Güləş Federasiyası gecikmiş maaşlarla bağlı açıqlama verdi

Güləş Federasiyası gecikmiş maaşlarla bağlı açıqlama verdi
17:38
10.08.2017
168
İdman
A
“Gecikmiş maaşların ödənilməsi prosesinə başlanılıb. Artıq 4-5 ayın pulları verilib. İlin sonuna qədər mərhələli şəkildə bütün borclar bağlanacaq”.

"Ölkə.Az" xəbər verir ki, bunu Report-a açıqlamasında Azərbaycan Güləş Federasiyasının vitse-prezidenti Elçin Cəfərov güləşçilərə gecikmiş maaşların ödənilməsinə münasibət bildirərkən deyib.

Federasiya rəsmisi borcların müddəti və məbləği barədə ətraflı məlumatı olmadığını söyləyib: “Detalları mühasibatlıqdan öyrənmək olar. Çünki maaşların məbləği fərqlidir. Açığı, indiyə qədər maliyyə məsələləri ilə məşğul olmamışam. Sadəcə olaraq, indi mövcud vəziyyətlə əlaqədar danışmalı oluram. Kimin nə qədər və neçə ay alacağı olduğunu bilmirəm”.

E.Cəfərov bildirib ki, Azərbaycanın güləş yığmasının üzvlərinin iyulun 28-də əməkhaqlarının və mükafatlarının ödənilməməsini, eləcə də, Azərbaycan Güləş Federasiyası tərəfindən təlim-məşq toplanışı keçmək üçün şərait yaradılmadığını əsas gətirərək, etiraz aksiyası keçirmələrinə görə heç kim milli komandadan kənarlaşdırılmayıb: “Heç kim yığmadan kənarlaşdırılmayıb. Hazırda hər şey yaxşıdır. Qarşıdan gələn dünya çempionatına hazırlığı yekunlaşdırmaq üzrəyik. Aksiyada iştirak edən güləşçilərdən kiminsə dünya çempionatına aparılmamasından söhbət belə gedə bilməz. Həmin hadisəyə görə heç kimə gözün üstündə qaşın var deyən yoxdur. Zədəlilər olmasa, yarışda tam heyətlə çıxış edəcəyik”.

Qeyd edək ki, yunan-Roma və sərbəst güləş üzrə böyüklərdən ibarət yığma komandalar məşqlərini Olimpiya Güləş Mərkəzində, qadın güləşçilər isə Ukraynanın Kiyev şəhərində Konça Zaspa təlim-məşq bazasında davam etdirir.

Yunan-Roma güləşi yığmasının təlim-məşq toplanışı avqustun 3-dən başlayıb və çempionata yola düşənə qədər davam edəcək. Avqustun 7-dən Ukraynaya yollanan qadın güləşçiləri isə ayın 21-dək bu ölkənin milli komandası ilə birgə hazırlıqları davam etdirəcək. Sərbəst güləşçilərin təlim-məşq toplanışı avqustun 6-dan başlayıb və 20-də yekunlaşacaq.

Dünya çempionatı 21-26 avqust tarixlərində Fransanın paytaxtı Paris şəhərində başa tutacaq. Proqrama əsasən, 21-22 avqustda yunan-Roma, 23-24 avqustda qadın güləşçilər arasında qaliblər müəyyənləşəcək. Sərbəst güləşçilər isə avqustun 25-26-da xalça üzərinə çıxacaqlar.

ŞƏRH YAZ
0

Samir Əliyev "Səbail"dən getdi

Samir Əliyev
23:36
22.05.2018
333
İdman
A
Bu gün "Səbail" klubunun rəhbərliyi və baş məşqçi Samir Əliyev arasında görüş keçirilib.

Klubun mətbuat xidmətindən "Ölkə.Az"a verilən məlumata görə, görüşdə "Səbail"in Topaz Premyer Liqasının geridə qalan mövsümündə çıxışı barədə ətraflı müzakirələr aparılıb.

Qarşılıqlı razılıq əsasında S.Əliyevin "Səbail"in baş məşqçisi kimi müqaviləsinə xitam verilməsi barədə qərar qəbul edilib.

Samir Əliyev "Səbail"ə cari mövsüm ərəfəsində baş məşqçi təyin olunub. Premyer Liqanın debütantı gənc mütəxəssisin rəhbərliyi altında 23 xalla 7-ci yeri tutub.

Ölkə.Az

ŞƏRH YAZ
0

“Qarabağ” sonuncu turda “Qəbələ”ni məğlub etdi

“Qarabağ” sonuncu turda “Qəbələ”ni məğlub etdi
23:48
21.05.2018
633
İdman
A
Mayın 21-də Topaz Premyer Liqasında sonuncu turun oyunu keçirilib.

"Ölkə.Az" xəbər verir ki, “Azərsun Arena”da baş tutan oyunda çempionluğunu vaxtından əvvəl təmin etmiş "Qarabağ” “Qəbələ” ilə üz-üzə gəlib. Çempionatın iki liderinin qarşıdurmasında ağdamlılar 1:0 hesabı ilə qələbə qazanıb. Oyunda yeganə qolun müəllifi 22-ci dəqiqədə hakimin təyin etdiyi 11 metrlik cərimə zərbəsini dəqiq yerinə yetirən Dani Kintana olub.

Beləliklə, yekun turnir cədvəlində “Qarabağ” 65 xalla birinci, “Qəbələ” 49 xalla ikinci, “Neftçi” isə 46 xalla üçüncü yerdə qərarlaşıb. Digər pillələrdə isə müvafiq olaraq, “Zirə” (44), “Sumqayıt” (40), “Keşlə” (31), “Səbail” (23) və “Kəpəz” (14) klubları yer alıb.

“Qarabağ” - “Qəbələ” qarşılaşmasından sonra mükafatlandırma mərasimi keçirilib. "Qarabağ"a qızıl, "Qəbələ"yə gümüş, "Neftçi" klubuna isə bürünc medallar təqdim olunub.

Ölkə.Az

ŞƏRH YAZ
0
BAĞLA