“Ölkə.Az” xəbər verir ki, hadisə şəhərin mərkəzi hissəsində baş verib.

Ucar rayon sakini, 2012-ci il təvəllüdlü Abdullayev Saqil Anar oğlu şəhər ərazisində naməlum avtomobillə vurulub.

Yaralı Göyçay rayon Mərkəzi Xəstəxanasının reanimasiya şöbəsinə yerləşdirilib.

Faktla bağlı araşdırma aparılır.

Ölkə.Az

"Ölkə.Az" xəbər verir ki, təqsirləndirilən şəxsin müraciəti ilə bağlı məhkəmə baxış iclası iyun ayının 4-də hakim Fərhad Kərimovun sədrliyi ilə keçiriləcək.

Qeyd edək ki, hadisə 2017-ci ilin aprel ayında Cəlilabad rayonunda qeydə alınıb. 

Rayon sakini Əli Əliyev həmyerlisi Nemət Aslanovu çoxsaylı bıçaq zərbələri ilə qətlə yetirib. İlkin ehtimala görə, hadisə namus üstündə baş verib. Əli Əliyev qətli törətdikdən sonra könüllü polisə gələrək təslim olub.

Faktla bağlı təqsirləndirilən Əli Əliyev Cinayət Məcəlləsinin 120.1-ci (qəsdən adam öldürmə) maddəsi ilə ittiham olunub.

Natiq Allahverdiyev
Ölkə.Az

"Ölkə.Az" xəbər verir ki, piyada yolla İran İslam Respublikasından gələn Azərbaycan vətəndaşı Astara gömrük postunda saxlanılıb və üzərində şəxsi yoxlama aparılıb. Şəxsi yoxlama zamanı vətəndaşın üzərində qanunla qadağan olunan hər hansı predmet aşkarlanmasada, daxili orqanlarının tibbi müayinədən keçirilməsi zərurəti yaranıb. Astara Rayon Mərkəzi Xəstəxanasına aparılan tibbi müayinə nəticəsində vətəndaşın düz bağırsağından, şəffaf sellofana bükülü 4 ədəd bağlamada 112 qram təşkil edən açıq qəhvəyi rəngli narkotik vasitə - heroin, çəkisi 11 qram təşkil edən psixotrop maddə - metamfetamin və 28 ədəd açıq qəhvəyi rəngli, üzərində "F/M40" nişanəsi olan "metadon" adlı dərman preparatı aşkarlanıb.

Xatırladaq ki, metamfetamin "Azərbaycan Respublikasının ərazisində dövriyyəsi qadağan edilən psixotrop maddələrin"in I Siyahısına, metadon isə "Azərbaycan Respublikasının ərazisində dövriyyəsi məhdudlaşdırılan narkotik vasitələrin"in II Siyahısına daxildir.

Faktla bağlı araşdırma aparılır.

Natiq Allahverdiyev
Ölkə.Az