Göyçayda avtomobil kanala düşdü — keçmiş rəis dünyasını dəyişdi

Göyçayda avtomobil kanala düşdü
09:14
19.04.2017
71
Hadisə
A
Göyçay rayonunda ölümlə nəticələnən avtomobil qəzası baş verib.

"Ölkə.Az" APA-ya istinadən xəbər verir ki, hadisə ötən gecə saat 1:00 radələrində Göyçay-Ucar avtomobil yolunda qeydə alınıb. Rayonun Çayarxı kənd sakini, 1979-cu il təvəllüdlü Məmmədov Xəyal Xanlar oğlu özünə məxsus “Toyota Camry” markalı minik avtomobil ilə hərəkətdə olarkən idarəetməni itirib və avtomobil yoldan çıxaraq su kanalına düşüb. Hadisə zamanı Xəyal Məmmədov aldığı ağır xəsarətlər səbəbindən hadisə yerində dünyasını dəyişib.

Qeyd edək ki, polis kapitanı Xəyal Məmmədov bir neçə il idi ki, Göyçay rayon Polis Şöbəsinin Pasport Qeydiyyat Şöbəsinin rəisi vəzifəsində çalışırdı və bir ay öncə işdən çıxarılmışdı.

Faktla bağlı Göyçay rayon Polis Şöbəsi tərəfindən araşdırma aparılır.

Ölkə.Az

ŞƏRH YAZ
0

Mingəçevirdə yanğın: Beş nəfər zəhərləndi

Mingəçevirdə yanğın: Beş nəfər zəhərləndi
23:52
11.12.2017
178
Hadisə
A
Mingəçevir – Xaldan şossesi üzərində yerləşən 1-ci qaçqın və məcburi köçkün şəhərciyində yanğın baş verib.

Ölkə.Az Report-a istinadən xəbər verir ki, yanğın 8 saylı doqquzmərtəbəli binanın 3-cü blokunun 6-cı mərtəbəsində liftdə baş verən qısaqapanmadan başlayıb.

Əraziyə Fövqəladə Hallar Nazirliyinin bir neçə yanğınsöndürmə briqadası cəlb olunub. Yanğın söndürülüb.

İlkin məlumata görə, hadisə zamanı 5 nəfər tüstüdən zəhərlənərək xəstəxanaya yerləşdirilib.

ŞƏRH YAZ
0

Şamaxıda torpaq sürüşməsi — Evlər qəzalı vəziyyətə düşdü

Şamaxıda torpaq sürüşməsi
18:46
11.12.2017
1398
Hadisə
A
Şamaxı rayonunda torpaq sürüşməsi baş verib.

"Ölkə.Az" "Report"-a istinadən xəbər verir ki, bir neçə gündür davam edən yağıntılar səbəbindən rayonun 48 məhəllə adlanan ərazisində böyük torpaq axını qeydə alınıb.

Bu gün səhər saatlarında baş verən torpaq sürüşməsi bir evin sanitar qovşağının, həyətdəki tikililərin və 7 metrlik hasarın uçmasına səbəb olub.

Ümumiyyətlə, son bir həftə ərzində sözügedən ərazidə hektarlarla torpaq sahəsi sürüşməyə məruz qalıb. Ətrafda yerləşən 5 ev qəzalı vəziyyətə düşüb və artıq bir evin sakini köçüb. İki evin hasarı və kiçik tikililərdə çatlar yaranıb. Dağıntı qeydə alınan evlərin sakinləri gecəni qohumlarının evində keçirmək məcburiyyətində qalıblar. Sürüşməyə səbəb olan qrunt suları isə evlərin zirzəmilərinə dolub. 

Artıq sürüşmənin vurduğu ziyanla bağlı lazımi qurumlara məlumat verilib. Şamaxı Rayon İcra Hakimiyyətindən "Report"un yerli bürosuna bildirilib ki, RİH-in Memarlıq və Tikinti şöbəsinin mütəxəssisləri əraziyə baxış keçrib: "Qəzalı vəziyyətə düşən evlər aktlaşdırılıb. Sənədlər bir neçə gündən sonra müvafiq nazirliklərə göndəriləcək".

ŞƏRH YAZ
0
BAĞLA