Göygöldə son tunc-ilk dəmir dövrünə aid yeni nümunələr aşkarlanıb

Göygöldə son tunc-ilk dəmir dövrünə aid yeni nümunələr aşkarlanıb
20:15
10.09.2018
11530
Mədəniyyət
A
AMEA Arxeologiya və Etnoqrafiya İnstitutunun Göygöl rayonunda apardığı arxeoloji qazıntı və çöl-tədqiqat işləri zamanı son tunc - ilk dəmir dövrünə aid yeni maddi-mədəniyyət nümunələri aşkarlanıb.

İnstitutdan "Ölkə.Az"a verilən məlumata görə, Gəncə-Göygöl arxeoloji ekspedisiyası Göygöl rayonunda arxeoloji qazıntı və çöl-tədqiqat işləri aparıb. Əsas arxeoloji qazıntı işləri Göygöl rayonunun Quşqara bələdiyyəsinin ərazisində, Gəncə şəhərinin Heydər Əliyev parkına yaxın ərazidə, Gəncə-Şəmkir yolunun sağında, Quru Qobunun sol tərəfində, Quşqara bələdiyyəsinin ərazisində yerləşən kurqan tipli qəbirlərdə aparılıb. Arxeoloji qazıntı işlərinə Göygöl rayon İcra Hakimiyyəti tərəfindən müvafiq köməklik göstərilib.

Arxeoloji qazıntıların nəticələri göstərib ki, əslində kurqan kimi təqdim edilən abidələr sadəcə kurqan tipli qəbirlər olub, Azərbaycanın son tunc dövrü köçəri tayfalarının adət-ənənələrini və həyat tərzini əks etdirir.

Kurqan tipli qəbirlərin üstü çay daşı ilə örtülüb. Daşların arasına möhkəmlik yaratmaq və suyun kameraya dolmasının qarşısını almaq məqsədilə ağ torpaq, əhəng qatı verilib. Qəbirlərin üzərindəki daş yığını və torpağın bir hissəsi ətrafda olan istixanalardan gətirilən qalıqlardan və əkin sahələrindən toplanılan daşlardan ibarətdir. Kurqan tipli qəbirlərdən yalnız ikisində skelet qalıqlarına və son tunc - ilk dəmir dövrünə aid saxsı qabların hissələrinə rast gəlinib.

Ekspedisiya tərəfindən cari mövsümdə həm də ətraf ərazilərdə arxeoloji kəşfiyyat işləri aparılıb. Rayonun Yeni Göyçə kəndindəki alban məbədində aparılan arxeoloji tədqiqatlar məbədin IV-V əsrlərdə tikildiyini, lakin XIX əsrdə abidədə yenidən bərpa işləri aparıldığını söyləməyə əsas verir. Məbədin tavanına saxsı qabların doldurulması akustikanın yüksəldilməsinə xidmət edib. Qablar divarların arasında üzü aşağıya doğru yerləşdirilib.

Göygöl rayonunda arxeoloji tədqiqat işlərinin davam etdirilməsi nəzərdə tutulur.

Ölkə.Az

ŞƏRH YAZ
0

Cəfər Cabbarlının bu vaxtadək naməlum qalan romanı nəşr olunacaq

Cəfər Cabbarlının bu vaxtadək naməlum qalan romanı nəşr olunacaq
22:07
14.02.2019
1512
Mədəniyyət
A
Azərbaycan Respublikasının Prezidenti İlham Əliyevin görkəmli dramaturq Cəfər Cabbarlının anadan olmasının 120 illiyinin qeyd edilməsi haqqında 17 dekabr 2018-ci il tarixli Sərəncamına əsasən Milli Elmlər Akademiyasında bir çox tədbirlərin həyata keçirilməsi üçün ciddi hazırlıq işləri aparılır.

"Ölkә.Az" trend-ә istinadәn bildirir ki, bunu Milli Elmlər Akademiyasının vitse-prezidenti, akademik İsa Həbibbəyli deyib.

İ.Həbibbəyli bildirib ki, bu münasibətlə Akademiyanın Humanitar və İctimai Elmlər Bölmələrinin əhatə etdiyi elmi-tədqiqat institutları Cəfər Cabbarlının ev muzeyi ilə birlikdə respublika miqyasında elmi konfrans keçirəcəkdir: "Konfransda elmi məruzələrdən başqa, Cəfər Cabbarlıya həsr edilmiş film səsləndiriləcək, onun həyatı və yaradıcılığını əks etdirən sərgi nümayiş etdiriləcəkdir. Milli Elmlər Akademiyasının Nizami Gəncəvi adına Ədəbiyyat və Nəsimi adına Dilçilik, Memarlıq və İncəsənət, Fəlsəfə və Tarix institutlarında, Milli Azərbaycan Ədəbiyyatı Muzeyində, Hüseyn Cavidin ev muzeyində də elmi konfranslar və elmi sessiyalar, sərgilər təşkil olunacaq".

 

Akademik bundan başqa, Cəfər Cabbarlının bu vaxtadək naməlum qalan “Kazım bəy” adlı romanı və məktubları ilk dəfə kitab halında nəşr ediləcəyini də vurğulayıb.

Qeyd edək ki, bu əsərləri filologiya elmləri doktoru, professor Asif Rüstəmli aşkar edib.

Əlyazmalar İnstitutunda isə Cəfər Cabbarlının şəxsi arxivi rəqəmsallaşdırılır. Böyük yazıçının şəxsi arxivində 2 mindən çox sənəd vardır. Milli Elmlər Akademiyasının alimləri ölkə miqyasında keçiriləcək tədbirlərdə də yaxından iştirak edəcəklər.

Ölkә.Az

ŞƏRH YAZ
0

Xalq artisti vəfat etdi

Xalq artisti vəfat etdi
17:37
14.02.2019
1881
Mədəniyyət
A
Moskvada Rusiyanın xalq artisti, məşhur estrada müğənnisi Sergey Zaxarov vəfat edib.

“Ölkə.Az” xəbər verir ki, 68 yaşlı müğənni ürək çatışmazlığından dünyasını dəyişib.

Onunla vida mərasimi və dəfnin harada keçiriləcəyi barədə dəqiq məlumat yoxdur.

Sovet estradasının məşhur ulduzu Zaxarov 1974-cü ildə Bolqariyada keçirilən müsabiqədə qalib gəlib. 1975-ci ildə isə Leonid Kvinixidzenin “Səma qaranquşları” filminə çəkilib. Bu rol ona şöhrət gətirib.

43 ölkədə qastrol səfərində olub.

Hikmət Həsənov
Ölkə.Az

ŞƏRH YAZ
0
BAĞLA