KORONAVİRUSA YOLUXANLARIN SAYI - CANLI STATİSTİKA

Gəncədə qızı qaçırdaraq zorlayıb videoya çəkən oğlanı — Qardaşı və əmisi cəzalandırdı

Gəncədə qızı qaçırdaraq zorlayıb videoya çəkən oğlanı
22:55
11.09.2019
21416
Ölkə
A
"Bəzi kütləvi informasiya vasitələri və sosial şəbəkələrdə Gəncə şəhər sakini Əli Əliyevin guya 22 nəfər tərəfindən döyülərək qətlə yetirilməsi barədə yayılmış məlumatlar həqiqətə uyğun deyil".

"Ölkə.Az" bildirir ki, bu barədə Baş Prokurorluğun mətbuat xidmətindən azxeber.com-a bildirilib.

Qeyd olunub ki, 15 aprel 2015-ci il tarixdə Gəncə şəhər sakini Əli Əliyev qonşusu Sona Qəhrəmanini gecə saatlarında bıçaqla hədələyib həyətlərindən oğurlayaraq 3 gün ərzində saxlayıb dəfələrlə zorlamış, zor tətbiq etməklə seksual xarakterli zorakılıq hərəkətləri edərək mobil telefonla video çəkilişini aparıb.

18 aprel 2015-ci il tarixdə Sona Qəhrəmaninin qardaşı Yaqub Qəhrəmani və əmisi Əli Qəhrəmani Gəncə şəhəri ərazisində Əli Əliyevdən qisas almaq məqsədi ilə onu qətlə yetirib".

"Gəncə Ağır Cinayətlər məhkəməsinin 26 fevral 2016-ci il tarixli hökmünə əsasən Y.Qəhramani 17 il 6 ay, Ə.Qəhrəmani isə 17 il müddətinə azadlıqdan məhrum etmə cəzasına məhkum olunub.

Ölkə.Az

ŞƏRH YAZ
0

Şəhidlərimizə görə telekanallar musiqili və əyləncəli verilişləri yayımdan çıxardı — MTRŞ

Şəhidlərimizə görə telekanallar musiqili və əyləncəli verilişləri yayımdan çıxardı
17:51
Bu gün
412
Ölkə
A
Mili Televiziya və Radio Şurası (MTRŞ) bəyanat yayıb.

Qurumdan verilən məlumata görə, teleradio yayımçıları öz proqramlarında dəyişiklik edib:

“İyulun 12-də Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşindən istifadə edərək hücuma keçməyə cəhd göstərib. Düşmən hücumunun qarşısını alarkən döyüşdə Azərbaycan Ordusunun dörd hərbçisi şəhid olub, bir neçə hərbçisi isə yaralanıb. Həyata keçirilən tədbirlər ilə düşmənə layiqli cavab verilib.

Ölkəmizdə fəaliyyət göstərən teleradio yayımçılarının əksəriyyəti bu hadisə və onun nəticəsində hərbçilərimizin şəhid olması ilə bağlı öz proqramlarında dərhal dəyişiklik edib, yayımdan musiqili və əyləncəli verilişləri çıxarıblar. Pandemiya şəraitində yayımçıların əməkdaşlarının tam olaraq işə cəlb olunmamasını və texniki aspektləri nəzərə alaraq, bəzi kanallarda bu proses növbəti gün həyata keçirilib.

Milli Televiziya və Radio Şurası olaraq, yayımçıların bu prosesə həssas reaksiyasını dəstəkləyir və onlara bir daha belə günlərdə daha operativ davranmağı tövsiyə edirik.

Allahdan Azərbaycan Ordusuna zəfər, Vətən uğrunda şəhid olan əsgər və zabitlərimizə rəhmət diləyirik!”.

ŞƏRH YAZ
0

Oğlu tərəfindən öldürülən Ucar sakininin qətlinin TƏFƏRRÜATI

Oğlu tərəfindən öldürülən Ucar sakininin qətlinin TƏFƏRRÜATI
17:38
Bu gün
1316
Ölkə
A
İyulun 11-də Göyçay Mərkəzi Rayon Xəstəxanasında münaqişə nəticəsində xəsarət almış Ucar rayonu Bərgüşad kənd sakini, 1969-cu il təvəllüdlü Bayram Ata oğlu Abbasov vəfat edib.

"Ölkə.Az" xəbər verir ki, bu barədə oxu.az-a hüquq-mühafizə orqanlarından məlumat verilib.

İstintaq zamanı məlum olub ki, bellə B.Abbasovun başına zərbəni onun oğlu Əhliman Abbasov (1994-cü il təvəllüdlü) endirib.

Daha əvvəl kütləvi informasiya vasitələrində B.Abbasovun balta ilə öldürüldüyü barədə məlumatlar yayılmışdı. Ancaq sonradan aydınlaşdı ki, bu məlumatlar həqiqəti əks etdirmir.

Məlum olduğu kimi, Əhliman Abbasovla əmisi oğlu Asif Abbasov arasında insident onların birlikdə spirtli içki qəbul etdiyi məclisdən sonra başlayıb.

İki şəxs arasında baş vermiş davaya içkili vəziyyətdə olan Bayram Abbasov da müdaxilə edib. O, oğlunu müdafiə etmək istəsə də, fiziki cəhətdən buna gücü çatmayıb. Əmisi oğlunun atasına zərbələr endirdiyini görən Əhliman Abbasov belə əl atıb, lakin Asif Abbasova zərbə endirmək istəyərkən səhvən atasını vurub.

Faktla bağlı rayon prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma, ehtiyatsızlıqdan zərərçəkmiş şəxsin ölümünə səbəb olduqda) maddəsi üzrə cinayət işinə başlanılıb.

Qeyd edək ki, bu hadisə Abbasovlar ailəsinin ilk qanundan kənar davranışı deyil. Hazırda B.Abbasovun qardaşı narkotik alverinə görə həbs cəzası çəkir.

Üç il əvvəl isə Bayram Abbasovun oğlu həyat yoldaşını daşla vuraraq qətlə yetirib. Cinayət hadisəsi qonşu kənd olan Yuxarı Çiynidə kəndində törədilib.

Eyni zamanda B.Abbasovun yaxın qohumlarından biri də dəmir barmaqlıqlar arxasındadır.

ŞƏRH YAZ
0
BAĞLA