Göy cisminin çırpılmasından sonra yaranan YENİ DÜNYA

''Ölkə.Az'' xəbər verir ki, 66 milyon il əvvəl 15 kilometr böyüklüyündə göy cisminin Meksikanın Yukatan yarımadasına çırpıldığına və dinozavrların yox olduğuna inanılır. Deyilənə görə həmin göy cismi milyonlarla ton qayalığı əridib, maye halına gətirərək böyük sunamiyə səbəb olub. Həmin təbii fəlakətdən sonra yaranmış su çuxurlarının bəzisi çökmüş, bəzisi isə aşınmaya məruz qalmışdır. ''Cenote'' adı verilən həmin su çuxurları Mayalıların insan qurban verdikləri bölgə olaraq da tarixə düşüb. Mayalılar dərin su çuxurlarının yağış tanrısı və digər tanrılarla əlaqə saxlamaq üçün keçid qapılar olduğuna inanıblar. Hazırda ''Obruk'' ya da ''Cenote'' adı verilən su çuxurları yerli əhalinin içməli su ehtiyatını təmin edir. Hər il minlərlə turist zümrüd rəngli sularda üzmək üçün Yukatan yarımadasına üz tuturlar.

Ölkə.Az