Gülnarə Kərimova 1.2 milyard dolları Özbəkistana qaytarır

Gülnarə Kərimova 1.2 milyard dolları Özbəkistana qaytarır
10:53
25.06.2019
6525
Dünya
A
Özbəkistanın keçmiş prezidenti İslam Kərimovun böyük qızı Gülnarə Kərimova 1.2 milyard dolları dövlətə qaytardığını, ölkədən xaricdəki pullarını da büdcəyə qaytarmaq istədiyini bildirib.

 “Ölkə.Az” xəbər verir ki, Özbəkistanın paytaxtı Daşkənd yaxınlığındakı bir həbsxanada cəzasını çəkən Kərimova qızı İmanın sosial şəbəkədəki səhifəsi vasitəsilə yazılı açıqlama verib.

Son dövrlərdə çox dəyişdiyini, özünü təmizə çıxarmaq üçün cəhd etmədiyini qeyd edən Kərimova “Xalqımdan, məni başa düşən və hörmət edən bütün insanlardan üzr istəyirəm” yazıb. Kərimova bildirib ki, büdcəyə qaytardığı pulların Özbəkistanın inkişafına təsir edəcəyinə inanır.

“Ölkədəki 1.2 milyard dollarlıq sərmayə çoxdan mənim nəzarətimdən çıxaraq dövlət büdcəsi üçün işləyir. İsveçrədə dondurulan hesabımdakı pul isə sadəcə mənim həll edə biləcəyim bir iş deyil. Bu pulu digər ölkələr də tələb edir. Mən vəkilimlə 131 milyon dolların geri gətirilməsi üçün əlimizdən gələni edirik. 555 milyon dollarlıq məbləğ üçün də işə başlamışıq. Sağlamlığımla bağlı problemlərim var. Əməliyyat lazımdır və bunun üçün prezident Şevket Mirziyoyevə müraciət etmişəm”, - deyə Kərimova əlavə edib.

Gülnarə 2017-ci ildə Özbəkistan məhkəməsi tərəfindən korrupsiya, rüşvət, fırıldaqçılıq, ticarət və gömrük qanunlarını pozma və digər maddələrlə ittiham edilərək 10 il müddətinə həbs cəzası alıb. Sonra dövlətə vurduğu ziyanı ödəməklə cəzası 5 ilə endirilib və həbs cəzası verilib. Amma mart ayında məhkum edildiyi ev həbsi şərtlərini pozduğu üçün həbsxanaya göndərilib. 

Hikmət Həsənov 
Ölkə.Az

ŞƏRH YAZ
0

Türkiyədə 1500 illik İncil kitabı tapıldı — FOTOLAR

Türkiyədə 1500 illik İncil kitabı tapıldı
12:25
Bu gün
265
Dünya
A
Türkiyə ərazisində ən azı 1500 yaşı olan İncil kitabı tapılıb.
"Ölkə.Az" xəbər verir ki, ən maraqlısı isə, bu qədim kitabda İsa peyğəmbər haqqında yeni və fərqli məlumatlar üzə çıxıb. 
 
İddiaya görə, kitabın tapılıb açılması Vatikanın heç də ürəyincə olmayıb. Hüquq-mühafizə orqanları əməkdaşları Müqəddəs Kitabı antik əşyaların satışı ilə məşğul olan qaçaqmalçıların tutulması zamanı aşkarlayıb.
 
Hazırda o Türkiyə məhkəməsinin binasında yerləşir. 
 
Məlumata görə,  tapıntı Vatikanı ciddi maraqlandırıb və onlar kitabı müxtəlif bəhanələrlə almağa çalışıb. 
 
Kitabda qalın dəri bağlayıcı var, ancaq səhifələr olduqca incədir - onlara zərər vermək çox asandır. Kitab iki dildə - aramik və assur dilində tərtib edilib.
Kitabın müəllifi haqqında müxtəlif mülahizələr var. Bəzi mənbələrə ğörə bu Varnavanidən olan həvaridir.
 
Müqəddəs kitabda çoxlu sayda maraqlı məlumatlar var. Məsələn, Varnava, İsanın heç vaxt Allahın Oğlu olmadığını, onun ancaq peyğəmbərlik missiyası verildiyini deyib.
 
Bundan başqa bildirilir ki, İsa heç zaman çarmıxa çəkilməyib, ancaq sağlam və diri vəziyyətdə cənnətə qaldırılıb. Çarmıxa çəkilən isə əslində Judas Iscariotun olub.
 
Vatikan isə bu kitabın saxta, oradakı məlumatların isə həqiqətə uyğun olmadığını iddia edir.
 
 
Məmmədov Müşfiq
Ölkə.Az
ŞƏRH YAZ
0

İraqda dəhşətli terror — Kərbalaya giriş-çıxış bağlandı

İraqda dəhşətli terror
11:32
Bu gün
374
Dünya
A
İraqın Kərbala şəhərində güclü partlayış baş verib.

“Ölkə.Az” “Reuters”-ə istinadən xəbər verir ki, avtobusun partlaması nəticəsində ən azı  17 nəfər həlak olub. Çox sayda yaralananlar var.
Hələki heç bir qruplaşma hadisənin  məsuliyyətini üzərinə götürməyib.
Məlumata görə,  terrorçu tutulub.  Kərbəla şəhərinə giriş və çıxışlar bağlanıb.

Ölkə.Az

ŞƏRH YAZ
0
BAĞLA