Gənclər arasında ədəbiyyatın təbliği layihəsinə yekun vuruldu

Gənclər arasında ədəbiyyatın təbliği layihəsinə yekun vuruldu
17:14
12.10.2018
784
Ölkə
A

Gənclərin Sağlam İnkişafı ictimai birliyi Azərbaycan Respublikası Prezidenti yanında QHT-lərə Dövlət dəstəyi Şurasının maliyyə dəstəyi ilə həyata keçirdiyi “Gənclər arasında ədəbiyyatın təbliği və azərbaycan dilində səlis natiqlik bacarıqlarının artırılması” layihəsi uğurla başa çatdı.

Layihənin keçirilməsində əsas məqsəd gənclərdə mütaliyəyə maraq oyatmaq,müasir və klassik  yazarlarla gənclərin tanışlığını təmin etmək , savadlı və dünya ədəbiyyatında xəbərdar olan gənclik yetişdirmək ,həmçinin sabaha İntelektli  dil bilikləri zəngin gənclər hazırlamaqdan ibarətdir.

Layihə çərçivəsində Bakı və Ucar rayonunda  gənclərin iştirakı ilə 7 ədəbi məclis həyata keçirilmişdir ki ,  bu məclislərdə  hər bir gənc oxuduğu kitabı  analiz edərək və bu əsərin ona  və cəmiyyətə verdiyi tövhələr istiqamətində ictimai müzakirələr təşkil olunmuşdur .  Beləki bu üsulla 3 ay müddətində davam edən layihə çərçivəsində gənclərin   natiqlik bacarıqlarının üzə çıxarılması və onlarda özünü ifadə etmə imkanlarının genişləndirilməsini nəzərə alaraq layihə “Fikir akademiyası” formasında yaxın zamanlarda davam etdiriləcəkdir.

ŞƏRH YAZ
0

Dövlət proqramı təsdiqləndi

Dövlət proqramı təsdiqləndi
00:14
Bu gün
4746
Ölkə
A
Prezident İlham Əliyev “Azərbaycan ədliyyəsinin inkişafına dair 2019-2023-cü illər üçün Dövlət Proqramı”nın təsdiq edilməsi haqqında sərəncam imzalayıb.

“Ölkə.Az” xəbər verir ki, Ədliyyə Nazirliyinə Dövlət Proqramında nəzərdə tutulan tədbirlərin həyata keçirilməsini əlaqələndirmək, habelə Dövlət Proqramının icrasının gedişi barədə ildə bir dəfə Azərbaycan prezidentinə məlumat vermək tapşırılıb.

Nazirlər Kabineti isə bu sərəncamdan irəli gələn məsələləri həll etməlidir.

Ölkə.Az

ŞƏRH YAZ
0

Ermənistanla sərhəd kəndlərə qaz verildi

Ermənistanla sərhəd kəndlərə qaz verildi
23:30
18.12.2018
4599
Ölkə
A
Gədəbəyin Ermənistanla sərhəddə yerləşən Şınıx bölgəsində Əyridərə, Qaravəlilər, Məmmədcəfərli, Dördlər, Qasımlı, Motudərə eləcə də rayonun Çaldaş və Səbətkeçməz kəndlərinə təbii qaz verilib.

“Azəriqaz” İstehsalat Birliyindən "Ölkə.Az"a verilən məlumata görə, bu məqsədlə keçirilən tədbirdə rayon İcra Hakimiyyətinin və İstehsalat Birliyinin təmsilçiləri, ictimaiyyət nümayəndələri iştirak ediblər.

Bildirilib ki, ümumilikdə 720 fərdi evdən ibarət kəndlərin qazlaşdırılması üçün birpilləli sistem əsasında ümumi uzunluğu 64 min 451 metr müxtəlif diametrli polad borularla daşıyıcı və paylayıcı qaz xətləri çəkilib, mənzillərə sayğac və fərdi tənzimləyici quraşdırılıb.

Qeyd olunan bölgədə yerləşən kəndlərə təbii qazın verilməsi əhalinin həyat şəraitinin yaxşılaşmasına və ekologiyanın qorunmasına xidmət edir və qazlaşdırılan yaşayış sahələrində qaz şəbəkəsinin qurulmasında “bir pilləli” tənzimləmə sistemi tətbiq edilib ki, bu da hər bir abonentin fərdi qaz tənzimləyicidən istifadə etməsinə və istehlakçılara ötürülən qazın sabit rejimdə saxlanılmasına zəmin yaradır.

Ölkə.Az

ŞƏRH YAZ
0
BAĞLA