Güləşçimiz dünya çempionatında gümüş medal qazanıb

Güləşçimiz dünya çempionatında gümüş medal qazanıb
10:27
23.10.2018
847
İdman
A
Macarıstanın paytaxtı Budapeştdə keçirilən dünya çempionatında Azərbaycanın sərbəst güləşçisi Cəbrayıl Həsənov gümüş medal qazanıb.

Azərbaycan Güləş Federasiyasından "Ölkə.Az"a verilən məlumata görə, çempionatın ikinci yarış günündə 57, 65, 79 və 92 kiloqram çəki dərəcələrində çıxış edən güləşçilər mübarizə aparıblar.

Mübarizəyə səkkizdəbir finaldan qoşulan Cəbrayıl Həsənov (79 kq) çətinlik çəkmədən Puerto-Riko idmançısına qalib gəlib. Yığmamızın kapitanı dörddəbir finalda Belarus təmsilçisi üzərində də inamlı qələbə qazanaraq yarımfinala adlayan ilk güləşçimiz olub. Finalın bir addımlığında Cəbrayıl əsl əzmkarlıq nümayiş etdirib. İranlı güləşçi 3:0 hesabı ilə önə keçsə də, son yarım dəqiqədə möhtəşəm geridönüş edən həmyerlimiz karyerasında ilk dəfə finala yüksəlib.

İdmançımız oktyabrın 22-də amerikalı Kayl Duqlas Deyklə qarşılaşıb. Gərgin mübarizə şəraitində keçən görüş rəqibin qələbəsi ilə başa çatıb. Beləliklə, C.Həsənov dünya çempionatında gümüş medala sahib çıxıb.

Cəbrayıl Həsənov yarışla bağlı təəssüratlarını açıqlayıb. Mundiala hazır formada gəldiyini söyləyən sərbəst güləşçimiz çempionluq üçün nəsə çatmadığını söyləyib: "Bura çox yaxşı formada gəlmişdim. Çempion olacağıma inanırdım. Hücumu son saniyələrə saxlamışdım. Alınmadı. Bundan sonra çalışacağam ki, şansımı son saniyələrə saxlamayım. Səhvlərimin üzərində işləyəcəyəm".

Ölkə.Az

ŞƏRH YAZ
0

Bu gün millimiz Farer adaları ilə qarşılaşır

Bu gün millimiz Farer adaları ilə qarşılaşır
09:50
Bu gün
144
İdman
A
Bu gün Millətlər Liqasında 5-ci turun son oyunları keçiriləcək.

"Ölkə.Az"ın xəbərinə görə, Bakı Olimpiya Stadionunda keçiriləcək oyun saat 21:00-da start götürəcək.

D Liqasının 3-cü qrupunda mübarizə aparan yığmamız  son ev oyununda Farer adaları ilə qarşılaşacaq.

Qeyd edək ki, millimiz səfərdə rəqibinə 3 cavabsız qolla qalib gəlib.

D liqasının 3-cü qrupunda yer alan Qurban Qurbanovun yetirmələri dörd turdan sonra altı xalla ikinci pillədə qərarlaşıb. Kosovo yığması səkkiz xalla qrup lideridir. Farer adalarının dörd, Malta yığmasının isə iki xalı var.

Ölkə.Az

ŞƏRH YAZ
0

Azərbaycanın qadın güləşçisi dünya çempionatında gümüş medal qazanıb

Azərbaycanın qadın güləşçisi dünya çempionatında gümüş medal qazanıb
00:39
Bu gün
247
İdman
A
Rumıniyanın paytaxtı Buxarestdə 23 yaşadək güləşçilərin dünya çempionatı davam edir.

"Ölkə.Az" report-a istinadən xəbər verir ki, dördüncü yarış günündə qadınlardan ibarət yığmamızın son iki üzvü mübarizəyə başlayıb.

Alyona Kolesnik təsnifat mərhələsində türk həmkarına böyük hesabla qalib gələrək, mundiala inamlı start verib. Ancaq Kolesnik 1/4 finalda Kanada nümayəndəsinə müqavimət göstərə bilməyib. Rəqib finala yüksəldiyi üçün Alyona noyabrın 16-da təsəlliverici görüşə çıxıb. Macarıstan təmsilçisi ilə qarşılaşmanın əvvəlindən üstünlük quran idmançımız son saniyələrdə tuşe ilə qələbə qazanıb. Kolesnik axşam seansında bürünc medal görüşünə çıxıb və Monqolustan təmsilçisinə yenilərək 5-ci yerlə kifayətlənib.

Elis Manolova üçün də start uğurlu alınıb. O, 1/8 finalda Monqolustan təmsilçisini məğlub edib. Elisin 1/4 finalda Rusiya idmançısıyla mübarizəsi maraqlı alınıb. Belə ki, 2:8 hesabıyla geri düşən Manolova sona 1 dəqiqə qalmış tuşe ilə qalib gələrək yarımfinala yüksəlib. Yığma üzvünün yarımfinal görüşü axşam seansında baş tutub. İsveçli rəqibinə də gücünü göstərən Manolova adını finala yazdırıb. Təmsilçimiz noyabrın 16-da axşam seansında final qarşılaşmasını keçirib və yapon rəqibinə uduzaraq gümüş medalçı olub.

57 kq

Bürünc medal görüşü - Alyona Kolesnik - Tserençimed Suxee (MGL) 3:11

Təsəlliverici görüş - Alyona Kolesnik - Tamara Dollak (HUN) 12:3 (tuşe)

1/4 final - Alyona Kolesnik - Aleksandria Rebekka Taun (CAN) 0:10

Təsnifat - Alyona Kolesnik - Elif Yanik (TUR) 6:0

65 kq

Final - Elis Manolova - Ayana Qempey (JPN) 3:7

1/2 final - Elis Manolova - Moa Lena Mariya Niqren (SWE) 8:4

1/4 final - Elis Manolova - Mariya Kuznetsova (RUS) +:- (tuşe)

1/8 final - Elis Manolova - Bolortuya Xurelxuu (MGL) 5:1

Ölkə.Az

ŞƏRH YAZ
0
BAĞLA