Güləşçimiz erməni idmançıya qalib gəldi — Avropa Çempionatının finalına çıxdı

Güləşçimiz erməni idmançıya qalib gəldi
22:13
09.06.2018
5019
İdman
A
Türkiyənin İstanbul şəhərində güləş üzrə U-23 Avropa çempionatı davam edir.

Azərbaycan Güləş Federasiyasından "Ölkə.Az"a verilən məlumata əsasən, altıncı yarış günündə 61, 74, 86, 92 və 125 kq çəki dərəcələrində sərbəst güləşçilər mübarizəyə qoşulub.

61 kq-da mübarizə aparan Elçin Vəliyev Rumıniya idmançısına qalib gəlsə də yarımfinalda Moldova təmsilçisinə uduzub. Bürünc medal görüşünə haqq qazanan Eçinin həlledici görüşdə rəqibi Türkiyə idmançısı olacaq.

92 kq-da yarışan Şamil Zubairov isə ardıcıl olaraq Rusiya və Ermənistan təmsilçilərinə qalib gəlib və finala yüksəlib. Qızıl medal uğrunda görüşdə güləşçimizin rəqibi Gürcüstan idmançısı olacaq.

Final görüşləri Bakı vaxtı ilə 10 iyun saat 19:30-da başlayacaq.

61 kq

Bürünc medal görüşü - Ertuğrul Kahveci (TUR) - Elçin Vəliyev

1/2 final - Elçin Vəliyev - Vitalie Bunici (MDA) 5:7

1/4 final - İon Surugiu (ROU) - Elçin Vəliyev 0:10

86 kq

1/8 final - İllia Arçaia (UKR) - Hacımurad Məhəmmədsəidov 14:4

92 kq

FİNAL - Şamil Zubairov - İrakli Mtsituri (GEO)

1/2 final - Sargis Hovsepyan (ARM) - Şamil Zubairov 5:7

1/4 final - Şamil Zubairov - Batırbek Tsakulov (RUS) 10:5

Ölkə.Az

ŞƏRH YAZ
0

Voleybol üzrə Azərbaycan millisi İsveçi məğlub edib

Voleybol üzrə Azərbaycan millisi İsveçi məğlub edib
21:35
Bu gün
215
İdman
A
Voleybol üzrə kişilərdən ibarət Azərbaycan milli komandası 2019 Avropa çempionatının seçmə mərhələsində ilk oyununu keçirib.

"Ölkə.Az" Report-a istinadən xəbər verir ki, G qrupunda mübarizə aparan yığma İsveçlə üz-üzə gəlib.

Dərnəgül Voleybol Mərkəzində baş tutan qarşılaşma Azərbaycan millisinin əzmkar qələbəsi ilə başa çatıb - 3:2.

İlk iki setdə rəqibinə məğlub olan yığma növbəti üç setdə qələbə qazanıb. Bu nəticədən sonra Azərbaycan millisi aktivinə 2, İsveç isə 1 xal yazdırıb. 

Qeyd edək ki, Azərbaycan yığması növbəti oyununu avqustun 18-i səfərdə Lüksemburqa qarşı keçirəcək.

Avropa çempionatı seçmə mərhələsi, I tur

Azərbaycan - İsveç 3:2 (23:25,19:25, 26:24, 25:22, 15:10)

Ölkə.Az

ŞƏRH YAZ
0

Millimizdən tarixi qələbə — FOTO

Millimizdən tarixi qələbə
20:41
Bu gün
355
İdman
A
Kiyevdə keçirilən minifutbol üzrə Avropa çempionatında millimiz ilk qələbəsini qazanıb.

"Ölkə.Az" Oxu.Az-a istinadən xəbər verir ki, ilk iki oyunda uduzaraq növbəti mərhələ şansını itirmiş debütant millimiz qrupun autsayderi olan Türkiyə ilə qarşılaşıb.

Oyundan öncə komandalar qardaşlıq rəmzi olaraq birgə şəkil çəkdiriblər. Bundan sonra matça start verilib.

Millimizin üstünlüyü şəraitində keçən matçda komandamız 6:2 hesabı ilə qələbə qazanıb. 

Yığmamızdan qolları Asif Zeynalov (1-ci dəqiqə), Seymur Məmmədov (17, 18, 31), Vüsal İsayev (38) və Elvin Əlizadə (40) vurublar. Türklərdən isə qol müəllifi Kaan Çamkır (18, 27) olub.

Bununla da millimiz minifutbol üzrə Avropa çempionatında ilk qələbəsini qazanmaqla tarixə düşüb.

Qeyd edək ki, millimiz sabah Bakı vaxtı ilə saat 20:00-da qrupda sonuncu görüşünü keçirəcək. Rəqib Serbiya millisi olacaq.

Ölkə.Az

ŞƏRH YAZ
0
BAĞLA