Generalın oğlunun məhkəmə istintaqı başa çatdı

Generalın oğlunun məhkəmə istintaqı başa çatdı
13:17
14.09.2017
30
Ölkə
A
Binəqədi Rayon Məhkəməsində xuliqanlıqda təqsirləndirilən Rüstəm Orucovun cinayət işi üzrə məhkəmə prosesi davam etdirilib.

"Ölkə.Az"ın APA-ya istinadən xəbərinə görə, hakim Rəşad Əliyevin sədrliyi ilə keçirilən prosesdə məhkəmə istintaqının başa çatdığı elan olunub.
 
Bildirilib ki, iş üzrə dindirilməmiş bir şahid qalıb. O da səhhəti ilə bağlı məhkəmədə iştirak edə bilmir.
 
Prokuror çıxış üçün məhkəmədən vaxt istəyib.
 
Proses sentyabrın 22-də davam etdiriləcək.
 
Qeyd edək ki, 2017-ci il iyulun 3-də Bakı şəhər sakini Rüstəm Orucov sürücülük hüququndan məhrum olunmasına baxmayaraq, idarə etdiyi “BMW” markalı 10-OG-300 dövlət nömrə nişanlı avtomobillə yol hərəkəti qaydalarını pozduğuna görə ona əsaslı irad bildirmiş sürücü Sənan Səmədovun idarə etdiyi marşrut avtobusunu 8 dayanacaq təqib edərək sərnişinlərin narahatlığına və insanlarda vahiməyə səbəb olub, vətəndaşların gözü qarşısında bir qrup şəxslə həmin sürücüyə xəsarətlər yetirərək xuliqanlıq edib.
 
Faktla bağlı 2017-ci il 4 iyul tarixdə Binəqədi rayon Polis İdarəsinin İstintaq Şöbəsində Cinayət Məcəlləsinin 221.2.1-ci (bir qrup şəxs tərəfindən xuliqanlıq) maddəsi ilə cinayət işi başlanıb.
 
Xatırladaq ki, Rüstəm Orucov piyadanın ölümünə səbəb olan yol-nəqliyyat hadisəsi törədib, hadisə yerindən qaçdığına üçün 2014-cü ildə 4 il müddətinə azadlıqdan məhrum olub, 2016-cı ildə isə şərti olaraq vaxtından əvvəl azad edilib.
 
R. Orucov Səfərbərlik və Hərbi Xidmətə Çağırış üzrə Dövlət Xidməti rəisinin həqiqi hərbi xidmətə çağırış üzrə sabiq müavini – Həqiqi hərbi xidmətə çağırış baş idarəsinin keçmiş rəisi general Novruzəli Orucovun oğludur. N. Orucov hadisədən sonra tutduğu vəzifədən azad edilib.

ŞƏRH YAZ
0

Ötən il 1553 nəfərdən ağız suyu nümunəsi götürülüb

Ötən il 1553 nəfərdən ağız suyu nümunəsi götürülüb
18:37
Bu gün
272
Ölkə
A
Beynəlxalq Qızıl Xaç Komitəsi (bqxk) Əsir və itkin düşmüş, girov götürülmüş vətəndaşlarla əlaqədar Dövlət Komissiyası ilə birlikdə ötən il Dağlıq Qarabağ münaqişəsi ilə əlaqədar itkin düşmüş şəxslərin yaxınlarından götürülmüş ağız suyu nümunəsi ilə bağlı statistika açıqlayıb.

"Ölkə.Az" xəbər verir ki, itkin düşmüş şəxslərin 1553 nəfər yaxınından ağız suyu nümunəsi götürülüb.

Qeyd edək ki, ağız suyu nümunəsi itkin düşmüş şəxslərin yaxınlarından götürülür və gələcəkdə mümkün ekskumasiya zamanı üçün istifadə üçün saxlanılır.

ŞƏRH YAZ
0

Ötən gün 4 nəfər yol qəzasında ölüb

Ötən gün 4 nəfər yol qəzasında ölüb
18:21
Bu gün
277
Ölkə
A
Ötən gün, noyabrın 17-də Azərbaycanın avtomobil yollarında 7 yol-nəqliyyat hadisəsi baş verib.

DİN-in mətbuat xidmətindən "Ölkə.Az"a bildirilib ki, nəticədə 4 nəfər ölüb, 7 nəfər xəsarət alıb.

Qeyd olunan faktlarla bağlı müvafiq araşdırmalar aparılır.

ŞƏRH YAZ
0
BAĞLA