Göygöldə piyadanı maşın vurdu
Piyada xəstəxanaya aparılarkən yolda dünyasını dəyişib.
“Ölkə.Az”ın məlumatına əsasən, hadisə Bakı-Qazax magistral yolunun Göygöl rayonu Balçılı kəndi ərazisindən keçən hissəsində qeydə alınıb. Hərəkətdə olan “UAZ” markalı avtomobil yolu keçmək istəyən piyadanı vurub.
Bu zaman hərəkətdə olan “KAMaz” da “UAZ”a çırpılıb. Ağır bədən xəsarətləri alan, yaşı təxminən 60-65 olan piyada xəstəxanaya aparılan zaman yolda ölüb. Dünyasını dəyişən piyadanın kimliyi araşdırılır.
Natiq Allahverdiyev
Ölkə.Az
