Gözünüzdəki bu problem xərçəngin əlamətidir! — XƏBƏRDARLIQ

Gözünüzdəki bu problem xərçəngin əlamətidir!
01:30
19.03.2019
5108
Maraqlı
A
İnsanın gözlərinə baxaraq, onun haqda çox söz söyləmək olar. Gözlər insanın yalnız daxili aləmindən yox, həm də sağlamlığından xəbər verir. Gözdə yaranmış problemlər insanın, hətta ağlına belə gəlməyən bir çox xəstəliklərin əlaməti ola bilər.

"Ölkə.Az" medicina.az-a istinadən bu əlamətlərdən bir neçəsinin səbəbini açıqlayır: 

1. İtdirsəyi 

Yəqin ki, hər birinizin gözlərində nə vaxtsa itdirsəyi çıxıb. Çox ağrılı olmasına baxmayaraq, adətən bir neçə gündən sonra öz-özünə itib gedir. Əgər 3 ay müddətində itdirsəyi çəkilib getmirsə, o zaman bu piy vəzilərinin bədxassəli şişi kimi nadir bir xərçəng növü ola bilər. 

2. Qaşların tökülməsi 

Saçların tökülməsinin səbəbləri müxtəlifdir. Əgər qaşlar tökülərsə, bu qalxanabənzər vəzin işində ciddi problemlərin olmasından xəbər verir. 

3. Bulanıq görmə 

Əgər siz kompüterdən tez-tez istifadə edirsinizsə, o zaman gözlərinizdə yanma və ya bulanıq görmə müşahidə edə bilərsiniz. Əgər ekrana baxarkən görüntü qeyri-dəqiqdirsə, deməli, sizdə "kompüter görməsi" sindromu yaranıb. 
Gələcəkdə bu sizə narahatlıq yaradacaq. Buna görə də yaxşı olardı ki, təxirə salmadan həkimə müraciət edəsiniz. 

4. Kor ləkə 

Görmə əhatəsində olan kiçicik kor ləkənin səbəbi var.  Əgər bu ləkə yanıb-sönən işıq və dalğavari xətlərlə müşahidə edilərsə, o zaman bu, miqrenin əlamətidir. Kor ləkənin əmələ gəlməsi baş ağrısı ilə də müşahidə edilir. 

5. Bərəlmiş gözlər

Bu əlamət qalxanabənzər vəzin problemindən xəbər verir. Onun əsas səbəbi bu vəzin həddən artıq aktivliyi, yəni hipertireozdur. 

6. Göz ağının saralması 

Bu hal sarılıq kimi tanınır. Əsas səbəbi qaraciyər və öd kisəsi problemləridir. 

7. Dumanlı görmə 

Şəkərli diabetdən əziyyət çəkən insanlar, göz xəstəliklərinə daha çox məruz qalırlar. Diabet xəstələrində ən çox yayılan göz problemi diabetik retinopatiyadır. Bu xəstəlik gözlərin qan-damar sisteminə təsir edir.  Bu səbəbdən bəzi şəkər xəstələrində hətta korluq da yaranır.

Ölkə.Az

ŞƏRH YAZ
0

Qışın ətək dəbinə "nostalji səyahət" — FOTO

Qışın ətək dəbinə
06:22
Bu gün
215
Maraqlı
A
Soyuq havalarda şalvardan savayı heç nə geyinmək istəmirsinizsə, mövsümün yubka trendləri ilə tanış olmağa dəyər. Bizi maraqlı və göz oxşayan dəb cərəyanları ilə təəccübləndirməyə davam edən, ildırım sürəti ilə dəyişən dəb dünyası 2020-ci ilin qış tendensiyalarında da öz gücünü nümayiş etdirib.

"Ölkə.Az" publika.az-a istinadәn xəbər verir ki, bu mövsümün moda trendlərinə "nostalji səyahət" deyə bilərik! Yalnız 70 və 80-ci illərin deyil, keçmişin bir çox klassik dəb tendensiyaları yenidən yenilənir. Dizaynerlər qış mövsümündə maksi və midi fasonlardan tutmuş mini yubkalara qədər bir çox çeşid təklif edir. Tünd və torpaq tonları xüsusilə seçilir, lakin məftunedici rənglərin sehrli təsirini unutmaq olmaz.

Təmtəraqlı ətəklər

Retro dəbin naxış və lələk elementləri yubkalarda özünü göstərəcək. Axşam dəbdəbəsi və romantikasını gündəlik stilə qata biləcəyiniz maraqlı kombinələrə hazır olun. Diqqəti üzərinizə toplayan təmtəraqlı ətəkləri gündüzlər də rahatlıqla istifadə etmək mümkün olacaq.

Dəri yubkalar

Üsyankar stil yaratmaq üçün dəri yubkaların midi və mini versiyaları idealdır. Qələm fasonlar ofis, mini modellər isə ziyafət və tədbirlər üçün idealdır.

Qısa yubkalar

70-80-ci illərin moda trendlərinin geri dönüşü yubkalarda da özünü göstərir. Xüsusi ilə bel hissəsi düz, aşağı hissəsi qırçın və volanı olan yubkalar ayaqların gözəlliyini ön plana çıxaracaq. Xüsusi qeyd etmək lazımdır ki, qısa ətəklər mövsümün digər rəngli və işləməli kolqotqa tendensiyası ilə mükəmməl tandem yaradır. Kolqotqalar sayəsində əyləncəli dəstlər yarada bilərsiniz.

Məktəbli yubkası

Dama-dama yubkalar məktəb illəri ilə bağlı xatirələrə və həsrətə son qoyacaq. Məktəb illərində bəlkə də nifrət etdiyiniz modellər mövsümün trendidir. Onların həm qırçınlı, qələm, həm də anvelop fasonları eyni dərəcədə aktualdır.

Trikotaj dəbi

Trikotaj yubkalardan yan keçmək mümkün olmayacaq, dəbdə olmaqdan əlavə, qalın material sizi üşüməyə qoymayacaq. Dəbli bej yubkaların qəhvəyi uzunboğaz çəkmələrlə ideal vəhdəti sayəsində hər kəsi özünüzə heyran qoya biləcəksiniz.

Güllü yubkalar

Güllü parçalar öz hakimiyyətini qışda da davam etdirir. Güllü donlarla yanaşı, yubkalar da olduqca aktualdır. Lakin yaydan fərqli olaraq güllərin al-əlvan versiyaları deyil, daha solğun və tutqun olmasına diqqət edin. Floral naxışları bol kəsimli sviterlə uyğunlaşdırıb stilinizə romantika qatın.

Qırçınlı yubkalar

Klassik qırçınlı yubkaları dizaynerləri hər il fərqli formalarda təqdim edir. Bu mövsüm qarşımıza çıxan qeyri-simmetrik və anvelop variantlar qışın darıxdırıcı havasını uzaqlaşdıraraq obraza dinamik görüntü bəxş edir. Belə ətəkləri uzunboğaz çəkmələrlə birləşdirib gözlənilməz kombinələrlə fərdiliyinizi nümayiş etdirmək imkanınız olduqca genişdir.

ŞƏRH YAZ
0

Divara yapışdırılmış banan 120 minə satıldı — FOTO

Divara yapışdırılmış banan 120 minə satıldı
04:07
Bu gün
364
Maraqlı
A
İtalyan rəssam Mauritsio Katelanın "Art Basel Miami Beach"də quruluş verdiyi "divara yapışdırılmış banan" əsərləri hərracda 120 min dollara satılıb.

"Ölkə.Az" "qafqazinfo"ya istinadən xəbər verir ki, "Komediant" adlı əsər iki nüsxədə təqdim olunub. 120 min dollar məbləğ onların hər biri üçün ayrı-ayrılıqda verilib. Üçüncü bananın qiyməti isə 150 min dollaradək yüksəlib. "Banan çox məna verir - bu, beynəlxalq ticarətin, ikifikirliliyin və yumorun klassik alətidir", - deyə əsər haqqında bildirilib.

Xatırladaq ki, Katelan daha əvvəl "qızıl unitaz" işini təqdim etmiş, ancaq həmin əsər ekspozisiyadan oğurlanmışdı.

ŞƏRH YAZ
0
BAĞLA