Gəncədə üzdəniraq və manyaklar “qəhrəmanlıq” göstərdilər

Gəncədə üzdəniraq və manyaklar “qəhrəmanlıq” göstərdilər
17:09
11.07.2018
37712
Ölkə
A
Bu gün, demək olar ki hər dairədə elita və ya taksi sürücüləri arasında dünən axşam saatlarında Gəncədə baş verən hadisələrin detalları müzakirə edilir.

Sosial şəbəkələrdə Azərbaycanın ikinci böyük şəhərində aksiya törədənləri “qəhrəman” adlandıranlar da tapıldı. 

Bir sözlə desək, Gəncədəki aksiyalar Azərbaycan cəmiyyətində böyük rezonans doğurdu. 

Xainlərə və polis qatillərinə haqq qazandıranlara həsr olunur:

Sizi təəccübləndirmir ki, bu radikal əhval-ruhiyyəli insanlar qara kriminal keçmişə malikdir?! Niyə qara, çünki dünən hüquq-mühafizə orqanlarının əməkdaşlarını qətlə yetirən şəxslər öz analarını, atalarını və həyat yoldaşlarını öldürdükləri üçün həbsxana həyatı yaşayıblar. 

Sosial şəbəkələrdə Gəncə sakinləri yazır ki, bu polisləri öldürənlər gəncəli ola bilməzlər, çünki istənilən yerli sakin qətlə yetirilmiş polkovniklərə hörmət edirdi. 

“Onlar vətənini, ölkəsini və insanlarını sevən əsl polislər idilər. Onları qətlə yetirənlər isə aranı qarışdırmaq üçün ora göndərilmişlər idi”, - hadisələrin şahidi olan Gəncə sakini yazıb. 

"Ölkə.Az" oxu.az-a istinadən polisləri öldürən şəxslərin bioqrafiyası haqqında bəzi maraqlı faktları təqdim edir: 

Doğma anasının qatili və oğru

Rəşad Böyükkişiyev (1988-ci il təvəllüdlü) iki dəfə məhkumluq həyatı yaşayıb. 2007-ci ildə o, doğma anasının qətlində təqsirli bilinib və 7 il müddətinə azadlıqdan məhrum olunub. 
İkinci dəfə o, cinayət məsuliyyətinə Rusiyada cəlb olunub. Ona qarşı oğurluq maddəsi ilə ittiham irəli sürülüb. 

Cinayətkar və dələduz

Fərrux Qasımov cinayət mühitinin nümayəndəsidir. Onun qardaşı Ramin Qasımov hazırda №6 saylı cəzaçəkmə müəssisəsində cəzasını çəkir. 2016-cı ildə o,xuliqanlıq məqsədilə ağır bədən xəsarətləri yetirdiyinə görə 7 il müddətində azadlıqdan məhrum edilib.

Həyat yoldaşının qatili

Mahir Bəyalıyev – sosial şəbəkələr vasitəsilə Gəncə küçələrində qanunsuz aksiyaların əsas təhrikçiləri və iştirakçılarından  biridir.

O, polislərin qətlinə çağıran təxribat xarakterli postlar dərc edib. Bəyalıyevin belə postlarından birini diqqətinizə çatdırırıq:

“Qardaşlar, polisləri öldürmək vaxtı gəlib çatdı. Əgər biz silahlı dəstələr yarada bilsək, bizi qələbə gözləyir. Birləşmək və polislərə dərs keçmək lazımdır”.

Radikal əhval-ruhiyyəli Bəyalıyev hətta onun baxışlarını bölüşməyən keçmiş həyat yoldaşını amansızlıqla qətlə yetirib.

Ən təəccüblüsü isə odur ki, kriminal anlayışlarla hərəkət edən bu adamlar din pərdəsinə bürünüblər... Gəncədə qanunsuz etiraz aksiyaları zamanı çəkilmiş videokadrlarda ərəb dilində cümlələr və əsasən də “Allahu Əkbər” şüarları çox aydın eşidilir...

Gəncədə çəkilmiş kadrlara əsasən demək olar ki, qanunsuz etiraz aksiyasının iştirakçılarının geyimlərini nəzərə almasaq, asanlıqla İŞİD nümayəndələri ilə qarışıq salmaq olardı. 

P.S. Azərbaycanın ləyaqətli, bizi quldurlardan, cəmiyyətin tör-töküntüləri və İŞİD fanatlarından qoruyan oğulları həlak oldu. Qətlə yetirilmiş polislərin uşaqları qalıb. Düşünmək zamanıdır, cənablar... 

ŞƏRH YAZ
0

Daha 2 rayonda qaz olmayacaq

Daha 2 rayonda qaz olmayacaq
11:07
Bu gün
660
Ölkə
A
Ağstafa rayonunda istehlakçıların qaz təchizatının yaxşılaşdırılması və normadan artıq qaz itkilərinin qarşısının alınması məqsədilə təmir işlərinə başlanılıb.

Bu barədə "Ölkə.Az"  “Azəriqaz” İstehsalat Birliyinə istinadən xəbər verir.

Saat 10.00-dan təmir işləri başa çatanadək Ağstafa rayonunda bir qrup abonentin qaz təchizatı dayandırılıb.

Samux rayonunda da orta təzyiqli yeraltı qaz xəttinin yenidənqurulması məqsədilə bir qrup abonentin qaz təchizatı saat 11.00-dan dayandırılacaq.

Ölkə.Az

ŞƏRH YAZ
0

Magistraturaların boş qalan yerlərinə qəbul elan edildi

Magistraturaların boş qalan yerlərinə qəbul elan edildi
10:54
Bu gün
391
Ölkə
A
2019/2020-ci tədris ili üçün Azərbaycan Respublikasının ali təhsil müəssisələrinin və Azərbaycan Milli Elmlər Akademiyasının (AMEA) magistraturalarının boş qalan yerlərinə qəbul 24 fevral və 26 may 2019-cu il tarixlərində keçirilmiş ikimərhələli qəbul imtahanında toplanmış ballar əsasında müsabiqə yolu ilə aparılır (müsabiqə şərtləri).

Dövlət İmtahan Mərkəzindən "Ölkə.Az"a verilən məlumata görə, cari ildə ali təhsil müəssisələrinin magistraturalarına qəbul olunmuş (o cümlədən qəbul olduğu təhsil müəssisəsində qeydiyyatdan keçməyən) bakalavrların boş qalan yerlərə keçirilən müsabiqədə iştirak etmək hüququ yoxdur.

Bakalavrlar boş qalan yerlərə keçirilən müsabiqədə iştirak etmək üçün 2019-cu il 23 iyul saat 10:00-dan 30 iyul saat 23:59-dək DİM-in internet saytının müvafiq səhifəsinə daxil olaraq, seçdikləri ixtisaslaşmaların kodlarını “Bakalavrın elektron ixtisaslaşma seçimi ərizəsi”ndə qeyd edib təsdiqləməlidirlər.

Boş qalan yerləri olan ixtisaslaşmaların siyahısı “Magistr” jurnalının 6-cı sayında dərc olunub. Hər bir bakalavr imtahan verdiyi proqrama aid və bitirdiyi bakalavr ixtisasına müvafiq olan 20-dək ixtisaslaşma kodunu seçə bilər.

Bakalavr ixtisaslaşma kodlarının sayını və ardıcıllığını istədiyi kimi seçib ərizəsində göstərir. Seçilmiş ixtisaslaşmaların ərizə formasında göstərilən ardıcıllığı müsabiqə zamanı hüquqi əsas kimi qəbul olunur və bakalavr topladığı bala əsasən müsabiqədən keçdiyi ixtisaslaşmaların birincisinə yerləşdirilir.

Dövlət hesabına magistraturada təhsil almış magistrlər dövlət sifarişi ilə qəbul aparılan yerləri seçə bilməzlər. Əcnəbilər və vətəndaşlığı olmayan şəxslər, qüvvədə olan qanunvericilikdə və dövlətlərarası razılaşmalarda digər hallar nəzərdə tutulmayıbsa, dövlət sifarişi ilə qəbul aparılan yerləri seçə bilməzlər.

Bakalavrlar DİM-in nəşrlərinin elektron versiyalarının onlayn satışı sistemindən istifadə edərək bank kartı vasitəsilə ödəniş etməklə “Magistr” jurnalının 6-cı sayının elektron versiyasını (http://eservices.dim.gov.az/ejurnal/) da əldə edə bilərlər.

Ölkə.Az

ŞƏRH YAZ
0
BAĞLA