Göyçayda avtomobil kanala düşdü — keçmiş rəis dünyasını dəyişdi

Göyçayda avtomobil kanala düşdü
09:14
19.04.2017
522
Hadisə
A
Göyçay rayonunda ölümlə nəticələnən avtomobil qəzası baş verib.

"Ölkə.Az" APA-ya istinadən xəbər verir ki, hadisə ötən gecə saat 1:00 radələrində Göyçay-Ucar avtomobil yolunda qeydə alınıb. Rayonun Çayarxı kənd sakini, 1979-cu il təvəllüdlü Məmmədov Xəyal Xanlar oğlu özünə məxsus “Toyota Camry” markalı minik avtomobil ilə hərəkətdə olarkən idarəetməni itirib və avtomobil yoldan çıxaraq su kanalına düşüb. Hadisə zamanı Xəyal Məmmədov aldığı ağır xəsarətlər səbəbindən hadisə yerində dünyasını dəyişib.

Qeyd edək ki, polis kapitanı Xəyal Məmmədov bir neçə il idi ki, Göyçay rayon Polis Şöbəsinin Pasport Qeydiyyat Şöbəsinin rəisi vəzifəsində çalışırdı və bir ay öncə işdən çıxarılmışdı.

Faktla bağlı Göyçay rayon Polis Şöbəsi tərəfindən araşdırma aparılır.

Ölkə.Az

ŞƏRH YAZ
0

Azərbaycanda 24 yaşlı qızın boğazını niyə kəsdilər?

Azərbaycanda 24 yaşlı qızın boğazını niyə kəsdilər?
18:53
Bu gün
1453
Hadisə
A
Hacıqabul rayonunun Muğan qəsəbəsində törədilmiş dəhşəti qətl hadisəsi ilə bağlı yeni faktlar üzə çıxıb.

"Ölkə.Az" Lent.az-a istinadən xəbər verir ki, 1994-cü il təvəllüdlü İsmayılzadə Ayəddin Elman oğlu qətlə yetirdiyi xalası qızı – 24 yaşlı Məlikli Rəvanə Məlikağa qızı ilə nişanlanmağa hazırlaşırmış.

İlkin araşdırmalar zamanı məlum olub ki, A.İsmayılzadənin böyük qardaşı Rəvanənin bacısı ilə ailə həyatı qurub. Bu yaxınlarda isə o, gəlinlərinin bacısı, yəni xalasının kiçik qızı ilə nişanlanacaqmış. Rəvanə ilə Ayəddin arasında sevgi münasibətinin olduğu bir çoxlarına məlum imiş.

Xalası qızının boğazını kəsdikdən sonra bıçağı onun sinəsinə sancaraq polis şöbəsinə gedən gənc oğlan qətli qısqanclıq zəminində törətdiyini deyib. Lakin o, şok vəziyyətində olduğundan məntiqli və konkret səbəb göstərə bilməyib.

O da məlum olub ki, sevgilisi olan xalası oğlu trəfindən öldürülən 24 yaşlı Rəvanə dindar imiş və bu yaxınlarda İranda Məşhəd ziyarətində olub.

Faktla bağlı araşdırmalar davam etdirilir.

Ölkə.Az

ŞƏRH YAZ
0

5 hektar biçilməmiş taxıl sahəsi yandı

5 hektar biçilməmiş taxıl sahəsi yandı
18:38
Bu gün
705
Hadisə
A
Bu gün Xaçmaz rayonunun Qarabağlı kəndində 5 ha biçilməmiş taxıl sahəsi və 3 ha biçilmiş taxıl sahəsi yanıb.

"Ölkə.Az"ın Fövqəladə Hallar Nazirliyinin saytına istinadən verdiyi məlumata görə, yaxınlıqdakı biçilməmiş taxıl sahələri və tikililər yanğından mühafizə olunub.

Yanğın yanğın bölmələri tərəfindən söndürülüb.

Ölkə.Az

ŞƏRH YAZ
0
BAĞLA