Gömrük Komitəsinin Vergilər Nazirliyinə birləşdirilməsi xəbərinə Aydın Əliyevdən — CAVAB

Gömrük Komitəsinin Vergilər Nazirliyinə birləşdirilməsi xəbərinə Aydın Əliyevdən
11:13
19.01.2018
31115
Siyasət
A
Bu gün Ümumdünya Gömrük Təşkilatının Avropa Regional Ofisində Dövlət Gömrük Komitəsi rəhbərliyinin iştirakı ilə "2017-ci ilin yekunları və qarşıda duran vəzifələr" mövzusunda mətbuat konfransı keçirilir.

"Ölkə.Az" xəbər verir ki,  Dövlət Gömrük Komitəsinin sədri Aydın Əliyev rəhbərlik etdiyi qurumun Vergilər Nazirliyinə birləşdiriləcəyi ilə bağlı yayılan xəbər münasibət bildirib.

"Bir çox ölkələrdə, əsasən də Avropada Gömrük Komitələri Vergilər Nazirliyinin tərkibində fəaliyyət göstərir. Biz, xalqın və dövlətin əsgərləyirik. Harada desələr orada da fəaliyyətimizi davam etdirəcəyik".

A.Əliyev daha sonra bildirib ki, ötən il gömrük orqanları tərəfindən 1,2 milyon manatlıq qızıl, 1 milyon dollar valyuta ölkədə çıxarılmasının qarşısı alınıb.
 Onun sözlərinə görə, ötən il 2 tondan yuxarı çətənə kolu, 100 kiloqramdan da çox heroin müsadirə edilib: "Ümumilikdə 2,7 kiloqram qaçaqmalın ölkədən çıxarılması qarşısı alınıb".

 Onun sözlərinə görə, ötən il 10 nəfər Dövlət Gömrük Komitəsinin əməkdaşı barədə prokurorluq orqanlarına müraciət edilib: "Daha 7 nəfər barəsində DGK nəzdində fəaliyyət göstərən Komitənin daxilindəki İstintaq İdarəsində araşdırma aparılıb".

Aydın Əliyev ötən il Azərbaycanda iqtisadiyyatı üçün olduqca uğurlu olduğunu deyib. 

O bildirib ki, ötən il idxal 291 mln. manat artıb: “Bu, prezidentin tapşırığına uyğun olaraq həyata keçirilib. Müsbət haldır ki, ötən il müsbət saldo 5 milyard manatdan artıq olub. 2017-ci ildə 2 milyard 250 milyon manatlıq dövlət büdcə proqnozu artıqlaması ilə yerinə yetirilib və 2,8 milyard manat Dövlət Gömrük Komitəsi tərəfindən toplanaraq büdcəyə keçirilib”.

Odər Qəni

Ölkə.Az

ŞƏRH YAZ
2

DSK-ların tərkibində dəyişiklik edildi

DSK-ların tərkibində dəyişiklik edildi
23:45
17.02.2018
112
Siyasət
A
Bəzi dairə seçki komissiyalarının tərkibində dəyişiklik edilib.

"Ölkə.Az"ın məlumatına görə, qərar bu gün MSK-nın bu gün keçirilən iclasında qəbul edilib.

Qərarda bildirilir: "Azərbaycan Respublikasının Mərkəzi Seçki Komissiyası Azərbaycan Respublikası Seçki Məcəlləsinin 19.4-cü, 19.14-cü, 28.2-ci, 28.4-cü və 30-cu maddələrinə uyğun olaraq qərara alır:

Fəxrəddin Hümbət oğlu Namazov 30 saylı Suraxanı birinci, İlham Xudaş oğlu Abdulov 79 saylı İmişli seçki dairəsi dairə seçki komissiyasının həlledici səs hüquqlu üzvü təyin edilsinlər.”

Ölkə.Az

ŞƏRH YAZ
0

Elmar Məmmədyarov Yohannes Han ilə görüşdü

Elmar Məmmədyarov Yohannes Han ilə görüşdü
22:16
17.02.2018
200
Siyasət
A
Azərbaycanın xarici işlər naziri Elmar Məmmədyarov Münhen təhlükəsizlik konfransı çərçivəsində Avropa İttifaqının (Aİ) komissarı Yohannes Han ilə görüşüb.

"Ölkə.Az" xəbər verir ki, görüş zamanı Aİ ilə Azərbaycan arasında siyasi, iqtisadi, ticarət, nəqliyyat, enerji, humanitar və digər sahələrdə əməkdaşlıq məsələləri müzakirə olunub.

Elmar Məmmədyarov Azərbaycan Prezidenti İlham Əliyevin 2017-ci ilin fevral ayında Brüsselə səfərini xatırladaraq, bu səfərin Azərbaycan və Aİ arasındakı əməkdaşlığın inkişaf etdirilməsi baxımdan xüsusi əhəmiyyət daşıdığını bildirib. Nazir Azərbaycanın Avropa İttifaqının Şərq Tərəfdaşlığı Sammitində bütün tərəfdaş dövlətlərin, o cümlədən Azərbaycanın vahid prinsiplər əsasında beynəlxalq səviyyədə tanınmış sərhədləri daxilində ərazi bütövlüyü və suverenliyinə ifadə olunan dəstəyin təqdir olunduğunu deyib. Elmar Məmmədyarov həmsöhbətə bu ilin 11 aprel tarixində konstitusiyaya uyğun olaraq ölkəmizdə növbədənkənar prezident seçkilərinin keçiriləcəyi barədə məlumat verib.

Görüşdə Azərbaycan və Aİ arasında tərəfdaşlığa dair Saziş layihəsi üzrə aparılan danışıqlara toxunulub.

Tərəflər enerji sahəsində əməkdaşlıq məsələlərinə dair fikir mübadiləsi aparıblar və Bakıda 15 fevralda Cənub Qaz Dəhlizi Məşvərət Şurasının IV nazirlər iclasının uğurla keçdiyini vurğulayıblar. Uzlaşma (connectivity) və nəqliyyat sahəsində əməkdaşlıq çərçivəsində Bakı-Tbilisi-Qars dəmir-yolu və Şərq-Qərb nəqliyyat dəhlizinin əhəmiyyəti vurğulanıb. Enerji məsələləri ilə bərabər təhlükəsizlik və nəqliyyat sahələrində də Aİ ilə Azərbaycan arasında dialoq mexanizminin yaradılması müsbət addım kimi qiymətləndirilib.

Nazir Elmar Məmmədyarov həmsöhbətə Ermənistan-Azərbaycan, Dağlıq Qarabağ münaqişəsinin həlli üzrə cari danışıqlar barədə məlumat verərək işğala əsaslanan mövcud status-kvonun dəyişdirilməsi və münaqişənin siyasi həllində irəliləyişə nail olmaq üçün BMT Təhlükəsizlik Şurasının müvafiq qətnamələrinin tələblərinə uyğun olaraq Ermənistan qoşunlarının Azərbaycanın işğal olunmuş ərazilərindən çıxarılmalı olduğunu diqqətə çatdırıb.

Görüşdə qarşılıqlı maraq doğuran regional məsələlər ətrafında fikir mübadiləsi aparılıb.

Ölkə.Az

ŞƏRH YAZ
0
BAĞLA