Gəncədə keçmiş məhkum 70 yaşlı qohumunu qətlə yetirdi

"Ölkə.Az" xəbər verir ki, Gəncə Ağır Cinayətlər Məhkəməsində hakim Dadaş İmanovun sədrliyi ilə keçiriləcək məhkəmə hazırlıq iclası may ayının 7-nə təyin olunub.

Qeyd edək ki, hadisə bu ilin yanvar ayında şəhərin Poçt qəsəbəsi adlanan ərazisində baş verib. 47 yaşlı Məmməd Məmmədov yaşadığı ərazinin yaxınlığında 70 yaşlı qohumu Valeh Zeynalovu bıçaqlayıb. Yaşlı kişi aldığı xəsarətlərdən hadisə yerində keçinib. Qətli törətməkdə təqsirləndirilən Məmməd Məmmədov hadisədən dərhal sonra polis əməkdaşları tərəfindən saxlanılaraq istintaqa cəlb edilib. Onun uzun müddətdir ki, ruhi əsəb dispanserində qeydiyatda olduğu və  psixi problemlərdən əziyyət çəkdiyi bildirilir. Qedy edək ki, Məmməd Məmmədov bundan əvvəl də məhkumluq həyatı yaşayıb. 

Natiq Allahverdiyev
Ölkə.Az