Güləşçimiz Avropa Çempionatında qızıl medal qazandı

Güləşçimiz Avropa Çempionatında qızıl medal qazandı
21:30
10.06.2018
1769
İdman
A
Türkiyənin İstanbul şəhərində 23 yaşadək güləşçilər arasında keçirilən Avropa çempionatına yekun vurulub.

"Ölkə.Az" xəbər verir ki, sonuncu yarış günündə Azərbaycan sərbəst güləşçisi Şami Zubairov qızıl medal qazanıb.

92 kq çəki dərəcəsində yarışan Zubairov ardıcıl olaraq, Rusiya və Ermənistan təmsilçilərinə qalib gəldikdən sonra finala yüksəlib. Qızıl medal uğrunda görüşdə isə o, gürcüstanlı rəqibini tam üstünlüklə yenərək, Avropa çempionu olub.

61 kq-da mübarizə aparan Elçin Vəliyev ilk görüşündə rumıniyalıya qalib gəlsə də, yarımfinalda Moldova təmsilçisinə uduzub. Bürünc medal görüşünə haqq qazanan Vəliyev həlledici görüşdə Türkiyə güləşçisinə yenilərək, çempionatı 5-ci sırada tamamlayıb.

U-23 Avropa çempionatı

10 iyun

61 kq

Bürünc medal görüşü. Ertuğrul Kahveci (Türkiyə) - Elçin Vəliyev - 7:6

1/2 final. Elçin Vəliyev - Vitali Buniçi (Moldova) - 5:7

1/4 final. İon Suruqiu (Rumıniya) - Elçin Vəliyev - 0:10

86 kq

1/8 final. İlya Arçaya (Ukrayna) - Hacımurad Məhəmmədsəidov - 14:4

92 kq

FİNAL. Şamil Zubairov - İrakli Mtsituri (Gürcüstan) - 8:1

1/2 final. Sargis Hovsepyan (Ermənistan) - Şamil Zubairov - 5:7

1/4 final. Şamil Zubairov - Batırbek Tsakulov (Rusiya) - 10:5

Beləliklə, Azərbaycanın sərbəst və yunan-Roma güləşçiləri Avropa çempionatını ümumilikdə 7 medalla başa vurublar. Sərbəst güləşçilərdən yalnız Şamil Zubairov (92 kq) qızıl medal qazanıbsa, Əfqan Xaşalov (57 kq) və Ənvərbəy Dalqatov (65 kq) gümüş, Murad Süleymanov (79 kq) bürünc medala sahib olub. Yunan-Roma güləşçilərindən isə İslam Abbasov (87 kq) qızıl, Murad Məmmədov (60 kq) və Eltun Vəzirzadə (82 kq) bürünc medala yiyələnib.

Ölkə.Az

ŞƏRH YAZ
0

Maradona həbs edildi

Maradona həbs edildi
10:17
Bu gün
586
İdman
A
Dünyanın məşhur futbol ulduzu Dieqo Maradona həbs edilib.

“Ölkə.Az” xəbər verir ki, Maradona keçmiş sevgilisi Rosio Olivaya olan 5 milyon avro borcunu ödəmədiyi üçün hava limanında saxlanılıb.

Ötən ilin dekabr ayında da Dieqonu ayrıldığı 6 illik sevgilisi məhkəməyə vermişdi. Maradona “Dorados de Sinaloa” klubu üçün Meksikadan Argentinaya qayıdanda hava limanındah əbs edilib. 13 iyunda tərəflər hakim qarşısında cavab verəcək.

Hikmət Həsənov
Ölkə.Az

ŞƏRH YAZ
0

FİFA DÇ-2022 iştirakçılarının sayını artırmaqdan imtina edib

FİFA DÇ-2022 iştirakçılarının sayını artırmaqdan imtina edib
00:32
Bu gün
598
İdman
A
Qətərdə keçiriləcək futbol üzrə 2022-ci il dünya çempionatı iştirakçılarının tərkibi 32-dən 48 komandaya qədər artırılmayacaq.

"Ölkə.Az" Türkiyə mediasına istinadən xəbər verir ki, bu barədə AP məlumat yayıb.

FİFA çempionat iştirakçılarının sayını artırmamaqla yanaşı, turnirin bir neçə matçının Qətərdən kənarda keçirilməsi ideyasından da imtina edib.

Xatırladaq ki, Qətərdə dünya çempionatı 2022-ci ilin 21 noyabr – 18 dekabr tarixləri aralığında Doha, Lusail, Əl-Vakr, Əl-Xor, Ər-Rayyan, Umm-Salal və Əş-Şamal şəhərlərində keçiriləcək.

Ölkə.Az

ŞƏRH YAZ
0
BAĞLA