“Google Map”də qısa yol axtardı, arvadının xəyanətini xəritədən öyrəndi
Perunun paytaxtı Limada qəribə hadisə baş verib.
“Ölkə.Az” xəbər verir ki, yerli sakinlərdən biri körpüyə gedən qısa yolu axtararkən şoka düşüb. O, “Google Map”də yol axtararkən arvadının ona xəyanət etdiyi anlara şahid olub.
Qısa yolu Lima küçələrində xəritədə axtaran şəxs birdən bir qadın və kişinin səmimi görüntüləri ilə rastlaşıb. Skamyada əyləşən qadını və onun dizlərinə uzanan kişini görən şəxs şoka düşüb. Çünki qadının onun həyat yoldaşı idi.
Fotonun 2013-cü ildə çəkildiyini araşdıran şəxs fotodakı qadının geyimini və üzünü incələyib və yanılmadığını anlayıb. Bununla da arvadının ona xəyanət etdiyini başa düşüb. Bu faktlar üzə çıxdıqdan sonra cütlük boşanıb.
Hikmət Həsənov
Ölkə.Az
