Güclü külək ağacı avtomobilin üzərinə aşırdı — VİDEO

Güclü külək ağacı avtomobilin üzərinə aşırdı
19:16
17.06.2017
91
Hadisə
A
Mingəçevir şəhəri, Nizami küçəsi 21 ünvanında xoşagəlməz hadisə baş verib.

"Ölkə.Az" ARB TV-yə istinadən xəbər verir ki, şəhər sakini Rəvan Əliyev avtomobili ilə adıçəkilən ərazidən keçərkən, kökündən qopan nəhəng ağac avtomobilin üzərinə aşıb.

Nəticədə sürücü deformasiyaya uğrayan avtomobilin içində qalıb. Ətrafdakılar dərhal köməksiz qalan 30 yaşlı şəhər sakinini yararsız vəziyyətdə olan avtomobildən çıxarıblar. Müxtəlif bədən xəsarətləri alan yaralı xəstəxanaya yerləşdirilib. Baş verənlərə səbəb isə qəfil qopan külək olub.

Adıçəkilən ünvanda yaşayan sakinlərin sözlərinə görə, belə hadisələr ərazidə tez-tez təkrarlanır. Binaların yaxınlığında ömrünü başa vuran irigövdəli ağaclar çoxluq təşkil edir. Külək əsən zaman isə onlar tab gətirmədən aşaraq müəyyən problemlərə yol açırlar.

ŞƏRH YAZ
0

Bakıda orta yaşlı kişi bıçaqlanıb

Bakıda orta yaşlı kişi bıçaqlanıb
01:30
Bu gün
380
Hadisə
A
Bakıda bıçaqlanma hadisəsi baş verib.

"Ölkə.Az" "Report"a istinadən xəbər verir ki, hadisə Sabunçu rayonunda qeydə alınıb.

Zabrat qəsəbəsindəki "Madera" mebel evinin arxasında 1987-ci il təvəllüdlü Mirzəyev Ramin Azad oğlu tanıdığı şəxslə əlbəyaxa dava edib. Nəticədə onun qarnının ön divarına iki bıçaq zərbəsi vurulub. Yaralı 3 saylı Kliniki Tibbi Mərkəzə yerləşdirilib.

Faktla bağlı Sabunçu Rayon Polis İdarəsində araşdırma aparılır.

Ölkə.Az

ŞƏRH YAZ
0

Lənkəranda evdə partlayış olub — Xəsarət alan var

Lənkəranda evdə partlayış olub
00:23
Bu gün
698
Hadisə
A
Lənkəranda evdə partlayış olub.

"Ölkə.Az" "Report"a istinadən xəbər verir ki, hadisə Xolmili kəndində baş verib.

Hadisəyə hamam otağında su qızdırıcısı ilə ehtiyatsız davranma səbəb olub. Partlayış nəticəsində ev sahibi, 57 yaşlı Bağırov Sübhan Baloğlan oğlu bütün bədən səthinin 2-ci dərəcəli termik yanığı diaqnozu ilə Lənkəran Rayon Mərkəzi Xəstəxanasına çatdırılıb. 

Ağır yanıq xəsarəti alan yaralının vəziyyəti ağır olduğundan o, reanimasiya şöbəsinə yerləşdirilib.

Ölkə.Az

ŞƏRH YAZ
0
BAĞLA