Gülgünü vurub öldürən şəxs bank işçisi imiş — FOTO/VİDEO

Gülgünü vurub öldürən şəxs bank işçisi imiş
21:29
21.09.2019
6622
Hadisə
A
Xəbər verdiyimiz kimi, sentyabrın 17-i axşam saatlarında Nəsimi rayonu, Vaqif prospektində Ramal Məmmədov idarə etdiyi "Volkswagen Passat" markalı 10-GN-002 dövlət qeydiyyat nişanlı avtomobillə piyada zolağında yolu keçən -1994-cü il təvəllüdlü Əmiraslanlı Gülgün Saday qızını vuraraq öldürüb.

"Ölkə.Az"qafqazinfo-ya istinadən xəbər verir ki, qəzanı törədən şəxslə bağlı bir sıra məlumatlar əldə edib.

Məsələ burasındadır ki, Ramal Məmmədovun qəzanı törətdiyi maşınla təhlükəli manevrlər etməsiylə bağlı videolar da mövcuddur. O, məhz həmin gecə qırmızı işıqda keçərək məlum hadisəni törədib. Xoşbəxtlikdən hadisənin baş verdiyi an piyada keçidinin üzərində olan daha iki nəfər xəsarət almadan qəzadan yayına biliblər. Əslən Lənkərandan olan 28 yaşlı Məmmədov, "Kapital Bank"da çalışıb.

Mərhuma gəlincə, 2016-cı ildə Bakı Slavyan Universitetinin məzunu olan Gülgün Əmiraslanlı ali məktəbi bitirdikdən sonra özünü təkmilləşdirmək üçün fərqli zamanlarda ABŞ-da kurslar keçib. O, Azərbaycana qayıtdıqdan sonra Heydər Əliyev adına Beynəlxalq Hava Limanında “ASAN Viza”da çalışıb. Bir il öncə işə başlayan Əmiraslanlı, hadisənin baş verdiyi vaxt işdən qayıdırmış. Əldə etdiyimiz məlumata görə, Gülgün avtobusdan düşən zaman evdəkilərə zəng edərək, 5 dəqiqəyə çatacağını deyib.

Gülgüngil ailədə iki bacı, bir qardaş olublar. Əmiraslanlı özü isə subay imiş.

Qeyd edək ki, faktla bağlı Nəsimi rayon Polis İdarəsinin İstintaq Şöbəsində Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb. 

Hadisəni törədən Ramal Məmmədov şübhəli şəxs qismində tutularaq istintaqa cəlb olunub və müdafiəçinin iştirakı ilə dindirilib. Hazırda iş üzrə zəruri istintaq tədbirləri davam etdirilir.

ŞƏRH YAZ
1

Bakıda 3 qardaş kütləvi dava zamanı bıçaqlanıb

Bakıda 3 qardaş kütləvi dava zamanı bıçaqlanıb
02:54
Bu gün
348
Hadisə
A
Bakının Binəqədi rayonunda kütləvi dava düşüb.

"Ölkə.Az" APA-ya istinadən xəbər verir ki, hadisə Mir Cəlal küçəsində baş verib.

1994-cü il təvəllüdlü Abışov Röyal Əli oğlu, Abışov Roman Əli oğlu və Abışov İmaməli Əli oğlu kütləvi dava zamanı bıçaqlanıb. Yaralıların hər üçü 1 saylı Xəstəxanaya yerləşdirilib. Həkimlərin verdiyi məlumata görə, yaralılardan R.Abışova ümümulikdə 6 bıçaq zərbəsi vurulub və vəziyyəti ağırdır.

Faktla bağlı Binəqədi Rayon Polis İdarəsinin 7-ci Polis Bölməsi tərəfindən araşdırma aparılır.

Ölkə.Az

ŞƏRH YAZ
0

Abşeronda zəncirvari qəza — FOTO/VİDEO

Abşeronda zəncirvari qəza
23:34
18.02.2020
694
Hadisə
A
Abşeronda yol-nəqliyyat hadisəsi baş verib.

"Ölkə.Az" report-a istinadən xəbər verir ki, hadisə Saray qəsəbəsində qeydə alınıb.

Belə ki, “50-CM-511” dövlət nömrə nişanlı KİA markalı avtomobil sürət həddini aşaraq qarşıdan gələn “10-LM-725” dövlət nömrə nişanlı "VAZ-2107" markalı minik maşını ilə toqquşub. KİA daha sonra qəzanın təsirindən “90-UJ-174” dövlət nömrə nişanlı "Tofaş" markalı avtomobilinin arxa hissəsinə çırpılıb. Hadisə nəticəsində xəsarət alan olmasa da, hər 3 nəqliyyat vasitəsinə ziyan dəyib.

Qəza yerinə DYP əməkdaşları və təxliyə maşını cəlb edilib.

Ölkə.Az

ŞƏRH YAZ
0
BAĞLA