"Gücümüz nəyə çatsa, onu da etməyə çalışacağıq" — “Qəbələ”nin vitse-prezidenti

23:52
11.07.2018
6804
İdman
A
"Qəbələ" klubunun vitse-prezidenti Fariz Nəcəfov Avropa Liqasının I təsnifat mərhələsində qarşılaşacaqları Lüksemburq "Proqres"i ilə oyundan əvvəl jurnalistlərin suallarını cavablandırıb.

"Ölkə.Az" "Report"a istinadən həmin müsahibəni təqdim edir:

- Komanda sabah yeni və cavan baş məşqçisi ilə ilk Avropa Liqası matçına çıxacaq. Onun avrokuboklarda təcrübəsiz olması sizdə hər hansı bir narahatlıq yaradırmı?

- Bu barədə heç bir narahatlığımız yoxdur. Komandada bəzi dəyişikliklər olub. Dəyişikliklər həm məşqçi baxımından həm də futbolçular baxımından reallaşıb. "Qəbələ"yə yeni cəlb olunan futbolçular da mövcuddur. Ona görə fərqli olacağını gözləyirik. İstənilən halda potensialımız nəyə çatırsa, ona uyğun çıxış etməyə çalışacağıq.

- Komandanın kapitanı Cavid Hüseynovun olmamağını ciddi itki hesab etmək olarmı?

- Kimin olub-olmamağı bizdən asılı olmayan səbəbdir. Əlimizdə olan futbolçulardan maksimum dərəcədə istifadə etməyə çalışacağıq. Cavid komandanın aparıcı futbolçusu, həm də kapitanıdır.

- İlk oyunda qələbə vacib amildir. Bu matçda hansı nəticəyə ümid edirsiniz?

- Mən proqnoz verməyi xoşlamıram. Oyunun nəticəsi ilə bağlı əvvəlcədən danışmamışam. Amma əsas məsələ odur ki, iki oyunun nəticəsinə görə növbəti mərhələyə yüksələn komanda biz olaq. Rəqib ötən mövsüm Şotlandiyanın "Rengers" klubunu mübarizədən kənarlaşdırıb. Bu qarşılaşmalara maksimum dərəcədə məsuliyyətlə yanaşmalıyıq.

- Komandanın əsas hədəfi Avropa Liqasının qrupuna düşməkdir?

- Biz iki mövsüm ardıcıl olaraq qrupa düşəndə fərqli heyətlərlə mübarizə aparmışıq.Yeni qurulan komanda nadir hallarda uğur qazana bilir. Komandada kifayət qədər ciddi dəyişikliklər var. Gücümüz nəyə çatsa, onu da etməyə çalışacağıq.

- Sabahkı matçda klub prezidenti Taleh Heydərov iştirak edəcəkmi?

- Bu barədə məlumatım yoxdur. Ölkə xaricində idi. Dəqiq bilmirəm.

Ölkə.Az

ŞƏRH YAZ
0

Luka Modriç: "Ciddi yanaşmasaq, Azərbaycan təhlükəli ola bilər"

Luka Modriç:
00:15
Bu gün
258
İdman
A

"Əlbəttə, əvvəlcədən oyuna ciddi yanaşmasaq, Azərbaycan təhlükəli ola bilər. Bakıda qolsuz yekunlaşmış oyundakı rəqibi gözləyirəm. Amma ümid edirəm ki, bacardığımız oyunu ortaya qoyacağıq. Sabahkı oyunun uğurlu olacağını düşünürəm. İndi asan rəqib qalmayıb. Azərbaycan da istisna deyil".

"”Ölkə.Az” Report-a istinadən xəbər verir ki, bunu Xorvatiya yığmasının futbolçusu Luka Modriç Azərbaycan millisi ilə keçirəcəkləri 2020-ci il Avropa çempionatının seçmə qrup matçından əvvəl "Maksimir" stadionundakı mətbuat konfransında deyib. 34 yaşlı yarımmüdafiəçi bildirib ki, rəqibin fərqi yoxdur: "Motivasiya hər zaman yüksək səviyyədə olur. Bununla bağlı problem yaşayacağımızı düşünmürəm. Rəqibimizi tam ciddiyə alırıq".

Daha sonra yığmanın kapitanına Beynəlxalq İdman Jurnalistləri Assosiasiyasının mükafatı təqdim olunub.

Ölkə.Az

ŞƏRH YAZ
0

Millimiz səfərdə Rusiyaya uduzmadı — Final Yerevanda olacaq

Millimiz səfərdə Rusiyaya uduzmadı
21:28
20.03.2019
2281
İdman
A
Futbol üzrə Azərbaycanın U-19 yığması Avropa çempionatının elit-raundunda uğurlu start götürüb.

“Ölkə.Az”ın məlumatına görə, komandamız Rusiyada təşkil olunan turnirdə ilk oyununda meydan sahibləri ilə üz-üzə gəlib.
Qarşılaşma qolsuz bərabərliklə yekunlaşıb.

Qrupun digər matçında İrlandiya millisi Rumıniya komandasına 5:0 hesabı ilə qalib gəlib.

Millimiz növbəti oyunda martın 23-də İrlandiya ilə qarşılaşcaq.

Qeyd edək ki, final mərhələsinə yalnız qrup qalibləri vəsiqə qazanacaqlar. Final mərhələsi 14-27 iyulda Ermənistanda keçiriləcək.

Ölkə.Az

 

ŞƏRH YAZ
0
BAĞLA