"Gücümüz nəyə çatsa, onu da etməyə çalışacağıq" — “Qəbələ”nin vitse-prezidenti

23:52
11.07.2018
6872
İdman
A
"Qəbələ" klubunun vitse-prezidenti Fariz Nəcəfov Avropa Liqasının I təsnifat mərhələsində qarşılaşacaqları Lüksemburq "Proqres"i ilə oyundan əvvəl jurnalistlərin suallarını cavablandırıb.

"Ölkə.Az" "Report"a istinadən həmin müsahibəni təqdim edir:

- Komanda sabah yeni və cavan baş məşqçisi ilə ilk Avropa Liqası matçına çıxacaq. Onun avrokuboklarda təcrübəsiz olması sizdə hər hansı bir narahatlıq yaradırmı?

- Bu barədə heç bir narahatlığımız yoxdur. Komandada bəzi dəyişikliklər olub. Dəyişikliklər həm məşqçi baxımından həm də futbolçular baxımından reallaşıb. "Qəbələ"yə yeni cəlb olunan futbolçular da mövcuddur. Ona görə fərqli olacağını gözləyirik. İstənilən halda potensialımız nəyə çatırsa, ona uyğun çıxış etməyə çalışacağıq.

- Komandanın kapitanı Cavid Hüseynovun olmamağını ciddi itki hesab etmək olarmı?

- Kimin olub-olmamağı bizdən asılı olmayan səbəbdir. Əlimizdə olan futbolçulardan maksimum dərəcədə istifadə etməyə çalışacağıq. Cavid komandanın aparıcı futbolçusu, həm də kapitanıdır.

- İlk oyunda qələbə vacib amildir. Bu matçda hansı nəticəyə ümid edirsiniz?

- Mən proqnoz verməyi xoşlamıram. Oyunun nəticəsi ilə bağlı əvvəlcədən danışmamışam. Amma əsas məsələ odur ki, iki oyunun nəticəsinə görə növbəti mərhələyə yüksələn komanda biz olaq. Rəqib ötən mövsüm Şotlandiyanın "Rengers" klubunu mübarizədən kənarlaşdırıb. Bu qarşılaşmalara maksimum dərəcədə məsuliyyətlə yanaşmalıyıq.

- Komandanın əsas hədəfi Avropa Liqasının qrupuna düşməkdir?

- Biz iki mövsüm ardıcıl olaraq qrupa düşəndə fərqli heyətlərlə mübarizə aparmışıq.Yeni qurulan komanda nadir hallarda uğur qazana bilir. Komandada kifayət qədər ciddi dəyişikliklər var. Gücümüz nəyə çatsa, onu da etməyə çalışacağıq.

- Sabahkı matçda klub prezidenti Taleh Heydərov iştirak edəcəkmi?

- Bu barədə məlumatım yoxdur. Ölkə xaricində idi. Dəqiq bilmirəm.

Ölkə.Az

ŞƏRH YAZ
0

Bakı-2019: İkinci günün gündəliyi

Bakı-2019: İkinci günün gündəliyi
05:08
Bu gün
451
İdman
A
Bakıda keçirilən Avropa Gənclər Yay Olimpiya Festivalı davam edir.

"Ölkə.Az" APA-ya istinadən xəbər verir ki, yarışın ikinci günündə 7 növdə mübarizə baş tutacaq.

Bunlardan üçündə mükafatçılar bəlli olacaq. Üzgüçülər, atletlər və güləşçilər medal uğrunda mübarizə aparacaqlar. Ümumilikdə 10 dəst medal sahibini tapacaq.

Tennisdə yarışlar davam edəcəksə, komanda idman növləri – basketbol, həndbol və voleybolda ilk turun görüşləri keçiriləcək.

Azərbaycan idmançıları da növbəti sınaqlarına çıxacaqlar. Atletikada 6, üzgüçülükdə 3, güləşdə 7 idmançımız bu gün qüvvəsini sınayacaq. Həmçinin 4 yığmamız mübarizəyə qoşulacaq. 

Tennisçilərimiz isə çətin sınaq qarşısındadırlar. Təmsilçilərimizdən ikisi gün ərzində həm fərdi, həm cütlərdə mübarizə aparmalı olacaqlar. Yeri gəlmişkən, son anda qızlardan ibarət cütlüyün rəqibi də dəyişib.

Atletika
09:20. Qızlar, nüvə itələmə, təsnifat
Günel Hüseynova
10:02. Qızlar, 800 m, I mərhələ
Günel Manafova
10:26. Qızlar, 100 m, I mərhələ
Fəxriyyə Tağızadə
10:56. Oğlanlar, 100 m, I mərhələ
Aleksey Ələkbərov
19:02. Qızlar, 400 m, I mərhələ
Nika Məmmədova
19:20. Oğlanlar, Uzunluğa tullanma, təsnifat
Məmmədağa Məmmədov


Basketbol
Oğlanlar, qrup mərhələsi, I tur
18:15. Serbiya – Azərbaycan


Həndbol
Qızlar, qrup mərhələsi, I tur
14:30. İsveçrə - Azərbaycan
Oğlanlar, qrup mərhələsi, I tur
20:30. Almaniya – Azərbaycan


Üzgüçülük
09:00. Qızlar, 100 m, sərbəst üsulla, təsnifat
Şeyxəlizadə Xanqan
09:15. Oğlanlar, 400 m, sərbəst üsulla, təsnifat
Rəşad Əliquliyev
09:55. Oğlanlar, 100, brass, təsnifat
Əliyar Cahangirbəyov


Tennis
09:00. Oğlanlar, 1/32 final
Kənan Qasımov - Alessio Basile (Belçika)
09:00. Qızlar, 1/32 final
Alina Hüseynova - Jülyet Bovi (Belçika) 
14:30. Qızlar, cütlər, 1/16 final
Polina Drobiçeva/Alina Hüseynova – Karolina Qomes/Rakel Qonzales (İspaniya)
14:30. Oğlanlar, cütlər, 1/16 final
Kənan Qasımov/Tamerlan Əzizov – Daniel İvanov/ Tyaqo Pereyra (Portuqaliya)


Voleybol
Oğlanlar, qrup mərhələsi, I tur
18:00. Almaniya – Azərbaycan


Güləş
10:30. Sərbəst güləş
48 kq, 1/8 final
Mircavad Nəbiyev - Maqomedamin Bekbulatov (Rusiya) 
60 kq, 1/8 final
Sabir Cəfərov - Marsel Deli (Macarıstan) 
10:30. Yunan-Roma güləşi
48 kq, 1/8 final
Qurban Qurbanov - Kaçper Karaskieviç (Polşa)
60 kq, 1/8 final
Həsrət Cəfərov - Donatas Rindeikis (Litva)
10:30. Qadın güləşi
46 kq, 1/8 final
Gültəkin Şirinova - Jutta Ala-Ranta (Finlandiya)
49 kq, 1/4 final
Lalə Mirzəyeva - Mihaela Samoil (Moldova)
61 kq, 1/8 final
Mərziyə Sadıqova - Manola Skobelska (Ukrayna)

ŞƏRH YAZ
0

Məşqçinin ürəyi tutdu, oyun yarımçıq qaldı — VİDEO

Məşqçinin ürəyi tutdu, oyun yarımçıq qaldı
02:00
Bu gün
870
İdman
A
UEFA Avropa Liqasının I təsnifat mərhələsində “Səbail”i mübarizədən kənarlaşdırmış “Universitate Krayova” klubunun Rumıniya çempionatındakı oyunu yarımçıq qalıb.

“Ölkə.Az” oxu.az-a istinadən xəbər verir ki, buna rəqib “Dinamo”nun baş məşqçisinin huşunu itirməsi səbəb olub.

Belə ki, qarşılaşmanın ilk hissəsində halı pisləşən buxarestlilərin çalışdırıcısı Eugen Nyaqoe üçün təcili tibbi yardım maşını çağrılıb.

Oyun dayandırılıb və məşqçiyə ilkin tibbi müdaxilə olunub. Ancaq ürək tutması ehtimalı olan çalışdırıcı təcili olaraq xəstəxanaya aparılıb. Hazırda onun vəziyyətinin yaxşı olduğu bildirilib.

Qeyd edək ki, sonradan oyun davam etdirilib və “Universitat Krayova” 2:0 hesablı qələbə qazanıb.

Ölkə.Az

ŞƏRH YAZ
0
BAĞLA