Gəncədə keçirilən 'Su Festivalı'ndan rəngarəng görüntülər — FOTO + VİDEO

Gəncədə keçirilən 'Su Festivalı'ndan rəngarəng görüntülər
16:58
20.04.2017
272
Ölkə
A
Bakı-2017” IV İslam Həmrəyliyi Oyunlarının Xəzərdən başlayan su səyahətinin növbəti ünvanı qədim Gəncə şəhəri olub. Azərbaycanın 15 bölgəsini əhatə edən tur Nizami yurdunun sakinlərinə idman bayramı əhval-ruhiyyəsi bəxş etməklə bərabər ,eyni zamanda həmrəylik və sevinc hissi də nəsib edib.

Aprelin 19-u səhər saatlarında su səyahətinin Gəncə mərhələsinə dağların qoynuna sığınan füsunkar gözəlliyə malik Göygöldən start verilib. Sərbəst güləş üzrə 2012-ci il London Olimpiadasının, 2015-ci ildə Bakıda keçirilən I Avropa Oyunlarının qızıl mükafatçısı Toğrul Əsgərov, Əməkdar bədən tərbiyəsi və idman xadimi Elçin Zeynalov, Gəncə şəhər Mir Cəlal Paşayev adına 39 saylı tam orta məktəbin IV sinif şagirdi Aysu Salahova “Bakı-2017”nin misdən hazırlanmış su qabını mayın 12-də “Bakı-2017”nin açılış mərasimində nümayiş etdirilmək üçün Göygölün suyu ilə doldurublar.

Mərasim axşam saatlarında Heydər Əliyev Parkındakı Amfiteatrda keçirilən Su festivalı tədbiri ilə davam edib. Tədbirin aparıcısı bu il mayın 12-dən 22-dək Bakı şəhərində keçiriləcək IV İslam Həmrəyliyi Oyunları barədə məlumat verib. Oyunların ulduz səfiri, əməkdar artisti Tünzalə Ağayeva gəncəliləri təbrik edib, IV İslam Həmrəyliyi Oyunlarının ölkəmizin ictimai-siyasi və idman həyatında mühüm hadisə olduğunu qeyd edərək, gənc idmançılara uğurlar arzulayıb.

Qeyd edək ki, ilk olaraq su səhəngi Prezident cənab İlham Əliyev tərəfindən doldurularaq Gəncə şəhərinə təqdim olunub. Göygöldən doldurulan səhəng isə sakinlər tərəfindən Bakıya sola salınıb.

Ölkə.Az

ŞƏRH YAZ
0

Naxçıvan mədəniyyət naziri təyin edilib

Naxçıvan mədəniyyət naziri təyin edilib
23:40
24.04.2018
2319
Ölkə
A
Naxçıvan Muxtar Respublikasının mədəniyyət naziri təyin edilib.

"Ölkə.Az" xəbər verir ki, bununla bağlı bu gün Naxçıvan Muxtar Respublikası Ali Məclisinin sədri Vasif Talıbov müvafiq sərəncam imzalayıb.

Sərəncama əsasən Natəvan Qədimova Naxçıvan Muxtar Respublikasının mədəniyyət naziri təyin edilib.

N. Qədimova bundan əvvəl Naxçıvan Muxtar Respublikasının mədəniyyət və turizm naziri vəzifəsində çalışıb.

Ölkə.Az

ŞƏRH YAZ
0

Naxçıvan Turizm Departamentinin direktoru təyin edilib

Naxçıvan Turizm Departamentinin direktoru təyin edilib
23:11
24.04.2018
1945
Ölkə
A
Naxçıvan Muxtar Respublikası Turizm Departamentinin direktoru təyin edilib.

"Ölkə.Az" xəbər verir ki, Naxçıvan Muxtar Respublikası Ali Məclisinin sədri Vasif Talıbov bununla bağlı bu gün müvafiq sərəncam imzalayıb.

Sərəncama əsasən Əkbər Novruzov Naxçıvan Muxtar Respublikası Turizm Departamentinin direktoru təyin edilib.

Ə. Novruzov bundan əvvəl Naxçıvan Muxtar Respublikası Mədəniyyət və Turizm Nazirliyində Turizm şöbəsinin müdiri vəzifəsində çalışıb.

Ölkə.Az

ŞƏRH YAZ
0
BAĞLA