Göyçayda 15 yaşlı yeniyetmə həmyerlisini bıçaqladı

"Ölkə.Az" xəbər verir ki, cinayət işinin materialları baxılması üçün Şəki Ağır Cinayərlər Məhkəməsinə göndərilib.

Cinayət işi hakim Rəşid Hüseynovun icraatına verilib.

Qeyd edək ki, hadisə bu il avqustun 26-da Göyçay şəhəri, Nizami küçəsi 83 nömrəli evin qarşısında qeydə alınıb.

Rayon sakini, 2004-cü il təvəllüdlü İsmayıllı Sabir Vüqar oğlu bıçaqla həmyerlisi, 2003-cü il təvəllüdlü Şamilov Nihat Sərdar oğluna ağır bədən xəsarətləri yetirib.

Hadisə yerindən qaçan Sabir İsmayıllı polis əməkdaşları tərəfindən keçirilən əməliyyat-axtarış tədbirləri nəticəsində saxlanılaraq məsuliyyətə cəlb edilib.

Ona Cinayət Məcəlləsinin 126.1-ci (qəsdən sağlamlığa ağır cəsarət yetirmə) maddəsi ilə ittiham verilib.

İlkin məlumatda insidentin qısqanclıq zəminində yarandığı bildirilir. 

Natiq Allahverdiyev
Ölkə.Az