Güləşçilərimiz tatamiyə qayıtdılar — EKSKLÜZİV FOTOLAR

Güləşçilərimiz tatamiyə qayıtdılar
12:59
10.08.2017
170
İdman
A
Azərbaycan Milli Komandasının güləşçiləri 21-23 avqust tarixlərində Parisdə keçiriləcək Yunan-Roma güləş növü üzrə Dünya Çempionatına hazırlaşırlar.

Bu məqsədlə də “Ölkə.Az” əməkdaşları güləşçilərimizin təlim-məşq toplantısı ilə yaxından tanış olub. 

Dünya çempionatına hazırlaşan güləşçilərimiz arasında dünya çempionu Rəsul Çunayev, Həsən Əliyev və digər idmançılar da var idi. Onlar tatami üzərində təlim-məşq yarışları keçirirdilər. Hazırlıq prosesini isə Azərbaycan Güləş Federasiyasının Yunan-Roma güləşi üzrə vitse-prezidenti Elçin Cəfərov və Yunan-Roma güləşi üzrə gənclərdən ibarət Azərbaycan yığma komandasının baş məşqçisi Şaban Donat yaxından izləyirdi. 

Baş məşqçi Şaban Donat “Ölkə.Az”-a açıqlamasında bildirdi ki, güləşçilərimizin hazırlıq səviyyəsi çox yüksəkdir:
“Azərbaycan milli komandası Yunan-Roma yarışı üzrə  medallara iddialıdır. Ona görə də biz Dünya Çempionatına çox ciddi hazırlaşmışıq. İstedadlı və tanınmış idmançılarla yarışa gedəcəyik. Onların arasında dünya çempionu olan və cavan idmançılar da var. Biz Parisə 8 çəki üzrə 8 idmançı ilə gedəcəyik. Həmin idmançılar arasında 59 kiloqram çəki dərəcəsində Taleh Məmmədov, 66 kiloqram çəki dərəcəsində Kamran Məmmədov, 71 kiloqram çəki dərəcəsində Rəsul Çunayev, 75 kiloqram çəki dərəcəsində Həsən Əliyev, 80 kiloqram çəki dərəcəsində Elvin Mürsəliyev, 85 kiloqram çəki dərəcəsində İslam Abbasov, 98 kiloqram çəki dərəcəsində Orxan Nuruyev, 130 kiloqram çəki dərəcəsində isə Azərbaycanı təmsil edən iranlı idmançı Sabah Şəriətinin adını çəkə bilərəm. Biz bütün çəkilərdə medala iddialıyıq. Yəni, 8 idmançının hər birindən medal gözləyirik. Allahın köməyi ilə avqustun 18-də Parisə yola düşəcəyik”.

Maaşla bağlı bir sıra güləşçilərin etiraz etməsi məsələsinə də toxunan Ş.Donat dedi ki, hazırda güləşçilərlə bağlı  heç bir problem yoxdur: 

“Gördüyünüz ki, Rəsul Çunayev və digər idmançılar da buradadırlar. Hər şey qaydasındadır, güləşçilərimiz yarışlara hazırlaşırlar. Etiraz aksiyası olanda mən burada yox idim. Ancaq şükürlər olsun ki, artıq bu problem həllini tapıb. İdmançılar ancaq qələbə qazanmaq və Azərbaycan himnini səsləndirmək barədə düşünürlər”. 

Vasif Həsənli
Ölkə.Az

ŞƏRH YAZ
0

Qış Olimpiya Oyunlarında Azərbaycanın bayraqdarı kim olacaq?

Qış Olimpiya Oyunlarında Azərbaycanın bayraqdarı kim olacaq?
16:55
22.01.2018
457
İdman
A
Cənubi Koreyanın Pxençxan şəhərində keçiriləcək XXIII Qış Olimpiya Oyunlarında Azərbaycan nümayəndə heyətinin tərkibi və bayraqdar müəyyənləşib.

 "Ölkə.Az" xəbər verir ki, bu barədə "Report"a Milli Olimpiya Komitəsinin (MOK) beynəlxalq əlaqələr İdarəsinin müdiri və Azərbaycanın şef de-missionu Anar Bağırov məlumat verib.

Onun sözlərinə görə, fevralın 9-da start götürəcək olimpiadanın Açılış mərasimində bayraqdar funksiyasını ölkənin yeganə təmsilçisi Patrik Braxner yerinə yetirəcək. Braxner slalom və böyük slalom yarışlarına qatılacaq.

A.Bağırov bildirib ki, əvvəlki qış olimpiadalarında nümayəndə heyətinin istənilən üzvü bayrağı daşımaq imkanına malik olub. Amma bu dəfə Beynəlxalq Olimpiya Komitəsi ölkə bayrağını yalnız idmançının daşımalı olduğuna dair tələb irəli sürüb. Ona görə də bu missiyanı elə avstriyalı legionerin özü yerinə yetirməli olacaq.

Nümayəndə heyətində isə ümumilikdə 11 nəfər, o cümlədən, MOK-un vitse-prezidenti Çingiz Hüseynzadə, baş katibin müavini Azər Əliyev, gənclər və idman nazirinin müavini İsmayıl İsmayılov, nazirliyin idman şöbəsinin müdiri Fərid Mansurov, Azərbaycan Dağ Xizəkçiliyi Federasiyasının prezidenti Rauf Xəlilov yer alacaq.

Braxner ardıcıl ikinci olimpiadada Azərbaycanı təmsil edəcək. O, 2014-cü il Soçi Qış Olimpiya Oyunlarında da iştirak edib. Həmin vaxt böyük slalom növündə 53-cü yeri tutmuş Braxner slalomçuların mübarizəsində finişə çata bilməyib.

Qeyd edək ki, ümumilikdə 2500 idmançının qatılacağı "Pxençxan-2018"ə fevralın 25-də yekun vurulacaq. 

ŞƏRH YAZ
0

Kriştianu Ronaldu oyun vaxtı al-qana qərq oldu — VİDEO

Kriştianu Ronaldu oyun vaxtı al-qana qərq oldu
13:12
22.01.2018
713
İdman
A
"Real Madrid" klubunun hücumçusu Kriştianu Ronaldu İspaniya çempionatında zədələnib.

 "Ölkə.Az" xəbər verir ki, "Deportivo" ilə oyun vaxtı portuqaliyalı oyunçu yerə düşən topa kəllə vurmaq istəyib. Rəqib komandanın müdafiəçisi isə səhvən top yerinə Ronaldunun başına təpik vurub.

Nəticədə Ronaldunun başı partlayıb və o, meydançanı tərk etmək məcburiyyətində qalıb. Meydançanı tərk edən futbolçu telefon vasitəsilə sifətini nəzərdən keçirib. Ronaldu gördüyü mənzərədən narazı qalıb.

Qeyd edək ki, 7-1 "Real Madrid"in qələbəsi ilə başa çatan oyunda Ronaldu 2 qola imza atıb.

Hikmət Həsənov
Ölkə.Az

ŞƏRH YAZ
0
BAĞLA