Gimnastlarımız Minskdə medal qazandılar

Gimnastlarımız Minskdə medal qazandılar
19:15
20.08.2017
199
İdman
A
Belarusun paytaxtı Minskdə batut gimnastikası üzrə Dünya Kuboku keçirilib.

Gimnastika Federasiyasından Ölkə.Az-a verilən məlumata görə, Belarus paytaxtında "Açıq Slavyan Oyunları"nın ardından bu yarışa qatılan idmançılarımız gümüş medal qazanıblar.

Ölkəmizi təmsil edən qadın cütlüyümüz Svetlana Makştaryova və Veronika Zemlyanaya sinxron proqramlarını dəqiqliklə yerinə yetirərək, hakimlərdən yüksək xal almağı bacarıblar. Qızlarımız yalnız Belarus komandasından geri qalaraq, fəxri kürsünün ikinci pilləsində dayanıblar. Fərdi proqramda isə xanım gimnastlarımız final mərhələsinə adlaya bilməyib.
 
Sinxron proqramda çıxış edən növbəti təmsilçilərimiz Oleq Piunov və İlya Qrişunindən ibarət kişi cütlüyümüz olub. Batutçularımız final mərhələsinə adlamağı bacarsalar da, yekun mərhələdə öz hərəkətlərində səhvə yol verdikləri üçün, 4-cü yerlə kifayətlənməli olublar. Fərdi hərəkətlərdə isə İlya və Oleq ilə yanaşı, millimizin digər üzvü Ruslan Ağamirov da öz gücünü sınayıb. İdmançılarımızdan yalnız İlya final mərhələsində çıxış edərək, 7-ci yerdə qərar tutub. Oleq və Ruslan isə müvafiq olaraq 13-cü və 22-ci sırada yer alıblar.

ŞƏRH YAZ
0

İdmançılarımız qızıl medal qazandılar

İdmançılarımız qızıl medal qazandılar
18:18
21.07.2018
495
İdman
A
Rumıniyanın Kluj-Napoka şəhərində stolüstü tennis üzrə gənclər arasında Avropa Çempionatı keçirilir.

“Ölkə.Az” xəbər verir ki, 44 ölkədən 42 kişi və 39 qadın komandasının iştirak etdiyi çempionatda qızlardan ibarət Azərbaycan stolüstü tennisçiləri finalda Rusiya komandasına qalib gələrək qızıl medal qazanıb. Bu, Azərbaycan stolüstü tennis tarixində ən yüksək nəticədir.

Xatırladaq ki, 2017-ci il gənclərin Avropa çempionatında qızlardan ibarət yığmamız bürünc medal qazanıb.

Çempionat şəxsi yarışlarla davam edir.

 

 

ŞƏRH YAZ
0

Ramil Quliyev gümüş medal qazandı

Ramil Quliyev gümüş medal qazandı
09:44
21.07.2018
1056
İdman
A
Türkiyənin azərbaycanlı idmançısı, atlet Ramil Quliyev “Almaz Liqa” seriyasında bu mövsüm çıxış edib.

“Ölkə.Az” xəbər verir ki, seriya 14 mərhələdən ibarətdir və Ramil Quliyev 200 metrlik məsafədə kişilər arasında ikinci yeri tutub.

Monakoda keçirilən “Herculis Atletism” yarışlarında meydana çıxan Quliyev 19.99 dərəcəsi ilə ikinciliyi qazanıb. Birinci yeri isə amerikalı idmançı Nuh Layles əldə edib. O, 19.65 dərəcə göstərib. Üçüncü yeri isə ekvadorlu Aleks 20.03 dərəcə ilə əldə edib.

Hikmət Həsənov
Ölkə.Az

ŞƏRH YAZ
0
BAĞLA