Güləşçilərimiz mübarizəyə başlayır

Güləşçilərimiz mübarizəyə başlayır
10:25
21.08.2017
57
İdman
A
Bu gün Fransanın paytaxtı Parisdə güləş üzrə dünya çempionatına start veriləcək.

"Ölkə.Az"ın Report-a istinadən məlumatına görə, ilk yarış günündə 71 kq, 75 kq, 85 kq və 98 kq çəki dərəcələrində yer alan yunan-Roma güləşçiləri qüvvələrini sınayacaqlar.

Azərbaycan bu çəkilərin hamısında təmsil olunacaq. 2015-ci ildə keçirilmiş son dünya çempionatının qalibi Rəsul Çunayev (71 kq) mübarizəyə 1/32 final mərhələsindən başlayacaq. Onun ilk rəqibi honduraslı Jefrin Benito Maxia Sambula olacaq.

Qalan güləşçilər 1/16 finaldan etibarən çıxış etməyə başlayacaqlar.

2010-cu ilin Avropa və dünya çempionu Həsən Əliyevin (75 kq) ilk rəqibi yaponiyalı Şohey Yabiku olacaq.

"Bakı 2017" IV İslam Həmrəyliyi Oyunlarının qalibi İslam Abbasov (85 kq) perulu Rikardo Dieqo Kardenas Esquenlə üz-üzə gələcək.

İslamiadanın daha bir qalibi Orxan Nuriyev (98 kq) də honduraslı Kevin Mexia Kastilyo ilə qarşılaşacaq.

İlk görüşlər Bakı vaxtı ilə saat 12:00-da, final qarşılaşmaları isə saat 21:00-da başlayacaq.

Qeyd edək ki, dünya çempionatı avqustun 26-dək davam edəcək.

ŞƏRH YAZ
0

Qvardiolanın təyyarəsində axtarış aparılıb

Qvardiolanın təyyarəsində axtarış aparılıb
00:58
Bu gün
87
İdman
A
İspaniya polisi “Mançester Siti”nin baş məşqçisi Xosep Qvardiolanın şəxsi təyyarəsində axtarış aparıb.

"Ölkə.Az" xarici KİV-ə istinadən xəbər verir ki, onlar Kataloniyanın keçmiş prezidenti Karles Puçdemonu axtarıblar.

Qeyd edək ki, Kataloniyanın müstəqilliyini elan etdikdən sonra ölkədən qaçan Puçdemon hüquq-mühafizə orqanları tərəfindən axtarışa verilmişdi.

Həftəsonu ailəsi ilə birlikdə Barselonaya istirahətə gedən Qvardiolanın təyyarəsində axtarış ispan məşqçini məyus edib.

Qeyd edək ki, Qvardiola Kataloniyanın müstəqilliyini və Puçdemonu dəstəklədiyini bildirmişdi.

Ölkə.Az

ŞƏRH YAZ
0

UEFA-da püşkatmanın nəticələri bəlli oldu — SİYAHI

UEFA-da püşkatmanın nəticələri bəlli oldu
18:02
23.02.2018
237
İdman
A
UEFA Avropa Liqasının səkkizdəbir final mərhələsinin püşkü atılıb.

UEFA-nın İsveçrənin Nyon şəhərindəki mənzil-qərargahında keçirilən püşkatma mərasimində rəqiblər müəyyənləşib.

Püşkatmanın nəticələri aşağıdakı kimidir:

“Latsio” (İtaliya) - “Dinamo” (Ukrayna)

“Leypziq” (Almaniya) - “Zenit” (Rusiya)

“Atletiko” (İspaniya) - “Lokomotiv” (Rusiya)

“CSKA” (Rusiya) - “Lion” (Fransa)

“Marsel” (Fransa) - “Atletik” (İspaniya)

“Sportinq” (Portuqaliya) - “Viktoriya” (Çexiya)

“Borussiya” (Dortmund, Almaniya) - “Zalsburq” (Avstriya)

“Milan” (İtaliya) - “Arsenal” (İngiltərə)

Qeyd edək ki, UEFA Avropa Liqasının səkkizdəbir final mərhələsinin ilk oyunları martın 8-də, cavab matçları bir həftə sonra keçiriləcək.

Ölkə.Az

 

ŞƏRH YAZ
0
BAĞLA