafatlandırılıb. 

Tədbirin sonunda S.C.Pişəvəri adına Humanitar Fənnlər Gimnaziyasının direktoru Xuraman Osmanova çıxış edərək uşaqların bu təşəbbüsünü alqışlayıb və 20 Yanvar faciəsi haqqında öz xatirələrini bölüşüb: 

"20 Yanvara qara yanvar deyilməsinın hər zaman əleyhinə olmuşam. O gecəni çox gözəl xatırlayıram, həqiqətən də milli şüurumuzun oyandığı, qəhrəmanlığımızın, mərdliyimizin əyani nümayişi idi. Mən bu gün bu tədbiri hazırlayan uşaqların valideynləriylə fəxr etdim ki, belə vətənpərvər övladlar yetişdiriblər”.

Ölkə.Az

ŞƏRH YAZ
0
BAĞLA