Güclü külək Gədəbəy və Daşkəsəndə elektrik dayaqlarını aşırıb
Bu gün günorta saatlarından başlayan güclü külək Gədəbəy və Daşkəsən rayonlarında elektrik təsərrüfatına ciddi ziyan vurub.
"Ölkə.Az" " Report"a istinadən xəbər verir ki, "Azərişıq" ASC-nin mətbuat xidmətinin rəhbəri Tanrıverdi Mustafayevin verdiyi məlumata görə, hər iki rayonun bir sıra kəndlərində elektrik enerjisinin verilişi dayandırılıb.
"Güclü külək evlərin fasadlarını yerli şəbəkələrdə bərpa işləri aparan "Azərişığ"ın qaldırıcı kran maşınlarının uzərinə aşırıb. Külək elektrik dayaqlarını aşırıb. Elektrik verilişi xətlərini zədələyib" - deyə ASC rəsmisi qeyd edib.
T. Mustafayev bildirib ki, səhmdar cəmiyyətin əməkdaslarının operativliyi nəticəsində artıq bir sira kəndlərə elektrik enerjisinin təchizati bərpa olunub.
Ölkə.Az
