KORONAVİRUSA YOLUXANLARIN SAYI - CANLI STATİSTİKA

Georgetown Journal: Azərbaycan enerji inqilabının astanasındadır

Georgetown Journal: Azərbaycan enerji inqilabının astanasındadır
22:24
26.12.2019
11705
Analitika
A
Azərbaycan bir neçə il əvvəl təsəvvürü belə mümkün olmayan enerji inqilabının astanasındadır.

"Ölkə.Az" trend-ə istinadən bildirir ki, bu, Beynəlxalq Münasibətlərin Təhlili Mərkəzinin sədr müavini, doktor Esmira Cəfərovanın "The Georgetown Journal of International Affairs" jurnalında dərc olunan məqaləsində deyilir.

Müəllif hesab edir ki, bərpa olunan enerji mənbələrinin inkişafına xüsusi diqqət Azərbaycana daxili məqsədlər üçün bərpa olunan enerji mənbələrini istifadə etməklə daha çox neft və qaz ixrac etməyə imkan verəcək.

Məqalədə qeyd olunur ki, Azərbaycan 1994-cü ildə "Əsrin müqaviləsi"ni imzaladıqdan bəri neft və qaz ölkənin enerji strategiyasını formalaşdıran əsas ehtiyatlar olub:

"Bir sıra iri transmilli korporasiyalarla birgə Azərbaycan Bakı-Tbilisi-Ceyhan və Bakı-Tbilisi-Ərzurum neft və qaz borularının tikintisi yolu ilə uğurlu əməkdaşlıq modeli seçib. Bu iki layihə Azərbaycanın enerji ehtiyatlarının nəql olunmasında vacib mərhələdir. Azərbaycanın karbohidrogen ehtiyatlarının ixracından əldə olunan gəlirlər ölkənin sosial-iqtisadi inkişafına yönəlib və nəticədə Azərbaycanda dövlətçiliyin bütün sahələri son 25 il ərzində çiçəklənib".

Müəllif bildirir ki, dünyada təmiz enerji mənbəyi olaraq təbii qaza verilən önəmin artması ilə Azərbaycan özünü qaz ixracatçısı kimi tanıdıb:

"Cənub Qaz Dəhlizi meqalayihəsi dörd tərkib hissədən ibarətdir: 1) "Şahdəniz" yatağının işlənməsinin ikinci hissəsi; 2) Cənubi Qafqaz boru kəmərinin genişləndirilməsi; 3) Trans-Anadolu boru kəməri (TANAP) və 4) Trans-Adriatik boru kəməri (TAP). Layihə enerji ehtiyatlarının mənbə və marşrutlarının şaxələndirilməsini nəzərdə tutur. Bu marşrutla Türkiyəyə qaz tədarükü 2018-ci ilin iyununda başlayıb. Cənub Qaz Dəhlizi Azərbaycanın enerji ehtiyatlarının ixracatçısı kimi regional və qlobal statusunun möhkəmlənməsində növbəti mərhələ olub".

Məqalədə qeyd olunur ki, Azərbaycanın bu cür nailiyyətləri ənənəvi enerji mənbələrinin istifadəsi çərçivəsindən çıxmağa, bərpa olunan enerji sektorunun işlənməsinə imkan verdi.

Müəllif bildirir ki, Azərbaycanda 2017-ci ildə Energetika Nazirliyinə yeni rəhbərliyin gəlişi ilə ölkə daxili enerji istehlakının şaxələndirilməsinə və enerji istehlakının ümumi balansında bərpa olunan enerji mənbələrinin payının artmasına doğru kurs götürdü:

"Azərbaycanda bərpa olunan enerji potensialı təxminən 27 min meqavattdır, bunun böyük hissəsi (23 min meqavatt) günəş enerjisinin payına düşür. Azərbaycanda kommunal xidmətlərin inkişafı üzrə strateji yol xəritəsi 420 min meqavatt gücündə bərpa olunan enerji mənbəyinin yaradılmasını nəzərdə tutur. Hazırda hökumət bu sahəyə yeni investorların cəlb olunması üçün investisiya mühitinin təkmilləşməsi üzərində işləyir".

Məqalədə qeyd olunur ki, Energetika Nazirliyi 2030-cu ilədək ümumi enerji balansında bərpa olunan enerji mənbələrinin payını 30 faizədək artırmağı planlaşdırır:

"Hazırda bu göstərici 17-18 faizə yaxındır. Dekabrın 5-də Prezident İlham Əliyev "Bərpa olunan enerji mənbələrinin istifadəsi sahəsində pilot layihələrin icrası ilə bağlı tədbirlər haqqında" sərəncam imzalayıb. Bərpa olunan enerji mənbələrinin inkişafına ayrılan xüsusi diqqət Azərbaycana daxili məqsədlər üçün bərpa olunan enerji mənbələrini istifadə etməklə daha çox neft və qaz ixrac etməyə imkan verəcək".

ŞƏRH YAZ
0

Azərbaycan Ordusunda islahatlar yeni müstəviyə keçib — Ekspertlər

Azərbaycan Ordusunda islahatlar yeni müstəviyə keçib
15:11
17.05.2020
1872
Analitika
A
“Ordunun modernləşdirilməsi ən vacib məsələlərdəndir, bu gün ordumuza ən müasir silahlar alınıb”.

"Ölkə.Az" bildirir ki, bunu “Report”a açıqlamasında orduda aparılan islahatları şərh edərkən Milli Məclisin Müdafiə, təhlükəsizlik və korrupsiya ilə mübarizə komitəsinin üzvü Aqil Abbas deyib.

O bildirib ki, əvvəllər orduda vəziyyət acınacaqlı idi. Deputat tez-tez hərbi hissələrə baş çəkdiyini və son illərdə ordunun maddi-texniki bazasının gücləndirildiyinin şahidi olduğunu söyləyib.

A.Abbas qeyd edib ki, son illərdə xeyli sayda yeni hərbi hissələr tikilərək istifadəyə verilib: “Əsgərlərə ən yüksək səviyyədə kalorisi olan yeməklər verilir. Əvvəllər əsgərlər paltarlarını yuyurdular, yemək bişirirdilər, indi bunu mülki insanlar edir. Əsgərin işi ancaq vətəni müdafiə etməkdir. Daha hərbi maşınları 18-19 yaşlı əsgərlər sürmür, əvvəllər buna görə tez-tez qəzalar olurdu. İndi isə hərbi maşınları idarə etməyə mülki insanlar cəlb olunub deyə, qəzaların sayı da azalıb. Azərbaycan Ordusunda böyük islahatlar aparılıb. Təbii ki, müəyyən problemlər ola bilər, heç bir ölkənin ordusu bundan uzaq deyil”.

Azərbaycan Ordusunun mayın 18-dən 22-dək keçiriləcək genişmiqyaslı əməliyyat-taktiki təlimlərindən danışan deputat bunu şəxsi heyətin döyüş qabiliyyətinin artırılması kimi qiymətləndirib.

“Bütün təlimlər döyüş qabiliyyətini artırmağa hesablanıb. Təlimlər həm də əsgərin, gizirin, müddətdən artıq xidmət edən hərbi qulluqçuların, zabit heyətinin döyüş ruhunu artıraraq onları daha da səriştəli edir. Praktiki məşqlərdə bütün nöqsanlar, çatışmazlıqlar aşkarlanaraq aradan qaldırılır. Ordumuza alınan yeni hərbi texnikaların, silah-sursatın, döyüş vasitələrinin istismarı yoxlanılır və şəxsi heyətə daha mükəmməl öyrədilir. 

Təlim ordunu döyüşə hazırlamaq deməkdir. Azərbaycan Ordusu mütəmadi genişmiqyaslı təlimlər keçirir. Bu da döyüş taktikasını, döyüş ruhunu, ümumiyyətlə döyüş qabiliyyətini artırmaq üçün ən önəmli məsələdir”, - A.Abbas vurğulayıb.

Hərbi ekspert Ramil Məmmədli isə Azərbaycan Ordusunda islahatlarla bağlı köklü dəyişikliklərin 2005-ci ildən başlandığını, lakin 2013-2014-cü illərdən bu dəyişikliklərin başqa bir müstəviyə keçdiyini deyib.

O bildirib ki, bu dəyişikliklərin əsasında əsgər-zabit münasibətləri ilə bağlı yeniliklər dayanır: “2014-cü ilə kimi mətbuatda və cəmiyyətdə əsgər-zabit münasibətlərində bir çox narahatlıq və nizamnamədən kənar hadisələrin olmasına dair xəbərlər yer alırdısa, bu gün övladını hərbi xidmətə göndərən Azərbaycan vətəndaşı rahatdır. O bilir ki, oğlunun komandiri – zabiti ona öz övladı, qardaşı, dostu kimi yanaşacaq. Bu, birinci və vacib məsələdir. İslahatlarla bağlı növbəti məsələ maddi-texniki bazanın gücləndirilməsi ilə bağlıdır. 

Burada əsas yeri əsgərlərin yataqxanaların (kazarma) müasirləşdirilməsi, hərbi hissələrdə müasir tələblərə cavab verən işlərin görülməsi, zabit, gizir və müddətdən artıq xidmət edən hərbi qulluqcuların sosial vəziyyətinin yaxşılaşdırılması idi. Əvvəlcə onların maaşlarının artırılması məsələsi təmin olundu. Eyni zamanda onların mənzillərlə təminat məsələsi həll edildi. Bu gün də bu proses mərhələli formada davam edir. Xidmət müddətinə uyğun olaraq zabitlər və gizirlər evlərlə, torpaq sahələri ilə təmin olunurlar”.

Silah və hərbi texnika parklarının yenilənməsini islahatların davamı kimi qiymətləndirən hərbi ekspert bu sahədə köklü dəyişikliklərin olduğunu bildirib: “Hava hücumundan müdafiə sistemi yenidən quruldu, Hərbi Hava Qüvvələrinin texniki imkanlarının gücləndirilməsi üçün müasir təyyarələrin alınmasına başlanıldı. Bu proseslə Qərbin modern texnologiyalarının mənimsənilməsinə start verildi. Bu, bir neçə günə həll olan məsələ deyil, buna görə də islahatlar davamlı şəkildə aparılır. 

Quru Qoşunlarda Azərbaycan Ordusunun istifadəsində olan texnikalar yeniləndi, çoxlu sayda zirehli maşınlar alındı, artilleriya qurğuları, atıcı silahların yeniləşməsi prosesinə başlanıldı. Bununla yanaşı Azərbaycan Ordusunda təlimlərinin sayının artdığının şahidi olduq.

İslahatlara kadr dəyişiklikləri məsələsini də aid etmək olar. Uzun illər Müdafiə Nazirliyinin rəhbər strukturlarında vəzifə tutan şəxslər işdən uzaqlaşdırıldı. Onların yerinə daha gənc və perspektivli zabitlər gətirildi”. 

Ekspertin sözlərinə görə, təəssüf ki, bəzi şəxslər düşünmədən ordu ilə bağlı bəzi şayiələr yayırlar: "Bu da daim internet pusqusunda duran düşmənin işinə yarayır. Fəaliyyəti nə zamansa hərb ilə bağlı olan şəxslərin isə ordu ilə bağlı hər hansı neqativ açıqlamaları hərbçilər arasında ruh düşkünlüyü yarada bilər. Bu səbəbdən həm xidmət keçən, həm ehtiyatda olan hərbçilər öz bəyanat və açıqlamalarında maksimum diqqətli olmalıdırlar və gördüyü istənilən neqativ halla bağlı dövlətin müvafiq qurumlarına müraciət etməlidirlər". 

ŞƏRH YAZ
0

Güzəştli ipoteka kreditləri üçün əlavə 90 milyon manat ayrılacaq

Güzəştli ipoteka kreditləri üçün əlavə 90 milyon manat ayrılacaq
21:50
04.04.2020
3214
Analitika
A
Güzəştli ipoteka kreditləri üçün ayrılan vəsaitlərin həcmi artırılacaq.

"Ölkə.Az" xəbər verir ki, bu, Nazirlər Kabinetinin bu gün təsdiqlədiyi “Koronavirus (COVID-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların Azərbaycan Respublikasının iqtisadiyyatına, makroiqtisadi sabitliyə, ölkədə məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında” Azərbaycan Respublikası Prezidentinin 2020-ci il 19 mart tarixli 1950 nömrəli Sərəncamının 10.2-ci bəndinin icrası ilə bağlı Tədbirlər Planı”nda əksini tapıb. 

Sənədə əsasən, Maliyyə Nazirliyi aprel ayında güzəştli ipoteka kreditləri üçün ayrılan vəsaitlərin həcminin artırılması üçüq 90 milyon manat ayırlmasını təmin etməlidir.

Ölkə.Az

ŞƏRH YAZ
0
BAĞLA